PHULLEN

Pi Thaengi Tukin chu kan khaw rohlu, Phullen kai tan tirh a tel pha ngat, kan zinga damrei leh hlu em em Pi Thaengi thih thu hriat chuan, rilru a khawih hle mai. Pi Thaengi hi Phullen lal Pu Awksarala khawnbawl Upa Pu Dolala fanu a ni a, a nu chu Pi Darringaii (Pi Ngaii) a ni. Pi Thaengi pa Khawnbawl Upa Pu Dolala hi Pu Darhmingliana fapa a ni. Lal lal laia khawnbawl upa dinhmun hi namai lo tak a ni a, chhungkaw duhawm tak atanga lo pian a ni tih a hriat theih awm e. Pi Thaengi hi kum 1921 khan Kawnpui awm laiin a piang tih amah hian a sawi a. Kawnpui leh Changzawl hi hmun thuhmun ang deuh a ni a. Vanphunga khua, a hnua a fapa Awksarala khua ni ta zelte kha Thanglailung awm hnuah kum 1914 khan Thirhlumah an kai a, chumi hnuah Changzawl Kawnpuiah an kai let leh a. Hetah hian a piang ta a ni awm e. Changzawl Kawnpui atanga kum 1926 a Phullen kai a nih khan, naupangte a la ni a. Phullen ah hian puak loha a kal ve theih tawh thu leh a chhang chiah Pu Thavapa, a pa hnung

Vawiin 21.05.2018, Dar 1:00 PM khan Phullen Community Hall ah 8-Chalfilh AC MLA Invitation Football Running Trophy ni 2nd - 8th May, 2018 chhunga khelh taka Champion team kan khaw GSA Team te pualin lawmna hun hman a ni. He hun hi Organising chairman Pu B. Lalhriatpuia VCP Phullen chuan a kaihruai a. Upa Lallawmsanga chuan Hunserh a hmang a. Kan khawtlanga mi pawimawh tak tak Pi Lalrinchhani Ralte, BDO Phullen leh Pu H.Lalhruaikima Vice President VC Phullen leh Pu J.Pachhunga President YMA Phullen Br te leh Pu Lalthangmawia GSA Sr Adviser ten thu ṭha tak tak an sawi a. Tv Lalhmingthanga Asst Secy P-GSA leh Pu Malsawmdawngkima Tochhong Champion Team Coach te hnen aṭangin Reports ngaihnawm tak ngaihthlak a ni bawk. Thusawitu, BDO Pi Lalrinchhani chuan, infiamna (sports) leh zirna hi thil kalkawp a nih thu te, zirna lama sang na na na chu sports pawh ti se, an hniam tak tak thei lo a. Discipline ṭha nei tan lo chuan infiamnaah pawh hmun a awm tak tak theilo a. M

Vawiin 21.5.2018, 11:00 AM khan, kan khua, Phullen BDO Pi Lalrinchhani MCS chuan, MBSE hnuaia HSSLC Result 2018, kar kalta a chhuak a Phullen Higher Secondary School aṭanga Distinction a pass Lalremsiami d/o Haudala, Phullen chu a office-ah lengah a sawm a. BDO Pi Lalrinchhani MCS hian Pass thar Lalremsiami hi Lawmpuina Thingpui a inpui bakah, Lawmpuina Thilpek a hlan nghal bawk a ni. Zirlai Lalremsiami hi a nu leh pa ten an ṭawiawm a, hun hlimawm tak leh hlu tak an hmangho a ni. Kan khaw HSS (Phullen) aṭanga Distinction a pass Lalremsiami hi kan lawmpui a. Chutihrualin, hetianga zirlai hlawhtlingte ngaihlu a, ngaihsaktu Officer lian kan nei hi a lawmawm tak zet a ni. Kan zirlai hlawhtling leh kan BDO te an fakawm tak zet. * BB210520181215PM *

Phullen Football Team te hi Pawlrangah Pu B. Lalrenga Memorial ah an khel ve a. He Memorial Football Tournament ah hian an Champion a ni. Source: Pu V. Lalthantluanga (Mamawii pa) 

Phullen School Staff Union (PSSU) ten Phullen aṭanga HSLC leh HSSLC PASS THARTE LAWMPUINA HUN AN HMANG Phullen aṭanga HSLC & HSSLC 2018 Pass tharte Date:|18:05:2018|(Fri)|11:45 PM Vawiin chhun khan PSSU ten Govt National H/S Phullen ah tun hnaia HSLC leh HSSLC 2018 result chhuak a kan khua Phullen aṭanga Pass chhuakte lawmpuina leh PSSU hruaitu thar thlan a ni a. He hun hi Pu Lallawmsanga,Teacher Phullen Higher Secondary School in a kaihruai a. Pi Lalnunhlimi Teacher, PES in Hunserh a hman zawhah PSSU Member thar Pi Rohlupuii d/o L.Rinmawia Ralte chu Chairmanin PSSU ah a lawm lut a. Zirlai pass tharte lawmna lam hun hman zui nghal a ni a.  President PSSU Pu Lalthangmaia'n zirlaite hnenah Fuihna thu tha tak tak sawi a.  PSSU aiawhin Secretary Pu Lalhruaikima Tochhawng PES chuan Zirlai pass tharte hnenah lawmpuina Thuziakmawi (Citation- Certificate of Merrit a hlan a.  He hunah hian Zirlai HSLC leh HSSLC pass thar engemaw zat bakah PSSU members

8TH CHALFILH AC MLA INVITATION FOOTBALL TROPHY AH PHULLEN TEAM-I AN CHAMPION TA Chalfilh Constituency MLA invitation Tournament chu ni 2nd - 8th May 2018 chhung khan Phullen Public Playground ah khelh a ni a. Coach Pu Malsawmdawngkima Tochhong kaihhruai Phullen Team-I chu an Champion. He Tournament hi Ni 2.5.2018 Wednesday khan Minister Pu Lal Thanzara, MFA President ni bawk chuan, Khuallian niin a hawng a. Chalfilh Constituency chhung khaw 22 hnenah sawmna pek niin heng zinga khaw 16 aṭanga Team khat (1) ṭheuh leh a thlengtu Phullen aṭanga team hnih (2) ten Trophy hi an inchuh a. He Tournament hi ruah sur khaw chhia in ti khaihlak zeuh zeuh mahse, tluang takin Ni 7 chhung kalpui a ni a. Vawiin ni 8.5.2018, Tuesday dar 10:00 AM khan kharna hun hman a ni a.  Kharna hun ṭan hmain VC under 14 vs BDO Under 14 football exhibition match hmuhnawm tak khelh a ni a. Tournament kharna leh Final Match khelhnaah hian mi ṭhahnem tak an tel bakah Aizawl lam aṭangin W

Ni 5.5.2018 Inrinni khan Phullen Consumers Cooperative Society chuan, Phullen Community Hall ah hlim takin Assembly an hmang.