PHULLEN

Phullen BDO thar Pu Lalrinawma Khiangte MCS Mizoram Sorkar, Personnel & Administration Reform in June ni 21, 2019 Friday a Notification a tihchhuah chuan Pu Lalrinawma Khiangte MCS, s/o Lalsangliana (L), Model Veng chu Phullen BDO turin a ruat. Phullen BDO thar tur Pu Lalrinawma Khiangte MCS hi Siaha BDO thawk lai mek a ni a. Amah hi mi fel leh thiam tak niin, MPSC hnuaia Mizoram Civil Services 2015 result chhuakah khan pakhatna a ni. BDO tur duh thlang dawn ila, ani aia thlan tur dang an awm bik kher awm lo e. Phullen BDO hna hi Saitual SDO (C) Pu Vanlalsawman a hmui mek lai a ni a, mi ṭha leh chak tak ni mahse BDO full charge tak tak la an nih loh chuan a buaithlak a tam duh ṭhin a. Chutiang karah mithiam leh mi ṭha tak MCS ah pawh pakhatna ni thei Phullen Block in kan nei tur hi kan vannei tak zet a ni. Buata Bawihtlung Dt 23.06.2019, 8:30 PM

PHULLEN SANITATION COMMITTEE HNATLANG Vawiin 22.06.2019 Inrinni chhun khan Phullen Sanitation Committee te chu Phullen tualchhung tuihawk luankawr tifaiin an hnatlang. He hnatlangah hian Sanitation Committee member mi 18 thawkchhuakin, nilengin Tuiluankawr thenfai hna hi an thawk a ni. Kan khawtlang a lo fai a, a thianghlim theih nana Sanitation Committee hmalakna hi a ṭhain a an fakawm ṭhin hle. An hmalaknate a hlawhtlin a, kan khawtlang a lo fai zel theih nan mipuiten Sanitation Committee hmalakna ṭha tak takte hi i thlawp tlat  ang u.

YMA Day vawi 84-na hi khaw hlui lam hmun ṭhenkhatte samfaiin, nilengin member pum huapin hnatlang neih a ni.  Zingkarah YMA hruaitute leh Phullen Historical Society hruaituten Lal Awksarala Thlan bul velah Thing an phun bawk.

Vawiin, Ni 1.5.2019 Inrinni chhun khan, Phullen Community Hall-ah Joint Prohibition Committee (JPC) Phullen chuan General Body Meeting a nei a, hruaitute an kal ṭha hle. He meeting hian JPC hruaitu thar tur a ruat a, chungte chu hengte hi an ni: Chairman    :  Upa Lalrawngbawla Vice Chairman : Pu R. Lalthantluanga Secretary  :  Pu F. Lalruatkima Asst Secretary  : Pu Lalkroschhuanga Treasurer  : Pu Tlanhmingthanga Fin. Secretary : Pu R. Vanlallawma Info. Secretaries: Pu B. Vanlallawma leh Pu Lalbiakfela