PHULLEN

Vawiin 23.11.11 hian Mizoram a lirthei neitu te chuan Road tex chungchangah duhloh an neih avangin Sorkar nawrnan Vehicle Band an huaihawt a.. Aizawlah pawh mi tamtak chuan an thlawp ve.. Keini ve chuan Dawrah Buata nen titi nan he hun hi kan hmanga.. Kan naupan lai leh hmanlai nun te,, kan rual awhna lah kan nun hlui te kan sep kual vel a.. kan phur lutuk chuan Masi hun hman dan tur thleng thlengin kan ruahman lawk a. Thian sawm khawma Phullen lama ropui taka hman te kan han tum vel a.. a hlawhtlinna erawh Pathian kutah vek a awm si. Han ti leh thin ila,, Phullen atanga piang leh seilian kan nih avang hian kan naupanlai zawng zawng hi Phullen a hmang kan nih avangin lung a leng a.. Kan khaw hlui chuan mi a la lunglen renga. Khua an har ve deuh a.. Khawtlang lunglen an tih ang te ni maw.. lung an len ve thin chang te hian Phullen lam bak rilru mitthla ah a lang thei thin lo.. Chutiang chuan Vawiin 23.11.11 Vehicle Bandh chu Chandmari RB Electronic dawrah kan lo hmang tangkai ve nasa ma

Kan naupang ve lai chuan Phullen Primary School II (Pu Zela Sikul) ah ka kal thin a. Kekawr bul chuar khing tlat, a thar lai chuan a Pawl leh Kawr sen kha kan ha thin a. Sikul Dar a lo ri val val a, Parade tur kan tia hmanhmawh tak, buai nuaih si in Sikul kawt zawlah chuan kan tlan khawm nuaih nuaih a. Kan Head Teacher Pu Zela a rawn kal a, a ho khan hlim tak khan kan Parade thin a. Parade tih kha a lar bawk a niang Valruata (of Pu Neihtawna) pawh kha a hming tak niloin, rei fe chu Parade ti khan koh a ni nghe nghe. ZUN LEH EK LAM : Primary kan kal tan tirh kha chuan Sikul ah te khan Ekin te kha Septic Tank, Indian type,   Europian type ek e bal e, Lei laihkhuar chunga thingphela khuh satliah bak kha awm ve mumal hek suh,   Mahni In lamah pawh Pit Latrine chhe ve tak bak inthiarna nei kan awm meuh lo, neilo pawh an awm nual ta ve ang. Sikul ah pawh khatiang kha kan nei a. Mahse zirlai naupang te tan chuan Hmuna te kawmchhak Hampuar tlang kha kan ek na a ni deuh ber a. Dar a rik bawk

Tawkzawl-Phuaibuang ram View from Phullen Photo by B Lalrimawia ( Mawitea ) Kan ramah hian mikhual an rawn kal ve ta fo mai a. Tourist hip luh lamah kan kan North East thenawm Sikkim chu tluk lo mah ila, tan kan lak a, kan ram hruaituten ngaih tuahna an sen a, Mizo mipui ten kan ram a Thing leh Mau leh Nungcha - Khuanun inchawih tawk taka a lo dah sa (Ecological Balance) hi kan enkawl uluk a, kan vawn him emaw, kan siam that emaw chuan, tun atanga rei vak lo ah hian heng kan ram mawi tak tak te hmang hian Tourist tam tak kan hip lut thei ngei ang.  Mawmrang tlang View from Thanglailung ram  - Photo by PB Mi ram thlalak mawi tak tak te kan en thin, chutih laiin kan ramah ngei mai hian hmun mawi leh ramthla nalh tak tak a awm ve reng a ni tih hi kan hriat reng a tul. Kan ram luipui dunga Tiauchhum an zing cham hmur mai te hi a mawi a, chim chin awmze nei taka an mar put te hi a hmu ngai ve lo tan chuan a lo ropui ngiang a niang, hmanni September thla a Teirei lui ruam leh

Phullen a hmun pakhat 'Hmunte Tlang' an tih ah chuan Lung lian ve tak pakhat ah hian Thil lem inziak a awm thu an sawi thin a. Chu chu eng tik huna ziak leh tute ziah nge tih pawh tuman an hre lem lo. Chu Lungpanga thil inziak chu en turin thian ho in kum 2010 Kristmass  leh 2011 kum thar inkar khan kan ram chhuak ta a. Rova, Hriata, Machhuanga, Nghahtei, Buata and Zuata (ITI/Phullen) te kan ni a. A awmna lai tak hre ber tu Rova chuan min zawn kual pui rei hle mai a. A hmun a pik em avangin kan zawng beidawng titih a. Rei fe kan zawn hnuah kan hmu ta hlauh mai a, Thla te kan la a, Zuata of ITI/Phullen pawh a hlim ve khawp mai. He Lung panga thil inziak hi a rei tawh a niang tuman a tobul hria an awm lo a, mi lem leh thil inziak atang ringawt chuan enge a awm zia hriat a har hlawm hle a. Hman lai a he lai hmun a cheng tawh ten eng e maw tak chhinchhiahnan a an ziah chu a ni ve ngei ang. Mi thiam zawk leh Thil hlui chhui mi ten han enfiah se, a awm zia leh eng hun laia ziah

 THINGPUI SIAMTUTE  PHULLEN TLANGVAL FEL DUHZUALA  USHER OFFICE NGHAK TUTE PHULLEN KOHHRAN BIAKIN

The Healing Touch Ministry: INDIA LOOK EAST POLICY LEH MIZORAM. A tha hle mai,english a dah ni thei se,exam inbuatsaih te tan thil tangkai tak a nih theih ka beisei.

He thlalak hi Zihnghal thing a ni awm e. Kan pi leh pu hun lai a, ral lu an lak te chu thingah an khai thin a, chutianga an khaina thing chu 'SAHLAM" thing an ti thin a ni awm e. He thing ah pawh hian tun hma chuan Mi Lu an lo khai thin a, chuvang chuan tunthleng in SAHLAM THING tih a ni a, a awmna lai pawh hi SAHLAM KAWN tih a la ni reng a ni. A bul mai hi tunhma chuan tuichawikawng a ni a, Mi lu an khai atang chuan a tawih lung a lo tlak hlau in a an tlan chhe chawn chawn thin niin an sawi. Tunah chuan a bul kawng hi motor kal theiha siam a ni a, mahse he kawng hian a nek nasa deuh hlek a, Sahlam thing hi humhalh deuh a nih loh chuan a tluk mai a hlauh awm hle mai. Hetiang thing pawimawh Pi leh Pu hun atanga Rallu an khaina, Sahlam Thing tun thleng a thangthar te hmuh theiha a la ding hi a lawm awm hle a ni. Heng thlalak te hi hmun hran hran atanga, a lan dan hrang hrang a lak a ni. Kum 2010 December thla a lak a ni.