Phullen SANITARY LANDFILL siam zawh a ni ta
Phullen khawtlang Bawlhhlawh te, mumal zawk leh tha zawk a sawngbawlna tur SANITARY LANDFILL (Dumping Ground) chu Swachh Bharat Mission (SBM) hnuaiah sak zawh a ni ta a. He Bawhhlawh paihna siam nan hian Rs 701000 hmuh a ni a. Ni 18.7.2017 khan VC te kaihhruaina hnuaiah Phullen YMA Ram bul ah sak tan a ni a. A hmun hma hi February ni 15, 2018 khan sak zawh a nih thu dawn a ni a, a panna kawng pawh laih tawh niin, Concrete emaw boulder emaw a siam leh tur a ni.
