PHULLEN

Vawiin 20.6.2017 Tuesday hian Diakkawn kawngkual, fur a lo thlen apianga nal em em thin chu, kan VC te hmalakna a zarah Concrete in tha taka siam tan a ni ta. He kawng hi khawchhung kawng pawimawh tak zing ami a ni a. Hetia Concrete a siam a ni ta hi a veng neitute leh khawtlang mipui an lawm hle a. A kawng siam dan phung hi, sum a tam loh ngaihtuah chuan a tha hle a. A bul vela awm ten a siam dan a that zia sawiin, social media kaltlangin lawmthu an sawi hlawm a ni. Kan VC te zarah hmasawnna kawng kan zawh ve zel a. He kawng siamna sum pawh hi kan VC te nawrna zarah sorkarin NEDP kaltlanga a pek a ni. Hetia Tualchhung kawng pawimawh em em mai siam a ni ta hi a lawmawm tak zet a ni.

(YMA Day 2017 hman dan Reports pahin, comments tel zeuh zeuh a ni) Buata Bawihtlung Kumin 2017 YMA Day hi YMA Phullen Branch Committee ten an lo ruahman lawk angin, Ni 15.06.2017 Thursday khan Phullen ah ropui taka lawm a ni. Hman dan tur pawh uluk taka duang lawkin, hetiang hian hman a ni: Zingkar     - Hnatlang (Social Works) Chhun     - Vantlang inkhawm Zan – Vantlang inkhawm (Mizo thuam inbel zan) Zingkar hnatlangah hian YMA members ten vantlang tana thil tha leh tangkai thawkin YMA Day lawmna bul an tan a.  Chawngbawla Section huam chhunga awm ten Khandaih Thlanmual an sam fai a, Taitesena Section a awmte leh Branch YMA Committee members ten YMA Ram an samfai bawk a, Vanapa Section a awm ten Phullen Vengthar Thlanmual an samfai bawk a ni. Khua a nuam lo hle chungin YMA members thahnem tak he hnatlangah hian an thawk chhuak a. Chawngbawla Section atangin mi 70 an hnatlang a, Taitesena Section atangin mi 95 an thawk chhuak a, Vanapa Section atangin mi 6

YMA Day 2017 chu June ni 15 khan Phullen Community Hall ah ropui taka lawm a ni...... Cont...

(Kan Hall chhung ri a khawk nasa a, hriat sual leh ziah sual ka nei palh mai thei, chutiang a awm chuan min lo hrethiam se – Buata Bawihtlung) A hmasain YMA Day hmangtu zawng zawngte chibai ule. Zaninah PWC hruaituten Aizawl atangin  YMA day min rawn hman pui thei a, a lawm awm hle.  Nikum lawk khan PWC te hian Assembly naah YMA hruaitute Pangpar min hlan a, a zahthlak ka ti hle a ni. PWC te hian mi harsate tanpuiin, damlo Aizawl lam pante leh chhiat tawkte theih tawpin an lo buaipui thin a, kan khawtlang tan theih tawp an chhuah a, kan tih tur tam tak hi PWC te hian min tih sak a. A thlamuan thlakin a lawmawm tak zet a ni. Vawiin chhun lamah YMA day hmangtu thalai rual mi thahnem takin ruai kan theh a. Zaninah heti zat hi kan kal leh a. He programme hlawhtlinna tura lo kalte, a bik takin pavalai rualte chungah hian ka lawm a ni. Sawi tur tam tak ka nei a. Tumah mihrang kan awm lo bawk a, tim lovin ka sawi phawng phawng mai dawn a ni. Thalaite hian inenfiahna tur kan ngah

ANG 10-TE - Sawitu - Upa C. Pachhunga, Phullen BDO conplex. 1. KHAWTLANG  ka hmangaih e, ti a, fate sual haw miah si lo a awm theih ANG. 2. KHAWTLANG ka hmangaih e, ti a, mahni tana vantlang ram  NEK hreh miah lo a awm theih ANG. 3. KHAWTLANG ka hmangih e, ti a, khawchhunga contract hna chhe deuh a thawk a awm theih ANG. 4. KHAWTLANG ka hmangaih e, ti a, mahni telna zawnah chauh khawtlang dan ngai pawimawh a awm theih  ANG. 5. KHAWTLANG ka hmangaih e, ti a, NGO leh politic mahni hamthatna atana hman tum a awm theih ANG. 6. KHAWTLANG ka hmangaih e, ti a, Ruihtheih thil do anga lang, ruihtheih thil tan tlat a awm theih ANG. 7. KHAWTLANG ka hmangaih e, ti a, Au au a, mawhphur peih si lo a awm theih ANG. 8. KHAWTLANG ka hmangaih e, ti a, khawtlang tana thawktute thawhpui thei si lo a awm theih ANG. 9. KHAWTLANG ka hmangaih e, ti a, A thatna tur aia sawisel tur zawng ringawt a awm theih ANG. 10. KHAWTLANG ka hmangaih e, ti a, Mi dangte tih tura dah tlat a awm theih ANG

PU PC ROSANGLIANA Phullen khaw pa, tuna Aizawl Ramthar venga awm ta, Phullen khawtlang tana mi tangkai tak Pu PC Rosangliana hi, ram pum huap pawha mi pawimawh zinga ami a ni tih hi sawi tam a ngai awm lo ve. A chanchin hi tam tak sawi tur a awm a. A thiamna leh finna, a zir leh nihna chelh hrang hrangte hi uanpui tham a ni. Mizopa tlawmngai rilru pu tih takah, amah hian a sawi ngai lo va, chuvang chuan thangthar tam takte hian kan hrechiang lo mai thei. Education Deptt a Officer lian pension, chumi hnu a ram tana theih tawp chhuah a bei ve ngar ngar thin, mite tanpui peih mi, zirna ngaipawimawh tak nimaiah kan ngai mai thei. Mahse chuti mai chu a ni satliah ngawt lo. Pu Sanga hi Phullen atanga Sikul kal chhuakin, lehkha thiam pangngai tak a ni a. An hun lai khan lehkha zir kha a la harsa em em a, thiam thei tan pawh zirna a la changtlun tawk loh avangin tih vak ngaihna a vang hle a. Thingtlang tlangval tan phei chuan, mahni Inlum kalsan a, hmun hran hla tak tak, khawpui lama

Ni 26.05.2017 Friday khan Bharat Scout & Guides Master Pu Lalhruaikima Tochhawng, Teacher PES Phullen kaihhruainain, Scout & Guides naupang ten Khandaih-Phullen lal leh an fate Lungdawh, YMA ram kianga awm chu, tifaiin a velte an sam fai nghal a. Naupang tlawmngai ho hi Chawfun nen an thawk chhuak a ni. 

Dated 3.6.2017 Saturday: Village Council hmalaknain Bawlhhlawh sawngbawlna (Sanitary Landfill) tur Rs 701000/- ( Nuaih sarih leh sangkhat) chu SLWM Aizawl District atangin Phullen khawtlangin kan nei ta a, a lawmawm hle. Bawlhhlawh sawngbawlna hmun tur hi Aizawl kawng, YMA ram bulah VC ten an ruahman fel tawh a ni. Kan khaw chhung kawngpui pawimawh tak Kudam (FCI Godown ) panna kawngpui, kan khaw chhung inkalpawhna kawng ni bawk chu VC te hmalakna zarah tunah hian Black Topping ti tura ruahmanna kalpui mek a ni. Ram diltu ten Sorkar dan ang thlapa ram an neih theih nan dilna form hi Sorkar atangin VC ten an la chhuak a. Ram diltute zingah Phullen ram chhunga ram la nei lote duhsak bik an ni ang a. Ram diltute chu VC thu lo ngai chang zel turin an ngen a ni.  

Dated 3.6.2017 Saturday: Ni 1.6.2017 Thursday  dar 10:00 am khan Joint Prohibition Committee  (JPC) Phullen, General Body Meeting chu Phullen Kohhran Centenary Hall-ah neih a ni. He hunah hian Village Council te, Kohhran hrang hrang hruaitu (Kohhran Committee etc) te leh pawl hrang hrang (NGO) aiawhte bakah mimal sawm bikte an kalkhawm a ni.     JPC Formation Committee in a lo ruat tawh JPC Chairman leh Vice Chairman ten harsatna an neih avangin, he General Body Meeting-ah hian ngaihtuah ho a ni a. JPC Chairman leh Vice Chairman te hi VC leh YMA hruaitu atanga ruat beisei a nih angin siam rem a ni. JPC hruaitu 2017-2018 te chu heng mite hi an ni: Chairman         : Upa Lalrawngbawla Vice Chairman     : VC aiawh Secretary         : David Lalrinawma Asst Secretary     : BT Lalhruaitluanga Treasurer         : Tlanhmingthanga Fin. Secretary     : Vanzairemmawia Info. Secretary     : Lalnunthara  Lalkrawschhuanga Hruaitu (Office Bearers) te bakah hian, JPC