PHULLEN

Young Mizo Association (YMA) Phullen Branch chuan kum 2017 chhunga hruaitu tur zanin 30.12.2016 zan 6:30 pm khan Phullen Community Hall ah neih a ni a. Hruaitu thlanchhuahte chu: Ni 30.12.2016, 6:60 pm @ Phullen Community Hall President: Pu J. Pachhunga (Vote tla zat: 53 votes) Vice President: Tv T. Lalthangzika (Vote tla zat: 57 Votes) Secretary: Pu Lalruatsanga Pautu (Vote tla zat: 60 Votes) Asst. Secretary: Lalhruaikima Tochhong (Vote tla zat: 61 Votes) Treasurer: Lalramthara Hnamte (Vote tla zat: 61 Votes) Fin. Secretary: Zoramhmangaiha (Vote tla zat: 61 Votes) Kan Branch YMA hruaitu tharte, chak tak leh tha tak, tluang taka Branch YMA an hruai theih nan, duhsakna kan hlan e

Chanchinbu chhuah leh enkawl hi a namai lo hle a, mimal leh pawl tan.pawh thil awlai tak a ni lo. Kan khua Phullenah pawh kan mi hmasa leh khawtlang tana inpe ten Chanchinbu an lo chhuah ve tawh thin a. Khawtlang tan a tangkai hle thin. Phullen atanga chhuah, Phullen tualchhung Chanchinbu hmasa ber hming leh enkawltute- Chanchinbu hming: HMARCHHAK ENTU Editor: Pu Lalnunsiama B.A. Assistant Editor: Pu Vanlalbula Circular Manager: Pu Fimthangril B.A. Board Member: Pu Laltharzela, Tv. Laltanpuia, Pu Rohluna. Chhuah hmasak ber ni: Ni 30.06.1980 Monday Copy sem chhuah zat : 250 copies Kumin 2017 hian Phullenah chanchin bu kartin chhuak pathum a awm mek a, chungte chu- 1. Lentlang : Hei hi YMA Phullen Branch in a chhuah a ni a. Kartin Inrinni tuk apiangin Phullen atangin chhuah thin a ni. 2. Kohhran Inleng: KTP Phullen Branch tihchhuah niin kartin Pathianni tuk apiangin a chhuak thin. 3. Kohhran Kantu: Kohhran Inleng: KTP Phullen vengthar Branch tihchhuah n

Kum 2016 chhunga kan khawtlanga thilthleng langsar thenkhat, ka hriat theih ang angte tihian ka dahchhuak ve a. Hei hi a kim tawk lo viau mai thei a, hmaih palh pawh a awm mai thei, thurawn kan in pe zel dawn nia. JANUARY, 2016 Ni 04.01.2016 Monday:  Thawhleh zan hian MHIP Phullen Branch chuan kum 2016 chhunga MHIP hruaitu tur an thlang a. An thlanchhuahte chu – President : Pi Lalramdiki Vice President : Pi Zoramengi Secretary : Vanlalchhuangi Asst Secretary : Ramengmawii Treasurer : Lalchungnungi Fin. Secretary : H. Lalsawmliani Ni 05.01.2016 Tuesday :  Hemini hian YMA Phullen Branch hruaitu hlui leh thar ten mawhphurhna an inhlan chhawng a. YMA Phullen Branch 2016 hruaitu ten mawhphurhna an la a, nilenga hun hmangin Committee an nei zui nghal a ni. Ni 09.01.2016 Saturday:  Presbyterian Kohhran Phullen Vengthar Pastor Bial thar hawn a ni a, Phullen Vengthar Kohhran Biak Inah inkhawmna hun siam a nih bakah, tlaiah Pastor Bial Thar lawmna ruai Kohhran mip

WhatsApp leh Facebook enkawltute huaihawta Phullen Nula leh Tlangval fel thlanna Result chu vawiin Ni 25.12.2016 Sunday zan hian puan a ni a, Results chu hetiang hi a ni: Phullen Tlangval Fel thlan chhuahte (Tualchhung): Pakhatna: Tv.Vaninmawia S/O K.Lalvuana Diakkawn. Vote hmuhzat % : 45.16% Pahnihna: Tv.PL Chhuantlinga S/O Hranglama (L) Diakkawn. Vote hmuhzat % : 16.13% Pathumna : Tv.Lalhmingthanga S/O Lalfamkimi Vengthar. Vote hmuhzat% :12.90% ********************************* Phullen Tlangval Fel thlan chhuahte (Hmun danga awm): Pakhatna: Tv.PC Ramdinthara S/O Upa Lalthangzauva Diakkawn Kawngkual/Armed Veng, Aizawl. Vote hmuhzat %: 42.11% Pahnihna: Tv.Lalnunzira Zote S/O Upa J. Liankhama Diakkawn/Chhinga Veng, Aizawl. Vote hmuhzat % : 21.5% Pathumna: Tv.PK Vanlalruata S/O J.Pachhunga Ar Farm Veng/Dawrpui, Aizawl Vote hmuhzat % : 15.78% ========================== Phullen Nula Fel thlan chhuahte (Tualchhung): Pakhatna: Nl.Vanlalchhuan

Kumpuilingleta mahni lo leh huan theuh a, kawl a ni chhuak chhiar a kan fehchhuah mek lain, Favang hun duhawm tak chu kan lo hmang zo dawn ta a, Pawltlak thla kan lo chuang kai leh ta reng mai. Mizoram mipui tam zawk, keini kuthnathawka eizawng, a bik takin tlangram lo neitute tan chuan kan thlai tam zawkte tharchhuah hun leh sengkhawm hun a ni a. Chutih lain kan thlai thenkhat  Sawhthing etc te pawh a man a zirin chawh a lo hun leh tan tawh bawk. Hetia kan thlai tharte kan sengkhawm a, kan tlangram lo te kan kalsan mek lai hian, kum thar lama kan hmalakna tur Lo puahchaha kan ngaihtuahna sen a lo hun leh ta bawk. Kan kum thar Lo turah chuan engtingin nge hma ka lak dawn tih hi bengsika kan ngaihtuah a lo hun leh ta hle a ni. Kum tharah chuan eng thlai nge ka chin ang, engzat nge ka chin ang, chu thlai chu kan ram leilung nen a inmil em? Enkawl a hautak dawn em? Engtia sawngbawl chi nge? Ka hlawkpui ang em? Thlai chin tur chu a chi te ka nei thei dawn em? tih te kan phak

VILLAGE COUNCIL PHULLEN THU 1. Ni 5.12.2016 Thawhtan zingkarah hian Tuikhur hiah tur a ni a. Mahni tlan theuh Tuikhur hiat a thawh chhuah theuh tur a ni. 2. Tunlai hian Zo kawng chei mek a ni a, vawiin hian Phullen kawn thlen hman beisei a ni. 3. Tuivai kawng chei thatna tur Rs 20000/- (sang hnih) a lo kal a. Tunah hian chei that hna thawh mek a ni Source: Lentlang 3.11.2016

http://www.2shared.com/document/OGfHjtxX/Mizo-divorce-and-marriage_Act.html Mizo Inneihna Dan a Man hlanna Lehkha ziak dan hi, harsatna tawk a awm theih a. Hmang duh kan awm takin, hetah hian ka'n chhawp chhuak ve ang e.

Ni.20.10.2016 (Thursday) zan khan YMA Section OB te leh Branch Committee-te chhiatni chungchangah Joint Committee neih a ni.  Thurel tlangpuite : 1. Zingkar thlanlaih hi la kaltlang pui zel nise kan ti. Hemi hunah hian tun aia tam zawk nula leh tlangval kan kal theih nan member-te \anla thar tura infuih thar nise kan ti. 2. YMA in RALNA pawisa kan ken khawm hi YMA hun tawp zanah khawhar in ban hmain hlan \hin ni tawhse kan ti. 3. Lu men zana thingpui leh ei leh in buatsaih hi Section Comt. leh Branch Committee kutah dah a ni. 4. Khawhar In (YMA hunah) zai hruaitu tur hi Branch Secretary ten lo ruat lawk tawh tura tih a ni. 5. Thawh\an zan (K|P Inkhawm) hlan a khawhar in kal ngai a awm in, inkhawm lote chaw ei khama kal nghal \hin ni tawh se kan ti. 6. Chhiatni ah tun aia tamzawk a memberte kan chet theih nan, Section ten mahni section huam chhung, In tinah infuihna lehkha a sem nise kan ti. Source: Lentlang 21.10.2016

Ni 21.10.2016 Friday khan kan khawtlang (Phullen) chuan kum 2017 chhunga  Thlawhhma / Lo tur ram a theh a, khawtlang mipui chhungkaw tam takin an Lo tur an thlang. Kum 2017 Lo atan hian Zawngin kawng - Thirhlum leh Pumphir, Khuangsuih tlang tel lovin, Tuiphei hualin a ni an Tin, Zawngin kawngthlang Chhuah lamah Hauhuk tui atanga In lam, mimal ram awmna chin a ni. Pic: Mizo Lo : Buh hmun  Kum 2017 atana lo tur thlanna tur hian Lo number pawh hmasak a ni a. Hemi ni zing dar 6:00AM ah Lo nei tur ten Lo number an pawt a. Lo number hi 1-108 thleng siam a ni a, kan khawtlang a Lo neimi chhungkaw tam takin Lo Number hi an pawt a ni. Kum 2017 Lo tur thlan na a Phullen khawtlang mipui Lo number pawttute zingah Number langdar deuh pawttute chu -  No 1-na pawttu : Pi Nuzawni  No 208-na pawttu: Pu Biaksailova Zingkara Lo number an pawh zawh hnuah, Chhun lamah awmni khamin Lo hi an thlang leh a ni. Lo thlan naah hian Lo number indawt danin an Lo tur an thlang a. Lo Number tlem tle

Hun rei tak kan khuain bank kan neih loh hnuah, kan hriat angin tunhnai lawkah Bank kan nei ve ta a. He bank - MRB Phullen Branch hi Ni 30.9.2016 Friday khan Pu Lal Thanzara Honble Minister chuan kan khua Phullenah a rawn hawng a nih kha. Pic.: MRB Phullen Branch. Source: V-a, Whatsapp Phullen Gr Bank hi a thawktute mai bakah, khawl leh system tha leh pawimawh tak tak hmang a ni a. Chung khawl leh system, Bank system kengkawhtu leh, hmunpui lamte leh Bank dangte nena thlunzawmtu chu a la hman theih mai loh avangin, Ni 13.10.2016 a Mipuite dawr theih tura inpeih an lo tum leh inruahman lawkna pawh a takin a thleng thei ta lo a. Bank lam khawl pawimawh chu hmunpui lamah enfiah a ni ta a. Ni 19.10.2016 Nilaini hian he kan bank hlut em em, MRB Phullen Branch hi mipui dawr theihin an inhawng tak tak ta a. Hei hi mipuite tan a lawmawm takzet a, Phullen tan hun chhinchhiahtlak tak a ni. Kan khuain Bank kan neih loh rei avangin, khawtlang mipui ten hmun hran hranah Account kan hawn

Phullen leh Aizawl inkara Maxi cab service-te leh a khalhtu (Driver) te contact number kan hriattheihte: 1.   Hmangaiha, VLR       Ph.8131960551 2.   Nem-a, VLR       Ph.9612603177/ 8575505042 3.    Victor-a, VLR       Ph.8415968053 4.   Chhartea VLR(LZ)       Ph.8575686952 5.   Muantea, ESTHER       Ph.9862890227 6.   Tluangtea,  TZ       Ph.9612667740. 7.   Zova, L&S       Ph.8415849577 8.   BKa, SANGPUIA       Ph: 8119947972 ***************************

A hmun : Phullen Vengthar Kohhran Biak In, Phullen A hun: Ni 6th - 9 th Oct., 2016 Puipate : Moderator: Pastor T. Rosangliana Secretary: Upa Vannunchhara (sr) Upa Ramzauliana (jr) Treasurer: Upa Lalthawmliana Statistician: Upa Lalpekkima Thlarau lam thupui: Thuawihna 1Sam. 15:22 (Thupui hi Pastor Lalramchhuanglura, Suangpuilawnin a sawi) Zirtawp ni 7.10.16 ah Committee hrang hrang, Finance, Sub-Pastoral leh Nomination an țhu a. Ni 8.10.16 Inrinniah Rorel a ni. Tuivai Presbytery a Pastor leh Pro.Pastor te Kum 2017 a Presbytery  A hmun: Suangpuilawn Kohhran Biak In Thupui: 'Nun tam' Jn 10:10 Tuivai Presbytery Rorel Synod thleng tur 1. Pastor, Pro.Pastor leh Missionary te hian Synod Inkhawmpuiah badge hran nei rawh se. Hei hi rawngbawltute in hriat hran awlsam na'na rawtna a ni. 2. Pastor Posting/transfer hi confidential-a tih ni tawh lo rawhse. Hei hi floor a thlen hmain kan hre țhup tho țhin si a, confidential loh law law a

Kan khawtlang hruaitute leh Sorkar leh Bank lam hotute hmalakna azarah naktuk Ni 13.10.2016 Thursday hian kan khuain a kan mamawh leh nghahhlelh em em MRB Phullen Branch chu mipuite dawr theih turin hawn a ni dawn ta. Kan va lawm tak em.! Hetia mipuite tana a taka dawr theih tura Bank hawn a ni tur hi a lawm awm hle. He Bank hawn a nih theihnana tha thawhtu zawng zawngte an fakawm tak zet. Kan hriat theuh tawh angin kan khuaah State Bank of India rei tak a awm hnuah, an hlawk zawkna turin Saitual lamah min insawn san takah chuan Phullen chuan Bank nei lovin kum engemaw zat kan awm ta a nih kha. Ram a thang zel a, mipui ten Bank hlutna kan hriat belh zel bawk a. Khawtlang hruaitute - Village Council ten theih tawp an chhuah a. MLA leh thuneituten lo tawiaemin, kan khua a MRB Branch dah phalna chu Reserve Bank of India (RBI) chuan kumin kumtir khan a tichhuak ta a. Mizoram Rural Bank (MRB) lam hi an indaih tawknloh avang leh thil tihfel ngai tam tak a awm a. Chuti chung chua

ZUALKO: Pu Vanlalhnaia H/o Pi Lalngilneii chuan ni 24.09.2016 Inrinni dar 10:20 am vel khan PHC Phullenah chatuanram min pansan ta. Amah kan hriat theih nan, Pa Hnaia hi Phullen High School a zirtirtu Pu Kk-a Hauhnar pa a ni a, Tin, Pu Rosela, Pu Piandanga(L), Pi Chawii etc te unaupa a ni. Kumin hian a mah hi a hriselna a tha viau lo a, khum beta na erawh a ni lem lo a. Hemi ni tukthuan eikhama thenawmte ina a lengchhuak chu, a haw hnuah thi in a luak a, Phullen Damdawiin (PHC Phullen) ah hruai nghal a ni a, mahse chhan hman lohin a chatthla zui ta mai a ni. Hetih lai hian Pa Hnaia nupui Pi Ngili te hi, thihna vang a Aizawl lamah an la thang mek lai a ni. Lusun chhungte kan tawrhpui tak zet a ni. Pu Vanlalhnaia Vuina Programme leh a Chanchin.

Vawiin 15.08.2016 Thawhtan zingkar khan BDO Complex, Phullen-ah INDIA INDEPENDENCE DAY vawi 70-na chu ropui leh urhsun taka lawm a ni. 70th India Independence Day 2016 : Pi B.Malsawmtluangi MCS, BDO Phullen in Hnam puanzar a pawt pharh. India Independence Day vawi 70-na Phullen BDO Complex ah urhsun leh ropui taka lawm a ni 70th India Independence Day @ Phullen : Officials  He hunah hian Pi B.Malsawmtluangi MCS, BDO Phullen RD Block chuan India hnam puanzar a pawt pharh a.  Independence Day Parade hi Pu Lalhruaikima Tochhong chuan a kaihruai (Command) a, India hnam puanzar hmaah zahna chibai an buk a. Pi Lalremliani chuan hun hman dan tur te puangin a inkhawm a kaihruai a. Independence Day lawmna pual He hunah hian Vollyball Tournament a Team tithate hnenah lawmman pek an ni a. Pu B.Lalhriatpuia VCP Phullen chuan lawmman hi a sem a ni. Independence Day lawmnaah hian Phullen khawchhunga Sawrkar Officer pawimawh tak tak Pi B.Malsawmtluangi MCS, BDO te, Dr Zolian

Ni 15.07.2016 Friday kha Young Mizo Association (YMA) Phullen Branch din champha Branch Day a ni a. He Branch Day hi zan lamah Community Hall, Diakkawn ah ropui takaa lawm a ni. He hun hi Tv Lalthangzika Vice President chuan a kaihruai a, tualchhung zaithiam zai leh YMA zaipawl te ngaihthlak a ni a, hnam lam hmuhnawm tak tak entir a ni bawk a. Thusawi tha tak tak ngaihthlakna te neiin hun hlimawm tak hman a ni a. Kum 2015 chhunga YMA members chatuanram pan tate sunna hun hman a ni bawk. 

Kan khaw MHIP ten midangte tan an Day an hmang: Kan khua - Phullen Br. MHIP te chuan an ni pawimawh MHIP DAY chu anmahni nawmsakna lam zawnga hmang lovin, midangte tanpuina tur pawisa tuaknan, khawchhe hnuaiah Lo ah an feh a, hlo thlovin an inhlawh a ni. Vawiin Ni 6.7.2016 (Nilaini) - MHIP Day puala kan khaw MHIP te inhlawhnaah hian, MHIP Phullen Br. hruaitu hlun tak Pi Zoramengi pawh an la tel thei a. Tin, hruaitu senior dang Pi Lalduhveli te, Pi Sangthangpuii te bakah, tun hnaia hruaitu, tuna VC Treasurer ni mek Pi H. Lalsawmliani leh member thahnem tak an thawk chhuak bawk a, an vaiin mi 20 zet an thawkchhuak a ni. Vawiin MHIP Day puala, mi harsate puihna tur sum tuaka, hlo thlova inhlawh zing ami Pi Zoramengi (Pi Engi) hi kan khua a MHIP din tirh te atanga MHIP hruaitu zing ami a ni a, ani bakah hruaitu senior Pi Lalduhveli leh Pi Sangthangpuii te, Pi H. Lalsawmliani te, tun thlenga, inhlawhfa zinga an la tel zui zel thei hi a hlu ngawt mai. Kan khua a MHIP hrua

Khawvel hmasawnna kal zel chuan kan khua Phullen pawh a thleng ve zel a. Ni 23.06.2016 Thursday zan khan kan khua Phullen a Cable TV Sub-Operator - Pautu Vision, Phullen chuan Cable TV pawttu mipui (customer) te hnenah “Cable TV Digitalised” chu a kalpui țan a, Digital hmamgin TV signal a pechhuak ve ta a ni. Pautu Vision, Phullen hian LPS Aizawl chu zawmin LPS atangin digital signal a dawng a, chu chu Digital hmangin mipui hnenah an pechhuak leh a ni. Tunah hian Pautu Vision hian LPS channel 11 nen channel 64 awm na chu a pe chhuak a ni. He LPS digital signal, Pautu Vision in a pekchhuah hi Set top box nei te chuan kan khua Phullen ah pawh Digital hmangin an lo en thei tawh a, a hmaa kan en țhin dan ai chuan a fiah zawk hle tura ngaih a ni. LPS digital signal hi Wireless hmanga dawn a ni a. Aizawl ațangin Saitual, Saitual ațangin Phuaibuang, Phuaibuang ațang in kan khua Phullen a lo lut a ni. LPS Wireless signal hi Curent awm loh palh pawha buai lo turin Inverter

Thlalak a kan hmuh hi Motor chikhat Jeep kan tih mai thin, Mizoram a motor lut hmasa ang chi leh hman tangkai em em a ni a.   He Motor thlalak hi Saitual hmuna lak a nih hmel a. A hun leh ni, kum te erawh chu hriat a ni lo. Motor a chuang, a sira kawr dum ha hi Pu Dengkhuma, Phullen VC President hmasa ber a ni. Upa Laltharzela pa a ni a, tunah chuan mual min liamsan tawh a ni.  A laia chuang hi Pu K.Rokamlova, pa taima leh thawkrim tak a ni a, ani pawh hi Ex VC Phullen a ni a.  A sir lehlama thu, Motor khalhtu hi tunge a nih ka hre thei mai lo. Engpawhnise, kan khua Phullen a VCP hmasa ber thlalak lanna a nih avang hian he blog ah hian ka'n dah ve ang e.

Ni 13.6.2016 Thawhtan zingkar khan Village Employment Committee (VEC) Phullen kum  2016-2017 term  leh Vigilance & Monitoring Committee (VMC) Phullen 2016-2017 term hruaitu tur thlan a ni a. Mipui kalkhawm ten heng a hnuaia mite hi kan khawtlang aiawh tura an chhuah te an ni: VILLAGE EMPLOYMENT COUNCIL (VEC) 2016-2017 Chairman          : Pu B. Lalhriatpuia, VCP V. Chairman      : Pu R. Lalthanzama Secretary           : Pu PC. Lalhmachhuana, VC Secretary Asst. Secy         : Pu PB Lalthazela Treasurer           : Pi H. Lalsawmliani, VCM Fin. Secy           : NI. Vanlalchhuangi Pu J. Lalremsiama, Member VC Pu H. Lalhruaikima,         (Member VC) Pu C. Lalziakkima,           (Member VC) Source: Lentlang Chanchinbu 19.6.2016. VIGILANCE & MONITORING COMMITTEE PHULLEN: Pi Lalchhandami               Chairman NI. Roluti                          Secretary Pu Ramnghahliana Pu Vanzairemmawia Pu B. Vanlallawma

Phullen khawtlang hruaitu Village Council kumkhat tlin denchhenin, VC te hmalak tawhna leh hmalak mekna te leh hmachhawp te bakah, hmalakna tura rawtna nei duhte tana sawikhawmna hun chu Village Council chuan YMA building, Diakkawn, Phullenah Ni 26.05.2016 Zan 7:30 pm khan a huaihawt a. He hun hi Pu B.Lalhriatpuia VCP chuan a kaihruai a, Pi Lalsawmliani Treasurer, VC chuan hunserh a hmang a, VC te hmalak tawhna leh hmalak meknate chu Pu B.Lalhriatpuia President, VC leh Pu H.Lalhruaikima Vice President, VC leh Pu PC Lalhmachhuana Secretary VC ten Paper an present a, sawizui nghal a ni. He hunah hian Village Council members te bakah, tualchhunga pawl hrang hrang leh Kohhran aiawhte, mimal sawmbikte  mi 60 vel zet an kal khawm a. Tel tura sawm leh beiseite hi an kal thra hle a. VC lam atanga Paper Present te leh khawtlang tana tha tur thil tamtak an sawiho nghal a ni. Hlawhtling taka inkawmhona neih a nih hnuah Pu C.Lalziakkima Member, VC te chuan lawmthu sawina hun a hmang a ni.