PHULLEN

TV LALTAWKA (1953-2017) hi Vohbik a ni mai lova, mi tlawmngai leh  tangkai, khawtlang tan mi bik a ni a. Amah thlah nan a chanchin tlem kan dah ang e.  Vawiin December 28, 2017 Thursday zet chu, Phullen khawtlangin ni lungchhiatthlak tak kan tawng ta tlat mai. Phullen tlangval tlawmngai TV LALTAWKA chuan Rannung seh natna vangin Phullen PHC ah zing 8:48 AM khan Chatuan ram min pansan ta. Ava hrehawm em! Hetia Phullen khawtlang tana mi bik, kan chhuan em em thlah liam a lo hun ta reng mai hi, hriatthiam a harsa a. A lungchhiatthlak tak zet a ni!. Phullen tlangval fel leh tlawmngai Tv Laltawka hi Pu Vanlalthanga leh Pi Aihnuni te fapa niin kum 1953 khan Luangpawn khuaah a lo piang a. A pianpui unaute chu, an indawt dan chu – 1. Thandailovi (Pawlrang) 2. Zakhuma, (Phullen) 3. Bawlkunga, (Zawngin) 4. Thangveli, (Phullen) 5. Laltawka, (Phullen) 6. Kapzawna (Phullen) 7. Lalsiami (L), Zemabawk Mizoram buai lai, kum 1968 Khalhkhawm khan Tv Lalta

HMASA BER Upa Lalrema (LENTLANG VOLUME: XIV. ISSUE  NO. 29 , Date 9 July.2017) Mizoram pum huapin kan khua hi signal (Eng hmanga inbiak) ah hmasa ber kan lo ni reng mai. Chumi chungchang sawizau nan chuan mimal chungchang pawh kan umzui deuh a ngai a, kan khuain hma kan hruai phahna atana sulsutu an ni miau a, chawimawi pawh an phu hle mai Signal lama sulsutuber chu Pu Biakthuama tuna Pi Biaksailovi W/o Lt. Sawithanga (L) nutapa hi a ni a, kum 1935 khan Boys ME School Aizawlah pawl li a zuk zir a, hetih laia thingtlang atanga zir thei hi chu miawmthei leh Lalfa te an ni tlangpui a, hostelah awmin school hi an kal a ni. A mah hi nungchang tha leh duhawm tak a nih avangin Assam Rifle Subider Samsera Gorkhali chuan a lawm em em mai a, fapa a lo nei lo bawk nen Pu Biakthuama pa hnenah chuan kafapa atan min pe la, ka lo enkawl vek ang a ti a, apa chuan ‘ni e a’ a lo ti ta a. Tichuan subidar fapa angin alo awm ta a ni. Hetih lai hian sipai chuan inbiak pawh nan ‘Signal’ an hman

DEMONSTRATION OF TECHNOLOGY FOR MIZO CHILLI UNDER MIDH SCHEME, 2017-2018 Ni 11. 12. 2017 khan NERLP leh Spices Board, Divisional Office Aizawl, Ministry of Commerce and Industry, Govt of India tangkawp te chuan “Demonstration of Technology for Mizo Chilli under MIDH Scheme, 2017-2018” chu NERLP Phullen Block Office-ah hlawhtling taka neih a ni. He tah hian Loneitu, thlan bik mi 25 te hnenah Hmarcha leh Sawhthing chin dan leh enkawl dan te inzirtir a ni a. Hetiang lama mithiam bik Pu Kissan K. Sr . Field Officer Spices Board chuan Loneitute a zirtir a. Hlawhtling tak leh tluang takin training hi neih a ni. He mi ni a Lo neitu kalkhawmte hnenah Spices Board chuan a thlawn in thlai enkawlna  Organic lei tha a pe bawk a. He  Programme hi chhawng nga a neih tura ruahman a ni a, tun tum hi a vawi khatna a ni.  Tin, Spices Board-te hian kan Loneitute thar chhuah Hmarcha chu, a thlawnin Laboratory Test an neih sak bawk a ni. 

AIZAWL THUNDERS TEN KAN KHUA 'PHULLEN' AH CHARITY RIDE NEI Vawiin 15.12.2017 Zirtawpni khan Aizawl Thunders ten kan khua Phullen ah Charity Ride an nei. Aizawl Thunders te hi members 58 lai an thawkchhuak a. Aizawl atanga chhuakin, kan khua Phullen thleng a huhovin an tlân (Charity Ride) a ni. Aizawl Thunders te hi, tlai dar 4:00 PM vel khan kan khua Phullen an thleng a. Thunders-te hian, an mahni lo lawmtu  kawng dung a lo inzar pharhte tan khaw luh tan tirh atangin eitur an sem nghal a. Phullen Diakkawnah, an mahni lo hmuaktu naupangte tan eitur (sweet etc)  thahnem tak an sem/vawr bawk a, naupangten an hlimpui hle. Diakkawn ah ropui taka lo hmuah an ni a. Khawtlang mipuite nen hun hlimawm tak hman ho a ni. He hun hi Pu Lalrinchhana, Chief Secretary, Aizawl Thunders chuan a kaihruai a. He Charity Ride ah hian, hmun dang a an tih zen zen loh angin, Phullen ah zan an riak dawn a ni. Aizawl Thunders te hian, kan khaw chhunga mi harsa de

Dt 14th December, 2017 Thursday: Vawiin (Ni 14.12.2017) khan kan khua leh Thanglailung inkar kawng khuar hnawh hnatlangpui neih a ni. Phullen leh Thanglailung hi VC hran ni tawh mah ila, khaw khat ang tho kan la ni a. Chhiattawh thu pawh khawtlang huapib, Information Mike atanga inpuan sak tawn ve ve kan ni. Kan inkalpawhna kawng a that tawk loh avangin vawiin khan kawng khuar hnawh hnatlangpui – Village Council (VC) Young Mizo Association (YMA) leh Phullen Driver Union (PDU) te bultuma  neih a ni. Tun lai hian, khawtlang mipui chhung tin ten Krismas hma ngeia mahni lo lama hnatulte thawh zawh hman ngei tuma, riak lut meuh hna tul kan thawk mek lai a ni a. Chutiang karah chuan hnatlanga thawk chhuak mi 200 chuang zet kan tling a, a lawmawm tak zet a ni.! Hnatlanga thawk chhuakte hian hnatlang kotute beisei phak bakin hna an uluk a. Thahnemngai takin hna an thawk a, khawtlang tan tiin theih tawp an chhuah a, hna pawh a sawt hle. Kan khawtlang a mi hausa leh inphal te

YMA PHULLEN BRANCH KUM 2018 OFFICE BEARERS (OB) TE THLAN A NI TA Zanin 14.12.2017 Thursday zan hian Phullen Community Hall ah kum 2018 chhûng atana  Phullen Branch YMA hruautu turte thlan a ni a. He inthlanna ah hian Pu B.Lalhriatpuia VCP Phullen chu Returning Officer (RO) a ni a, VC members te Polling Officers an ni. Programme dang vak siam tel a ni lo a. Post mal te te a thlan a ni a. Post  tinah vote tla zat inang lo na a, Vote 50 vel zel a tla a. Dar 8:15 PM vel khan Inthlan hi tluang taka zawh fel hman a ni.   YMA hruaitu, thlan chhuah thar te chu: President : Pu J.Pachhunga Vice President : Tv T. Lalthangzika Secretary : Pu Lalruatsanga Pautu Asst. Secretary : Pu Lalhruaikima Tochhawng Treasurer : Pu Lalramthara Hnamte Fin. Secretary : Pu Zoramhmangaiha Returning Officer Pu B.Lalhriatpuia VCP Phullen chuan, thu tawi sawiin, VC hmalakna hrang hrang te a sawi lang a. Tin,  YMA leh VC te chu piang hmun ang mai, lak hran theih miah loh an nih thu a sawi a. Khawtlang tan theih t

(Phullen khaw pa MPS ni thei hmasa ber chanchin tlem) -----Chhunzawmna----- No 1 Pu C. Lalbiakliana (Pu Biaka) chanchin hi, sawi tur tam tak a awm a, mahse a then then chauh, chu pawh ka hriat dan ang angin kan sawi ang a, Phullen Group a dah tur a ziak mai ka nia, dik lo palh pawh a awm mai thei, a dik zawk kan inhrilh zel dawn nia. Continue No 1 ah hian, finkhur thu ah, hming thenkhat - Misual leh a tul ni a hriatte chu, hming dik hmang lovin, hming lem dah a ni. Tin Pu Biaka tih hian, Phullen pa lar Pu Biaka dang an awm vangin, Pu C Lalbiakliana hi Pu Biakliana ti zelin dah a ni - Buata Bawitlung …….. Pu Thanga fapa Vanlala, khatih laia Mizoram a pa te inchaichak Champion chuan, tuna Helipad hnuai kawng, Thuampui, Aizawl ah hian Vai (Keralian) pakhat chu, a cheng zanga (500) chhuhsak duh vangin a hrawkah zaiin a that a. A che rawva bawka, a chanchin a thang hat mai a. Chu tualthattu chu Police ten an man ta a.  Khatih lai khan, kan khaw pa Pu C. Lalbiakliana h

(Phullen khaw pa MPS ni thei hmasa ber chanchin tlem) Pu C. Lalbiakliana (Pu Biaka) chanchin hi, sawi tur tam tak a awm a, mahse a then then chauh, chu pawh ka hriat dan ang angin kan sawi ang a, Phullen Group a dah tur a ziak mai ka nia, dik lo palh pawh a awm mai thei, a dik zawk kan inhrilh zel dawn nia. - Buata Kum 1973 July thla khan Phullen pa Pu C. Lalbiakliana te, Pu Lamlianthanga te, Pu Dawnga te, Pu Nuntluanga te chu Tuivai kamah ramriakin an awm a. Chutihlai chuan Pu Khawnghinga lo kal chuan, “ Vid-a pa, I hna dil kha an kal tawh a nia ” a rawn ti a. Police officer lak tharte kha July 13, 1973 khan Aizawl atangin Training turin an kal chhuak a lo ni a. Chutih lai chuan Pu Biaka chu a dam lo va, a ek a hang a, a dam chhuah loh mai pawh an hlau deuh hial a ni awm e. Tichuan Luhai, dam lo chung chuan Nuntluanga Police Constable hna a dil mek nen chuan Aizawl pan an tum ta a. Pu Suakkhuma chuan, “Ma-a pa, I thleng zo meuh ang maw” a tih hial khawpin a dam lo cha