PHULLEN

PSUA 2019 HRUAITU THAR TE Nimin 29.12.2018 Saturday khan Tuivai ah Phullen Students' Union, Aizawl ten Assembly cum Infuihtharna hun an hmang a. Kum 2019 atana PSUA hruaitu tur thlan nghal a ni a, hruaitu tura thlan chhuahte chu hengte hi an ni- 1. President  : Tv. K.Lalrinhlua 2. Vice President  : Tv. P.B Lalhriatpuia 3. Secretary  :  Tv. Lalnunsanga 4. Asst. Secretary :  Tv. C.Lalrinsanga 5. Treasurer  : Nl. Linda K.Lalengmawii 6. Fin. Secretary  :  Nl. Biakhlupuii

Nimin 28.12.2018 zan khan Phullen Community Hall ah kum 2019 chhunga Phullen Branch YMA hruautu tur thlan a ni a, chung hruaitu tharte chu hengte hi an ni: 1. President : Pu R. Lalthantluanga 2. Vice President : Pu J. Pachhunga 3. Secretary : Tv T. Lalthangzika 4. Asst. Secy : Pu Lalruatsanga Pautu 5. Treasurer : Pu Lalramthara Hnamte 6. Fin. Secy : Pu Zoramhmangaiha Kan hruaitute hi an ṭha hlawm hle a, chutihrualin YMA members te leh khawtlang mipui ten kan thlawp tlat an mamawh ve tih hria ila, kan hruaitu tharte i ṭawiawm tlat ang u.

Phullen hi Polling Station pahnih ah then a ni a, Polling station-I (PS-I) hi Diakkawn chhak lam (Phullen veng chhak) a ni a, Polling Station-II (PS-II) hi Diakkawn thlang lam, (Phullen vengthar) a ni a. Polling station   pahnih a vote tlak dan leh Candidate tinte vote hmuh dan hetiang hi a ni: Slno Party              PS-I              PS-II          Total 1. Congress           172       +        115       =        287 2. BJP                    40          +       40         =        80 3. MNF                   238     +        170       =        408 4. ZPM                   172      +        201       =        373 Phullen a vote tla zat hi PS-I ah Vote 623 niin PS-II ah Vote 529 a ni a, a pum puia Vote tla Candidate ten an insem zat hi 1152 vote a ni a, NOTA hi PS-I ah vote 1 leh PS-II ah Vote 3 nen a vaiin Vote 1156 a ni ta a ni. Tichuan, Phullen bikah hian MNF Candidate Pu Lalrinliana Sailo chuan Vote hmu sang berin Vote 408 a hmu a, ZPM Candidate Pu F.

Nimin November ni 28, 2018 Wednesday khan Mizoram pumah MLA thlan a ni a. Kan khua Phullen ah pawh tluang takin inthlanna muanawm tak neih a ni a. Inthlanna hi hmun hnih (Polling Station) Phullen-I leh Phullen-II ah neih a ni a. Vote thlak dan tlangpui: 1. Polling Station-I: Polling Station-I hi Phullen veng chhak lam a ni ber a, Phullen Primary School-I ah vote thlak a ni. Polling station-I ah hian vote 747 awmin, Vote 623 a tla a. Vote tla zat parentage hi 83.40% a ni. 2. Polling Station-II: Polling Station-II hi Phullen vengthar lam a ni a. Phullen Primary School-II ah vote thlak a ni. Polling station-II lamah hian vote 663 awmin, vote 529 a tla a. Vote tla zat percentage chu 79.78% a ni. Tuna Electoral Roll thar ber aṭanga a lan danin, Phullen ah hian vote 1410 a awm mek a. Kumin 2018 inthlana vote tla zat chu 1152 a ni a, chu chu 81.70% a ni. Mizoram pum a vote tla zat chawhrual 80% aiin a ṭha hret a, kan bial Chalfilh Constituency a vote tla zat 81% ai pawhin a ṭh

Mautui veng - Sericulture Complex panna kawng, Main road aṭanga Pu Kapzawna In bul, pengṭhuam thlengin Plain Cement Concrete (PCC) a siam zawh a ni leh ta e. He hna hi Mizoram State Finance Commission aṭanga sum lo kal hmanga thawh niin, Work Order ah chuan meter 68 a thui siam tur a ni a. Chutihlaiin, kan khawtlang hruaititen, vengchhung kawngpui pawimawh a nihzia hriain pawisa hi renchem tak leh daihzai takin an  hmang a, meter 100 zet a thui an siam a ni. He kawng sjam hna hi November ni 3, 2018 (Inrinni) khan tluang tak leh ṭha taka zawh a ni. Hetiang khawtlang hmasawnna hmel hmuh leh chanchin hriat hi a lawmawm tak zet. Kan khawtlang hruaitute ṭhahnemngaihna hi a chhuanawm ṭhin ngei mai. Dt 4th Nov, 2018, 5:55 pm

Vawiin 30.10.218 Thawhlehni khan Phullen Community Hall ah Rualbanlote chungchang inhrilhhriatna (Awaremess campaign) leh Mizo Lengkhawm zai leh Solfa zai (Zaipawl) a intihsiakna hun hman a ni. He hun hi YMA Phullen Branch leh Person with Disabilities Govt. of Mizoram ṭangkawpin a huaihawt a ni a. Dar 10:00 AM ah ṭanin Commissioner, Person with Disabilities, Govt. of Mizoram Pu Dr Lalnunthara chu Khuallian (Chief Guest) a ni a. Inkhawm hi Branch YMA Vice President Tv T.Lalthangzika’n a kaihruai a, YMA Executive Member Upa F.Lalsangzuala chuan Hunserh a hmang a. Khuallian Dr Lalnunthara, Commissioner PwD hnen aṭangin, rualbanlote chungchang leh anmahni enkawldante, thu ṭha tak tak ngaihthlak a ni a. Intihsiak karlakah zaithiam tak tak Nl Remthangi Pautu zai te ngaihthlak a ni bawk. He intihsiaknaah hian Hla thlanchhuah bikte hmangin, Mizo lengkhawm zai leh Solfa zai (Zaipawl) a inel a ni a. Phullen a YMA Section pathum (3) - Chawngbawla Section, Taitesena Section le

Phullen khawchhung kawngpui pawimawh Vengthar kawngpui kam Tuihawk luanna (Side drain) siam ṭhat a ni.  (Source Whatsapp Gr on 29.10.2018)

Phullen & Thanglailung Welfare, Aizawl chuan, kan khua Phullen a In kang tuar Pu Lalchuanga, Phullen vengthar te hnenah ni 27.10.2018 khan ṭanpuina a hlan. Phullen & Thanglailung Welfare in ṭanpuina a hlan hi, khawchhuak Aizawl a awm Welfare members te aṭanga khawn khawm a ni a. Ṭanpuina pek zat hi, pawisa fai cheng 41000/- leh Gas (complete set) cheng 9000/- man a ni a. Phullen & Thanglailung Welfare aiawh hian Treasurer  Tv Er PC Ramdinthara leh Executive Member Pu Lalremruata (Mamatea) ten an hlan a ni. He ṭanpuina hlanna hunah hian YMA ai awhin OB te phungbawmah sawm an ni a. Branch YMA President Pu J.Pachhunga leh hruaitu engemaw zat an tel a. P&T Welfare Chairman thuchah chhiar chhuah a nih bakah, YMA lam a tangin Tv. Lalthangzika'n YMA te hmalak dan leh khaw țhenawm ten an rawn țanpui dan te leh thilpek an rawn pek dan report ngaihthlak a ni bawk. Pu Lalchuanga te In hi ni 19.10.2018 Friday a kang kha a ni a, bungrua chuh hman a ni lo

Vawiin Dt 29th Oct. 2018 (Monday) khan Pu Zoramhmangaiha, Diakkawn Phullen te chu, ṭhenrualṭha ten an Buh an seng sak. Kan hriat angin Pu Zoramhmangaiha nupui Pi Vanlalruali chu natna khirh takin a tlakbuak avangin, Aizawl ahte an inenkawl hnuah, tunah pawh In lamah inenkawlzui ngaiin an la awm a. Lo lamah hnathawkin an chhuak hman lo a ni. Hetiang hi an dinhmun a nih avangin, vawiin khan ṭhenrualṭhate chuan Pu Zoramhmangaiha te Buh chu an seng saka. Mi 100 chuang zet an feh chhuak a, Buh hi an seng zawh bakah an chil nghal vek a, phur 35 niin, Buh chu In lamah an hawn sak nghal bawk a ni.  Tin, ṭhenrualṭha fehchhuakte hian, an Hmarcha pawh an mal sak nghal a, ruahsurin a bumro deuh avangin an mal zo hman ta lo deuh a ni. Hetianga harsatna tawkte pui tura ṭhenrual tha, mi za chuang zet an fehchhuak hi a ropui tak zet a. Hetianga Mizo nun ze mawi, Kristian nun dan ṭha tak mai Phullen khua ten kan chhawm nung zel hi a ropui a, ṭhangthar zel te pawhin kan

Vawiin October ni 2, 2018 Thawhlehni khan Phullen khawtlangin kum 2019 chhunga kan Lo turte thlan fel a ni. Vawiin Lo thlan hun hi VCP Pu B.Lalhriatpuia, Ramṭheh board Chairman chuan a kaihruai a. Kum danga tih dan loh ang deuhin, Lo thlan leh ram ṭheh ṭan hma hian, Bible chhiar leh ṭawngṭaina nen Pathian hnena inhlanna hun hman phawt a ni a. Pathian hnena inhlanna hun hi Upa Lalnunga’n a hmang a ni. Ramṭheh Board hian kum 2019 atana Phullen khawtlangin kan Lo neihna tur hian Lungdawhmawi mual aṭanga Mualbeubawk thleng leh Sasawbawk daihnai te a ṭheh a. Vawiin, ni 2.10.2018 chhun khan kan khawtlanga Lo nei tur chhungkaw aiawh mi 207 ten Lo number pawtin Lo tur hi an thlang a. Lo number pawt zingah V.Sawma chuan Number 1 a pawt a, chutih laiin Pu Laithabgvunga chuan Lo number hnung ber, No 207-na a pawt thung. Lo thlanna a tih dan ṭhin angin, Lo tur hi lei duh an awm chuan an lei ṭhin a. Chutiang chuan mipui thlan hmain an Lo tur an thlang ṭhin. Kumin hian Pu Biakchungnunga

Vawiin October ni 1, Inrinni hi Khawvel pumah Upate Ni (International Day of Older Person) a ni a. Khawvel hmun hrang hrangah hman niin, kan khua Phullen ah pawh he Ni hi MUP ten ropui takin an lawm. Vawiina Phullen a Upate Ni hmanna hi Community Hall ah chhun dar 11:00 AM khan hman a ni a. MUP President Pu K.Lalthlengliana chuan inkhawm kaihruaiin, Upa Lalhrana’n Hunserh a hmang a. Tualchhung mipawimawh VC, NGO hruaitute leh Sorkar Deptt hotu pawimawh ten an telpui bakah MUP member ṭhahnem tak kalkhawm a ni. He hunah hian VCP Pu B.Lalhriatpuia te, CDPO (Phullen) Pi Lalhmachhuani te, Upa J.Ngurchhawna te leh Pu Lianthangpuia Ex VCP ten thu ṭha tak tak an sawi a ni. Zaithiam tak tak Pi PC Lalremruati, Nl Lalremruati leh Nl Lalruatzeli ten zaiin an awi a. Tin, MHIP ten hun hlimawm tak hmangin kalkhawmte an chawkhlim hle. Upate Ni (International Day of Older Person) hi kum 1990 December ni 14 khan UNO General Assembly chuan khawvel pumah October ni 1 a hman turin a lo reltl

Kan khua, Phullen a veng lun lai leh kawn pawimawh lai Diakkawn, YMA office bul kawngpui blacktop sir, fur laia diak ṭhin chu, kan khawtlang hruaituten Plain Cement Concrete (PCC) hmangin an zut man ta thân mai. PCC hmanga zutmam hi Pu Zothangṭhuama In bul aṭanga Salvation Biak In zawn, PHC pan chhohna peng thlengin, Blacktop loh lai, kawng chhak lam a ni. He hna hi tun kar laihawl khan thawk ṭanin vawiin 29th September 2018 Saturday khan zawhfel a ni. Hei hian Diakkawn a ti hmelmawi a, khawtlangin faina kawnga hma a lakna ah pawh a pui viau ang tih a lang a. Khawtlang hmasawnna duhawm tak a ni e. 

Boot Level Conference at Phullen Boot Level Conference at Phullen Vawiin Setember ni 12, 2018 (Tuesday) chhun khan BJP Mizoram Pradesh chuan Phullen Community Hall ah Chalfilh Constituency Booth Level Conference an huaihawt. He hunah hian BJP Mizoram Election I/C Manash Deka, State BJP President Prof JV Hluna leh State hruaitu dang ten an hmanpui a ni. He hun hi Pu B.Rothangpuia East Mandal President in hruaiin, Upa Lalrinzauva’n tawngtaina hun hmangin Pu P. Sanghmingthanga’n inhmelhriattir na hun a hmang bawk. Pu Manash Deka Election I/C chuan thu a thusawinaah, Mizote chu kawm nuam a tih thu leh an bula awm nuam a tih hle thu leh Central a an hotu ten Mizoram Election I/C a an ruat chu lawmawm a tih thu a sawi a. Mizorama kan harsatna hi chu kan Prime Minister Pu Modi an thil pathum hmangin a tihkiansak thei a, chung thil pathumte chu - 1.Hmasawnna 2. Hmasawnna 3. Hmasawnna a ni a ti. Prof JV Hluna pawhin thusawiin, October thla tir ah National BJP President

Vawiin 5.9.2018 Nilaini chhun khan ATMA Aizawl District chuan kuthnathawktute pualin Phullen Community Hall-ah training leh Agri Free clinic a huaihawt a. Programme thupui hi “Training of Farmers on Judicious use of Pesticides cum Agri Clinic” tih a ni a. Phullen, Thanglailung, Phiaibuang leh Zawngin khua atangtein Loneitu mi 266 zet an kal khawm a. Hon’ble Agriculture Minister Pu K.S Thanga chuan Khuallian niin Training hi a hawnga, a hman pui nghal a ni. He hun hi Session hnih ah ṭhenin, Chawhma lamah Training neih a ni a, chawhnu lamah Agri Free Clinic neih a ni. Khuallian, Agriculture Minister Pu KS Thanga chuan, Pu Lal Thanhawla hnuaiah Sorkar chuan Kuthnathawktute hmasawna turin nasa takin hma a lak thu te, NLUP leh NEDP te pawh a hlawhtlinna hmuh mek zel a nih thu a sawi a. Tin, Loneituten kan huan thlai enkawl nan thlai damdawi leh rannung thahna lam te hi kan hman a pawi lo a. Mahse, heng hlo tur (Herbicide) te, rannung thahna (Pesticide) te hi kan taksa tan a

Vawiin 25.8.2018 Inrinni chhun khan, Phullen Helipad thar, Phullen Thentlang a mi chu Bialtu MLA Dr Ngurdinglianan a hawng. He Helipad hawng tur hian Aizawl aṭangin Pawan Hans Helicopter pakhat chuan Phullen hi a pan a. Chhun dar 12:43 PM khan ṭum chhinna (trial landing) chu neih phawt a ni a. Chumi hnuah Khawlian lamah thlawk lut lehin Khawlian Helipad thar hawn phawt a ni a. Khawlian ah hian Bialtu MLA Dr Ngurdingliana leh a ṭawiawmtu Congress Block President Pu Lalrinzama (Phullen) leh Pu Zonghinglova (Vanbawng) te chu lo awm sain, Helicopter chuan Phullen Helipad ah chhun dar 1:29 PM ah an ṭum leh a. Hei hi Official a, a hawngtu te rawn ṭum hun a ni. Phullen Helipad chu ropui takin MLA Dr Ngurdingliana chuan a hawng ta a ni. Helipad thara official a ṭum hmasa ber  Helicopter a chuangte chu heng mite hi an ni: 1. Pilot & Co-Pilot 2. Pu Saidenga, Deputy Controller (Aviation) leh a nupui Zothannguri Colney 3. Dr. Ngurdingliana, MLA 4. Pu Lalrinzama, Ph