PHULLEN

(Kum 2019 chhunga Phullena thil thleng langsar zualte) JANUARY 2019 Dt 1.1.2019 Tuesday: Phullen khawtlang mipui ten, mahni lawina Kohhranah theuh ruai nen ropui takin Kumthar an lawm. Hemi hian Pu Zakhuma kum 74 S/o Pu Vanlalthanga & Pi Aihnuni, Phullen New Khandaih, Ni 31.12.2018 a Civil Hospital Aizawl a Stroke vanga thi chu vuiliam a ni a. Dt 3.01.2019 Thursday: Hemi ni zan dar 6:30 PM hian Phullen Diakkawn-ah Phullen Historical Society (PHS) leh Doordarshan Aizawl tangkawpin a siam Phullen Documentary Film chu Phullen VCP Pu B. Lalhriatpuian a tlangzarh. He hunah hian khawtlang hruaitute VC, YMA leh pawl hrang hrang hruaitute an kim hle a, Aizawl atangin Phullen & Thanglailung Welfare hruaitu Chairman Pu Lalrammawia, Sr Vice Chairman Pu Lalbiakdanga, Vice Chairman Pu R.Kapkhuma, Sr Adviser Prof. JV Hluna te pawh he hun hmang hian an kal. Phullen Historical Society (PHS) aiawhin Pu Lalbuatsaiha Secretary leh Pu Vanthuampuia Chairman ten thu an sawi bawk. Dt

Nimin 01.10.2019 Thawhlehni zan khan Phullen Ramṭheh Board chuan kum 2020 atana Phullen khawtlangin kan Lo neihna tur ram a ṭheh a. Ram ṭheh chin chu hetiang hi a ni: 1.Kingpuimual 2.Khuangsuihtlang 3.Kingmuallai Kum 2020 atana ram ṭheh huam chhungah hian, ramchang kan tih mai, kum 48 vel zet lo lêng tawhte pawh a awm nual a. A huamchhin hi Fing 115 vel nia ngaih a ni a, tunlaiah erawh Lo kan nei zau ta vak lo a, Lo nei tura hming pe chhungkaw 125 te chu leng hal hal tura ngaih a ni. Phullen Ramṭheh Board hi Phullen Village Council-in a din ṭhin a, VC te bakah khawtlanga ramchin hre deuhte ruat ṭhin a ni a.  VCP chu Chairman niin VC Secretary chu Secretary a ni. Kingpuimual hi Zawngin kawng lam, chhuahchhawng, Phuaibuang ep lam deuh a ni. Buata Bawihtlung Dt 02.10.2019, 10:11 AM

August ni 15, 2019, dar 7:30 AM khan Phullen BDO Complex-ah India Independence Day vawi 73-na chu ropui takin lawm a ni a. He hunah hian Tualchhung sawrkar office a thawkte, zirlai naupangte, khawtlang hruaitu VC leh NGO te leh sawm bik mipui te an tel a. Pu Lalrinawma Khiangte MCS, BDO Phullen chu Khuallian (Chief Guest) niin India Hnam Puanzar a pawt pharh a. Chief Guest-in Hnam Puanzar a pawhpharh veleh kalkhawm ten Hnam hla (India National Anthem) an sa rual a. Sikul naupang thahnem takin Independence Day Parade an entir a, he Independence Day Parade hi   Pu Lalhruaikima Tochhawng, Teacher PES chuan a kaihruai (Command) a. He hunah hian Sikul hrang hrang ten lam hmuhnawm tak tak an entir a. Phullen Higher Secondary School (PHSS) ten Cheraw lam mawi tak an entir a, Christian Children School (CCS) zirlaiten “Patriot Dance” hmuhnawm tak an entir bawk a, Presbyterian English School, Phullen ten “Victory to thee (J

KHAW KHAT AṬANGIN PHULLEN KHUAIN CHINA KAL THAWH TAM BER Vawiin khan Vanapa Hall, Aizawl ah Central Sorkar leh Mizoram sorkar ruahmannain Mizote zalenna sual laia nunna Thapa Arakan atanga China thleng kea kal, hnam sipaite, ram leh hnam tana hma an lo laknate pholanna leh chawimawina hun neih a ni a. He hunah hian, ke a China kalte, a tira kawng lo han sata hma lo han hruaitu mi 4 te, a thawh khatna kal mi 40 te, a thawh hnihna a kal mi 108, an vaiin mi 144 te leh an chhungte sawm an ni a. China kal zinga la dam mi 77 te hnenah leh boralta mi 61 te hnenah chawimawina hi hlan ana ni a, boraltawhte hi chu an chhung ten an dawn sak a ni. Ram leh hnam tana nunna thapa penchhuak a, ke ngata China kal zingah hian Phullen khua chuan khaw khat aṭanga kal tam ber niin mi 10  zet kan thawh a, Phullen min ti hmingṭhain kan chhuang tak zet. Phullen khua China kalte chu: 1.      Pu Lalpana                           Phullen 2.      Pu Lalrochhuanga     

Phullen BDO thar Pu Lalrinawma Khiangte MCS Mizoram Sorkar, Personnel & Administration Reform in June ni 21, 2019 Friday a Notification a tihchhuah chuan Pu Lalrinawma Khiangte MCS, s/o Lalsangliana (L), Model Veng chu Phullen BDO turin a ruat. Phullen BDO thar tur Pu Lalrinawma Khiangte MCS hi Siaha BDO thawk lai mek a ni a. Amah hi mi fel leh thiam tak niin, MPSC hnuaia Mizoram Civil Services 2015 result chhuakah khan pakhatna a ni. BDO tur duh thlang dawn ila, ani aia thlan tur dang an awm bik kher awm lo e. Phullen BDO hna hi Saitual SDO (C) Pu Vanlalsawman a hmui mek lai a ni a, mi ṭha leh chak tak ni mahse BDO full charge tak tak la an nih loh chuan a buaithlak a tam duh ṭhin a. Chutiang karah mithiam leh mi ṭha tak MCS ah pawh pakhatna ni thei Phullen Block in kan nei tur hi kan vannei tak zet a ni. Buata Bawihtlung Dt 23.06.2019, 8:30 PM

PHULLEN SANITATION COMMITTEE HNATLANG Vawiin 22.06.2019 Inrinni chhun khan Phullen Sanitation Committee te chu Phullen tualchhung tuihawk luankawr tifaiin an hnatlang. He hnatlangah hian Sanitation Committee member mi 18 thawkchhuakin, nilengin Tuiluankawr thenfai hna hi an thawk a ni. Kan khawtlang a lo fai a, a thianghlim theih nana Sanitation Committee hmalakna hi a ṭhain a an fakawm ṭhin hle. An hmalaknate a hlawhtlin a, kan khawtlang a lo fai zel theih nan mipuiten Sanitation Committee hmalakna ṭha tak takte hi i thlawp tlat  ang u.

YMA Day vawi 84-na hi khaw hlui lam hmun ṭhenkhatte samfaiin, nilengin member pum huapin hnatlang neih a ni.  Zingkarah YMA hruaitute leh Phullen Historical Society hruaituten Lal Awksarala Thlan bul velah Thing an phun bawk.