PHULLEN HELIPAD THAR HAWN A NI TA

By Buata Bawihtlung -







Vawiin 25.8.2018 Inrinni chhun khan, Phullen Helipad thar, Phullen Thentlang a mi chu Bialtu MLA Dr Ngurdinglianan a hawng.

He Helipad hawng tur hian Aizawl aṭangin Pawan Hans Helicopter pakhat chuan Phullen hi a pan a. Chhun dar 12:43 PM khan ṭum chhinna (trial landing) chu neih phawt a ni a. Chumi hnuah Khawlian lamah thlawk lut lehin Khawlian Helipad thar hawn phawt a ni a.

Khawlian ah hian Bialtu MLA Dr Ngurdingliana leh a ṭawiawmtu Congress Block President Pu Lalrinzama (Phullen) leh Pu Zonghinglova (Vanbawng) te chu lo awm sain, Helicopter chuan Phullen Helipad ah chhun dar 1:29 PM ah an ṭum leh a. Hei hi Official a, a hawngtu te rawn ṭum hun a ni. Phullen Helipad chu ropui takin MLA Dr Ngurdingliana chuan a hawng ta a ni.

Helipad thara official a ṭum hmasa ber  Helicopter a chuangte chu heng mite hi an ni:

1. Pilot & Co-Pilot
2. Pu Saidenga, Deputy Controller (Aviation) leh a nupui Zothannguri Colney
3. Dr. Ngurdingliana, MLA
4. Pu Lalrinzama, Phullen, Congress Block President
5. Pu Zonghinglova, Vanbawng

Hetia Helicopter a lo țum hnu hian Aizawl lam atanga lo kal te leh Bialtu MLA te hi Phullen khawtlang hmingin pangpar thi leh thilpek hlanna hun neih zui nghal an ni a, thilpek hlan zawh hian kum upa (Senior Citizen) mi thlan bikte chu Helicopter hian minute 3 vel thlawhkual pui (Joy trip) zui nghal an ni a.  Chung mite chu:

1.Pu Lianthangpuia Ex VCP
2.Pu Lalchuailova Ex VCP
3.Pu Rosela, Ex VC
4.Pu Rosanga, Ex VC leh
5. Upa Lalhrana te an ni.

An ni panga te hi Rambuai hnu leh Phullen Helipad thar aṭanga Helicopter-a thlawk chhuak hmasa ber te an ni ta a ni. Tichuan Phullen Helipad thar a ṭum hmasa ber Helicopter chuan vawiin vek, chhun dar 1:35 PM khan Phullen a chhuahsan leh ta a ni.

Helipad thar hi Bialtu MLA Dr Ngurdingliana hmalakna a Sorkar - GAD (Aviation) te ruahman anga siam a ni a. A siam hna hi  AIE ten an thawk a. A zau zawng hi, a dung meter 50 leh a vang meter 30 niin, a lai takah feet 45 bial a zau chu PCC-in chhun a ni.

He Helipad hawnnaah hian khawtlang mipui ṭhahnem tak an kal a, Helicopter lo țum hi Flag var vai chungin mipui ten an lo lawm a ni. Mipui nu nau kalkhawm hi mi 500 vel zet ni a hriat a ni nghe nghe.


Buata #BB250820180930PM

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more