MIZO KRISTIAN MARTAR HMASA BER
Mizo Kristian Martar hmasa ber Tv. Chalbuanga Chhangte (Kum 25) chanchin ka hriat theih ang ang ka ziah tur hi May 30, 2000 a kalin Champhai venglai a mi, Chalbuanga tute zawt chiang turin, Kohhran Committee inUpa Thanruma nen min tir a. Kan han thleng chu min lo lawm thiam hle a, an lungte a leng thar leh a. Mizo Kristian Martar hmasa ber Tv Chalbuanga Chhangte lung dawh kan tum a ni, kan ti a an lawm em em a, a chanchin chu kan inzawt ta a. ni 1.6.2000 ah kan hawng leh ta a. Phullen Kohhran Biak In bulah kan dawh ta a. Ni 30.9.2000 chuan Biak In nen Rev. K. Lungmuana, Synod Moderator in a hawng ta a ni.
Mizo Kristian Martar Hmasaber:
Tv. Chalbuanga Chhangte (25)
A pa :Thilluta (L)
A nu :Famthangi (L)
A pian kum :1882
Baptisma chan : Nov 2, 1904
A farnute : Tlangziki
Chawntuahthangi
Khuallutthangi
Chawngnghilhlovi
Tlangchawiveli
(anni ho hian chatuan ram an pan vek tawh)
A HUN HNUHNUNG LAM :
Tv. Chalbuanga hi a naupan lai atangin huaisen tak, mi tumruh tak leh zaidam bawksi a ni a. A lo tlangvala Pathian thu awih a lo ni a. Lal Vanphunga;n lal Upa atan a it hle a, a sawm ta nge nge a. Mahse, Tv Chalbuanga chuan, “Ka pu, Lal Upa ah chuan ka tang lo mai ang nge’” a tihsan ngam a ni.
TIHDUHDAHNA:
Pathian thu awih an lo pun zel avangin kum 1906 May thla atangin Pathian thu awih tihrem tumin hnawhchhuah te, vuak te, ensan te, hmuhsit te an tan ta a. Mahse, Tv. Chalbuanga chu an tudawl zo lo. An hnawhchhuah hlan hian an in te, an buhzem te an lo rawk thin a, an lo haw veleh mai thin a ni awm e. A pa hi a thi hma a ni ang, a nu Famthangi hovin Khandaih ah an hmeithai a. Vawikhat chu Chhuana, Pathian thuawih an sawisak chu a na lutuk a, a thi emaw an ti a, dawipawnah an dah a. Tv. Chalbuanga hian a khawngaih lutuk a, “Khawnga a ruang tal chu ka va hlawm ang e’” a ti a. A zuk kal chuan a lo la thi lova. “Buanga ka tui a hal lutuk, tui min han pe teh,” a lo ti a. Tui a pek hnuah In lamah a pawh haw ta a ni.
Pathian thu awih loten an lo hria a, Tv. Chalbuanga chu an haw ta em em mai a, hun remchang an zawng ran a, an sawisa ve ta a. Tuthlawh-ha suihloh hian an vaw ta hrep mai a, a hnungzang an vaw kak a, mahse Isua lam tang nih chu a bang duh chuang lo. A hliam chu a tui hluam hluam thin a, chuti chung chuan a farnute thlam sak dan tur kawhhmuhin a kal a, a nuin a lainat lutuk a, “Taia, I ti thei ngang lo a nih hi lo awm mai mai rawh,” a ti a. Tv Chalbuanga chuan, “Isua lam tang tan chuan a na love’” a tihsan mai a ni.
A MARTAR TA:
Tuk khat chu a hliam chu a lo hil duak a, ‘Taia, i dam dawn a nih hi,’ an ti a. An fehsan ta a. Tlai lama an han haw chuan a na chu a tuar ngang lova, a lo thi reng mai a ni. A thih kum hi kum 1906 a ni.
A NUTE AN PEM:
Tv. Chalbuanga chuan a dam lai khan hetiang hian a lo sawi a. “Nakinah khawchhak lam atangin Mambawihi hi an rawn dil ang che u ang a, in lo neiohtir dawn nia,” a lo ti lawk a. A sawi ang ngei chuan Hmunhmeltha tlangval Chawnghnuna tan an rawn dil ta a, an neihtir ta a ni.
Chumi hnu chuan a nu Famthangi leh a farnute chu mambawihi awmna Hmunhmeltha khuaah pem turin an chhuak ta a. An hmalamah hian Keipui hi a kal nghoh ngoh mai a, an nu Famthangi chuan, “En teh u, Pathianin min hruai turin Keipui a rawn tir a nih hi, hlau reng reng suh u,” a ti a. An kal zel a, Keipui pawh chu a kal ve zel a, Champhai khaw dai thlengin Keipui chu a kal ve a, kawngsirah a pensan ta a ni. Champhai an lut a, Lalsanga’n Hmunhmelthaah Kristian ka siam a, Pathian thuawih a duh apiang lo pem rawh u, a ti a. Chutah chuan an awm hlen ta a ni.
Ringtu hmasate chu Isua Lam tang an inti thin a ni awm e. Tv. Chalbuang te unau hi paruk an ni a, ani hi a upa lam atangin a pathumna a ni a. A nupui tur pawh hi Isua lam tang an zawng hman a, an berem hman vek tawh a, mahse, martarin a thihsan ta si a, a tu leh faten tunge an biakrem hi hriat an chak em em , kei pawh min zawt a, mahse, ka hre bik si lova; a hriat heih tawh loh mai theih a ni. An unau zinga upa ber Pi Thangziki hi Pu Thangseia nu Upa Kuaia nupui a ni a, Upa Kuaia hriat rengna lungphun pawh tuna Phullen Vengthar Biak In kawtah hmuh theih a phunthlak a ni.
Mizo Kristian Martar hmasa ber kan hriat theihna pawh hi Pu Thangvunga Champhai Venglaiin kum 1998 April thla chhuak Kristian Tlangau ah a rawn chhuah a, chuta tanga chhuichhuak thei chauh kan ni e.
“KAN HMAA MI HUAI KAL TE KHA AN DING NGHET HE HMUNAH HIAN”
(He thu hi Upa Lalrinzauva ziah, Phullen Kohhran Centenary(1903-2003) Souvenir -2004 a publish atanga lakchhawn a ni e.)
Mizo Kristian Martar Hmasaber:
Tv. Chalbuanga Chhangte (25)
A pa :Thilluta (L)
A nu :Famthangi (L)
A pian kum :1882
Baptisma chan : Nov 2, 1904
A farnute : Tlangziki
Chawntuahthangi
Khuallutthangi
Chawngnghilhlovi
Tlangchawiveli
(anni ho hian chatuan ram an pan vek tawh)
A HUN HNUHNUNG LAM :
Tv. Chalbuanga hi a naupan lai atangin huaisen tak, mi tumruh tak leh zaidam bawksi a ni a. A lo tlangvala Pathian thu awih a lo ni a. Lal Vanphunga;n lal Upa atan a it hle a, a sawm ta nge nge a. Mahse, Tv Chalbuanga chuan, “Ka pu, Lal Upa ah chuan ka tang lo mai ang nge’” a tihsan ngam a ni.
TIHDUHDAHNA:
Pathian thu awih an lo pun zel avangin kum 1906 May thla atangin Pathian thu awih tihrem tumin hnawhchhuah te, vuak te, ensan te, hmuhsit te an tan ta a. Mahse, Tv. Chalbuanga chu an tudawl zo lo. An hnawhchhuah hlan hian an in te, an buhzem te an lo rawk thin a, an lo haw veleh mai thin a ni awm e. A pa hi a thi hma a ni ang, a nu Famthangi hovin Khandaih ah an hmeithai a. Vawikhat chu Chhuana, Pathian thuawih an sawisak chu a na lutuk a, a thi emaw an ti a, dawipawnah an dah a. Tv. Chalbuanga hian a khawngaih lutuk a, “Khawnga a ruang tal chu ka va hlawm ang e’” a ti a. A zuk kal chuan a lo la thi lova. “Buanga ka tui a hal lutuk, tui min han pe teh,” a lo ti a. Tui a pek hnuah In lamah a pawh haw ta a ni.
Pathian thu awih loten an lo hria a, Tv. Chalbuanga chu an haw ta em em mai a, hun remchang an zawng ran a, an sawisa ve ta a. Tuthlawh-ha suihloh hian an vaw ta hrep mai a, a hnungzang an vaw kak a, mahse Isua lam tang nih chu a bang duh chuang lo. A hliam chu a tui hluam hluam thin a, chuti chung chuan a farnute thlam sak dan tur kawhhmuhin a kal a, a nuin a lainat lutuk a, “Taia, I ti thei ngang lo a nih hi lo awm mai mai rawh,” a ti a. Tv Chalbuanga chuan, “Isua lam tang tan chuan a na love’” a tihsan mai a ni.
A MARTAR TA:
Tuk khat chu a hliam chu a lo hil duak a, ‘Taia, i dam dawn a nih hi,’ an ti a. An fehsan ta a. Tlai lama an han haw chuan a na chu a tuar ngang lova, a lo thi reng mai a ni. A thih kum hi kum 1906 a ni.
A NUTE AN PEM:
Tv. Chalbuanga chuan a dam lai khan hetiang hian a lo sawi a. “Nakinah khawchhak lam atangin Mambawihi hi an rawn dil ang che u ang a, in lo neiohtir dawn nia,” a lo ti lawk a. A sawi ang ngei chuan Hmunhmeltha tlangval Chawnghnuna tan an rawn dil ta a, an neihtir ta a ni.
Chumi hnu chuan a nu Famthangi leh a farnute chu mambawihi awmna Hmunhmeltha khuaah pem turin an chhuak ta a. An hmalamah hian Keipui hi a kal nghoh ngoh mai a, an nu Famthangi chuan, “En teh u, Pathianin min hruai turin Keipui a rawn tir a nih hi, hlau reng reng suh u,” a ti a. An kal zel a, Keipui pawh chu a kal ve zel a, Champhai khaw dai thlengin Keipui chu a kal ve a, kawngsirah a pensan ta a ni. Champhai an lut a, Lalsanga’n Hmunhmelthaah Kristian ka siam a, Pathian thuawih a duh apiang lo pem rawh u, a ti a. Chutah chuan an awm hlen ta a ni.
Ringtu hmasate chu Isua Lam tang an inti thin a ni awm e. Tv. Chalbuang te unau hi paruk an ni a, ani hi a upa lam atangin a pathumna a ni a. A nupui tur pawh hi Isua lam tang an zawng hman a, an berem hman vek tawh a, mahse, martarin a thihsan ta si a, a tu leh faten tunge an biakrem hi hriat an chak em em , kei pawh min zawt a, mahse, ka hre bik si lova; a hriat heih tawh loh mai theih a ni. An unau zinga upa ber Pi Thangziki hi Pu Thangseia nu Upa Kuaia nupui a ni a, Upa Kuaia hriat rengna lungphun pawh tuna Phullen Vengthar Biak In kawtah hmuh theih a phunthlak a ni.
Mizo Kristian Martar hmasa ber kan hriat theihna pawh hi Pu Thangvunga Champhai Venglaiin kum 1998 April thla chhuak Kristian Tlangau ah a rawn chhuah a, chuta tanga chhuichhuak thei chauh kan ni e.
“KAN HMAA MI HUAI KAL TE KHA AN DING NGHET HE HMUNAH HIAN”
(He thu hi Upa Lalrinzauva ziah, Phullen Kohhran Centenary(1903-2003) Souvenir -2004 a publish atanga lakchhawn a ni e.)
Pu Chalbuanga hi ka pi pu a ni ve tlat. A chanchin in post avangin ka lawm e.
ReplyDeleteI nihna hi hriatchian a va chakawm ve, Pu Chalbuanga ropuizia hi kan puanzar zel chu a ngai a ni..
Delete@Anonymous : A ni maw,, Pu i nei chhuanawm khawp mai, an hunlaiin hrehawm nasa tak tuar mahse, an tawrh chhan Pathian hnenah thlamuak takin an chawl hahdam tawh ngei ang a. Keini he Leia awmte hian eng chen nge an hnung kan zui ve dawn le..
ReplyDeletePhullen-ah lo zin ve la, i pu puala Lungdawh, thataka enkawl te i la rawn en ve dawn nia..
Tv. Chalbuanga chanchin hi kimchang deuha hriat ava chakawm vele...engtinnge ka neih theih ang? Min lo pui teh u...
ReplyDelete@Ka Ngaihdan Huang: Hei bâk hi chu ka hre val lo a, a ziaktu Upa Lalrinzauva hi a la dam a, a hre nual turah ka ngai.. Amah biak dan ka lo ngaihtuahpui dawn che mi? Tin Ziaktu dang pawhin an ziak ve tho bawkin ka hria, ka lo en chiang ang e. (ka blog ah hian in contact zui na - fb, twitter, etc chu a awm e)
ReplyDeletehttp://phullenkohhran.wordpress.com/2013/05/03/chanchintha-mei-chhitu-phullen/
ReplyDeletehttp://phullenkohhran.wordpress.com/2013/05/03/mizo-kristian-martar-hmasaber-tv-chalbuanga/?relatedposts_hit=1&relatedposts_origin=2&relatedposts_position=0
http://phullen.blogspot.in/2010/07/isua-lama-tang-hnuneka-pawite.html?m=1
Tv.Chalbuanga, Mizo Kristian Martar hmasaber chan chin awmna Link thenkhat..