PHULLEN

Date 16.03.2016: Vawiin hian Phullen khawtlangin kum 2016 lo tur chu hal turin VC ten ruahmanna an siam a. Lo nei tur zawng zawng ten a ruala hal tur a ni. Kumin atana Lo hal hun tura Mizoram sorkarin ruahmanna a siam a, lo hal hunchhung tura a tuk ni hnuhnung ber chu nimin ni 15.03.2016 kha a ni a, Phullen khawtlangah erawh remchan zawkna avangin ni khatin hal tlai hret a ni a, vawiin ni 16.03.2016 hian hal a ni zawk dawn ta a ni. Kumin 2016-2017 chhunga Phullen khawtlang in kan lo neihna hmun tura ramchin chu- 1. khamhnuai 2. Chalchima tui mual 3. Sesih phei hnuailam ko chin 4. Mangkhawng zawl 5. Balhla hmun mual. Tluang tak leh tha taka lo hal a nih theih nan duhsakna kan hlan e.

       Kan khawtlang hruaitu VC te hi, mawhphurhna an lak atanga an hmalakna te chanchinbu leh Social media hrang hrang atangtein kan lo hmu ve zel a. Tunah an hmalaknate a hlawhtlinna kan hmu chho zel a, a lawm awm hle. Chutih rualin la hlawhtling thei lo pawh a awm nual ngei ang. khawtlang mipuiten kan thlan chhuah VC te hmalakna langsar zual tlangpui kan hriat ang angte han tarlang ila: 1.            Mizoram Rural Bank: Kan VC te hian mawhphurhna an lak tirh atangin theih tawpin hma an la nghal chat a. VC an nih atanga Aizawl an kal hmasak ber tumin Application nen MRB an dawr nghal a. VC thar kan neih tirh kha, MRB Board (Chairman leh Members te) term tawp lai a ni ve chiah a, Board thar a thu tur Finance Secretary chu Application nen an len chilh a. Aizawl an lo kal apiangin MRB Head Office an dawr ziah a, tunnah a hlawhtlinna kan hmu ta a, RBI chuan kan khua Phullen a Bank hawn phalna License chu a lo chhuah ta a ni.        Bank chung chang a hma an lak tirh hian k

Phullen Welfare Committee Aizawl, General Assembly 2016 chu ropui takin DG Park, Falkland, Aizawl ah ni 16.01.2016 Saturday khan neih a ni. He Assembly hi Pu Lalbiakdanga, Chairman, PWC chuan a kaihruai a. Rev. TC Laltlawmlova chuan hunserh a hmang a, Pathianthu chhiar leh tawngtaina a hman bakah, Pathian thu chah ropui tak a sawi a. Secretary reports ngaihnawm tak ngaihthlak a nih bakah, pawl aiawh thusawi Pu Lalrammawia, Vice Chairman hnen atangin kan ngaithla a. Phullen khaw pa Pu V.Lalfala IFS chu Chief Guest a ni a, ani hnen atang hian thusawi ngaihnawm tak ngaihthlak a ni bawk. He Assembly hi Phullen lama kan Village Council te bakah YMA hruaitute leh VEC aiawh ten min hmanpui a. VC leh YMA hruaitute hi PWC chuan chawimawina pangpar a hlan a. VCP leh YMA President hnen atangin thusawi ngaihnawm tak leh bengvarthlak tak ngaihthlak a ni. A hmunhma in mipui kalkhawm a dawn zawh tawk loh avangin tualzawlah Assembly hi hman a ni a. Khawchhuak tam tak an kalkhawm a. Aizawl lama