PHULLEN

Thenkhatin ‘PYKKA Tournament’ ti a an sawi mai thin, Sport lama inelna ropui tak chu India rampumah nei tura ruahman a nih angin neih mek zel a ni a. He Inelna hi National Level, State Level, District Level, Block Level a neih vek tura ruahman a ni. Mizoram R.D block hrang hrangah pawh ruahmanna kalpui mek a ni a. Phullen R.D Block pawhin he Inelna hi nei turin hma a la mek a ni. PHULLEN R.D BLOCK HUAMCHHUNG A HE INELNA NEIHDAN TUR TE: A hmun : Phullen A hun : 10th - 12th August, 2010 INELNA TUR (SPORTS DISCIPLINES) THLAN CHHUAH TE: 1.-------------Football 2.-------------400 meter race 3.-------------200 meter race 4.-------------Badminton 5.-------------Table Tennis National level a inelna tur atana an thlan chhuah infiamna chi hrang (desciplines) 20 zing atangin, State/UT hrang hrang ten inelna tur atan disciplines10 an thlang chhuak ang a. Chung infiamna (discipline) chi10 zinga chi 8 tal hmang chuan he State Level Inelna(competition) hi nei turin Stat...

Kan khua in BLog thar tlawh tur kan han nei hi a  lawm awm em a, lawm puina ka han thawn ve mai a ni e. Thlalak leh thu leh hla lam chu nidangah aw niang.. Nghahtei.

Han ti ngawt ila, a thu thiamlo leh tawngkam bahlah ber mai hian zin tura sawmna thu hi ziah tulin kan hre ve tlat si a. Thu sep sual palh avanga mi pawi kan sawi a nih chuan inhriatthiamah kan ti a ni ang chu. Zin tura sawm e ti lo chuan kan in um tiau zawk ang tih hi he article ziaktute hlauhthawn ber pakhat a ni. Sailo lal ropui leh huaisen, fing tak, Vanphunga khua Phullen hi a hming ngawt chuan phul zawl rai dup mai niawm hi a ni a. Tun laia hming tha pui pui, Zonunmawia te an ruai, insual tuma an in um zuai zuai leh Lalkrawspuii-te an K.S. tlat si ang deuh hian a khw thleng hian phul zawl hmun chu a chawi lo hrim hrim a. Fiamthuah phei chuan, “Arbawm pawh lum se, chhar leh ai chuan a thar tah mai a awl zawk,” an lo ti hial a ni. Mahse tunah zawng mi tih danin khawthar kan kai a, a awih zual pui chu kan tinsan ta. Engapawh chu lo nise, Phullen tih hming chawina chhan sawifiah tur chuan hmanlai thilte inrinsiak a tul dawn avangin hmehbel leh sawirem hna chu thawk lo mai ila. M...

Sl.no--------Hming-------------------Chanvo----------------Veng 1------Pu Laltharmawia----------: Senior Advisor------Dawrpui 2------Pu Lalbiakdanga----------: Senior Advisor------Ramhlun S 3------Pi Enghluni--------------: Senior Advisor------Zarkawt 4------Pu P.B. Vannunmawia------: Chairman------------Ramthar veng 5------Pu James Lalramnghaka----: Vice Chairman-------Aizawl Venglai 6------Pu Zirsangliana Pautu----: Secretary-----------Ramthar veng 7------Pu Rosangzuala-----------: Asst. Secretary-----Ramhlun veng 8------Nl. Hmingthantluangi-----: Treasurer-----------Electric veng 9------Pu J Lalhruaisanga-------: Fin. Secretary------Venghlui 10-----Pu F. Vanlalfela---------: Member--------------Ramhlun N 11-----Pu B Lalrimawia----------: Member--------------Aizawl Venglai 12-----Pu V. Lalthantlinga------: Member--------------Bawngkawn 13-----Pu Lalbuatsaiha----------: Member--------------Tuikhuahtlang 14-----Pu K Lalngaihawma--------: Member-------------...

Mizo Kristian Martar hmasa ber Tv. Chalbuanga Chhangte (Kum 25) chanchin ka hriat theih ang ang ka ziah tur hi May 30, 2000 a kalin Champhai venglai a mi, Chalbuanga tute zawt chiang turin, Kohhran Committee inUpa Thanruma nen min tir a. Kan han thleng chu min lo lawm thiam hle a, an lungte a leng thar leh a. Mizo Kristian Martar hmasa ber Tv Chalbuanga Chhangte lung dawh kan tum a ni, kan ti a an lawm em em a, a chanchin chu kan inzawt ta a. ni 1.6.2000 ah kan hawng leh ta a. Phullen Kohhran Biak In bulah kan dawh ta a. Ni 30.9.2000 chuan Biak In nen Rev. K. Lungmuana, Synod Moderator in a hawng ta a ni. Mizo Kristian Martar Hmasaber: Tv. Chalbuanga Chhangte (25) A pa :Thilluta (L) A nu :Famthangi (L) A pian kum :1882 Baptisma chan : Nov 2, 1904 A farnute : Tlangziki Chawntuahthangi Khuallutthangi Chawngnghilhlovi Tlangchawiveli (anni ho hian chatuan ram an pa...

Phullen khua hi a hming ringawt pawh hian Lung a kuai ve hle mai. tlang dung zam phul nuam tak mai awmna, ‘Phullen kawn an tih hming chawi a Phullen hming pu ta a ni. A khaw chhak lamah hian Mawmrang tlang ropui tak mai, Ramhuai Lal Sahmula pawh in awm nan a lo hman leh lam tual nuam tak mai ‘Sahmula tual’ an tih a lo siamna hmun a ni a. Sahmula tual atang hian zingni chhuah hlimah chuan Mizoram khawpui ber Aizawl pawh hi chiang takin a lang pe uar mai a ni. Thahdo lal Siakzapauva pawhin hmun a lo khuar a, tuma run theihloh khawpa a lo in benbelna kham puk leh khan tha tak tak awmna a ni a. Fur lai phei chuan Khamreng leh kham puk chunga tuikhawhthla ropui tak tak inkhawhthla zur zur mai te chu hmuh nin theih loh khawp a ni a, Phullen atang hian thlir a nuam tawk chiah a ni. Siamtu siam chhan ang ngeia leilung en turin, tuk pelh hauh lovin he Mawmrawng tlang atang hian turnipui chu mawi em em in a lo chhuak suar suar thin a. Lum leh eng mamawhtu Phullen mipui tan chuan a hlimawm thei...

Tuna Phullen khaw lai Diakkawn atanga chhim chhak hawia i kal chuan, tun hmaa Damdawi In tlang an tih in hawi chho anga, chutah chuan Biakin mawitak mai a lo ding luah tawh tih i hmu ang a. Khandaih awm laia Hripui vei an tih a sorkarin damdawi thiam a tirhte awmna tlang a nih avanga he hming hi pu ta a i a. Tunah chuan thlarau lam damna hmun a lo ni leh ta zawk a ni. I kal zelin thingse Chawlhhmun i thleng leh ang a, chu laiah chuan Upa Biakchhunga te, Pu Thangvela te Lungdawh a tanga hmar chhak lam i hawi chuan Sakuh lamlian an tih, tunlaiah Govt. Comprehensive Middle School i hmu thei mai bawk ang. Chuta tanga i chhoh leh chuan tuna Phullen khauin a thut chin i pel thuai ang a, Lungpui Chawlhhmun i thleng chho mai dawn a i. Lungpui Chawlhhmun atang chuan han hawi let leh la, i kal tanna Diakkawn phei te, Phunlai-hmun-tlangte chu fiah takin i hmu thei ang a, tun hmaa i Di sahna ni mai thinahte khan BDO Office leh Quarters te, a bul maia Phullen Vengthar Biak In leh Pastor Quarters te...

(Phuahtu : Vanlalhluni Pachuau – 16th September, 2002) Khaih khai khai, Lo ngaithla teh u khai, Zoram hmarchhak khaw lian leh hmingthang; Lal ropui Vanphunga khua kan ni ngai e, Kan zam ngai lo, mihrang sahrang doral hma’an, Khawi nge aw, Pi leh Pu ten thang an hlenna Pasaltha leh ramvachalte lungkham ram chu; Kan hril zel dawn an sakhming reng a chul si lo. Darkhuang ram leh Buannel, Saisih leh khawchhe-hlumte; Thentlang ram leh Mualbeubawk te hi, E, a ni tak, Kingpui leh Kingte mual; Sakhi-rawhkawn leh Chhiarzawl te pawh, Muallungthu leh Thenzawl ram, Sahlam-kawnte; Khampuirang leh Sahmulatual ten nen Ramtuk an rel, kawltuan chawi e, An zam ngai lo turnipui sensa hnuaiah; A dang ngai lo, khuangruah sur leh virthli lengthen Hlimten an leng, vang khawpui sumtual an mawi. Hawihtin an hawm, thupha chawi tawn zelin, An lungkham chu maw, Rimawi leh Taimak; Tlawmngaih, huaisen leh dikna te nen. Ramtuan an rel changin an dawn thin asin, Zo tuithiang, lentu chawivel...

Mizoram Kohhran chanchin a lang thin Khandaih (Phullen) hi tlawh ve ka chak rilru hle thin a. Vanneih thlak takin Rev. Vanlalzuat, Secretary Synod Publication Board hnungzuiin May 3, 2002 khan Phullen chu tlaiah kan thleng a. A tuk tlaiah Literature Seminar kan zawh hnuin khaw hmun hlui tlawhin Pu Hranga School hmun ngei pawh ka hmu ve ta a. Kum za vel kalta a Lal ropui tak Vanphunga hova khawvel dang ngai hauh lova an tual chaina hmunte chu a lo reh riai tawh a. Losul haw tih mail oh chu hmuh tur an awm tawh lo. Pu Hranga’n School a hawn tirh laia School naupangte leh nula tlangvalte chu khawvelah awm tawh lo mahse Chanchin Tha mei chhi eng in thangtharte an hlan chhawnga, a lo eng zual zel ta a nih hi. Chanchintha thehdarhna hmanraw pawimawh tak chu School din hi a ni a, kum 1894 April ah Pu Buanga ten Aizawl ah School an din tan a, kum thum vel hnuah an khar leh a. 1894 August ah Govt. School din a nit a a. Kum 1898 February a Zosaphluia School din chu a kaltluang zel a, Stana kuh...

Miten an tih ang chu,khawnge a tha a niang tiin, he blog hia keini Phullen khua leh a duh apiang te tlawh theih tur leh Phullen khaw chanchinte miten an lo hriat theihnan kan han siam ve tawp mai a. A tlawhtute tana chenfakawm tak zawng a ni hauh lo ang tih chu kan chiangsa. Mahse, siam tha kan ti ve miau si a. Kan han siam ta chu a ni a. Thu leh hla, thlalak, leh videos te, news te erawh chhuah turtha neih reng a huphurh awm hle mai. Chuvangin he blog tlawhtute, thu leh hla lama tan min lakpuia,rawn thawh thin turin kan sawm che u a ni. He blog ah hi Phullen khua leh a kaihhnawih thil engpawh, chhuah theihna leh tarlanna hmun a ni a. Tupawhin an thu leh hla vei zawng te, thlalak chitin reng an dah thei ang. Tin, Phullen a thil tlengtur, thleng mek, thleng tawhte, tarlan theih a ni a. Chumai bakah Mizoram, India, Khawvel, Universe a thil thleng engpawh mipuite hriatna pui thei tur engpawh a chhawpchhuah theih e. Mahse!!!! Mimal inbeihna lam te, Mimal leh pawl zahawmna intihchhiat sa...