KUM 2019 A PHULLEN LO TUR THLAN A NI TA

By Buata Bawihtlung -

Vawiin October ni 2, 2018 Thawhlehni khan Phullen khawtlangin kum 2019 chhunga kan Lo turte thlan fel a ni.

Vawiin Lo thlan hun hi VCP Pu B.Lalhriatpuia, Ramṭheh board Chairman chuan a kaihruai a. Kum danga tih dan loh ang deuhin, Lo thlan leh ram ṭheh ṭan hma hian, Bible chhiar leh ṭawngṭaina nen Pathian hnena inhlanna hun hman phawt a ni a. Pathian hnena inhlanna hun hi Upa Lalnunga’n a hmang a ni.

Ramṭheh Board hian kum 2019 atana Phullen khawtlangin kan Lo neihna tur hian Lungdawhmawi mual aṭanga Mualbeubawk thleng leh Sasawbawk daihnai te a ṭheh a. Vawiin, ni 2.10.2018 chhun khan kan khawtlanga Lo nei tur chhungkaw aiawh mi 207 ten Lo number pawtin Lo tur hi an thlang a.

Lo number pawt zingah V.Sawma chuan Number 1 a pawt a, chutih laiin Pu Laithabgvunga chuan Lo number hnung ber, No 207-na a pawt thung. Lo thlanna a tih dan ṭhin angin, Lo tur hi lei duh an awm chuan an lei ṭhin a. Chutiang chuan mipui thlan hmain an Lo tur an thlang ṭhin. Kumin hian Pu Biakchungnunga chuan Rs 19600/- in Lo tur hi a lei a, ani hian Lo a thlang hmasa ber a ni.

Kan hriat angin kum khat chhung atana Lo neih tur ram hi kumtin ṭheh ṭhin a ni a. Ramṭheh tur ngaihtuahtu bik Ramṭheh Board din a ni a, VC President leh Secretary te chu Ramṭheh Board Chairman leh Secretary an ni nghal a ni. Khawtlanga ramchin hre deuh deuh engemawzatte chu member an ni ṭhin.

Kumina kan ram ṭheh ah hian Thanglailung aṭangin mi 5 in Lo tur an thlang ve a ni. Kan khuaah hian Lo thlan, Ramṭheh ni hi Mipa Day tia sawi fiam ṭhin a ni a. Chhungtin aiawh a kalchhuak te leh paho ten Lo thlan Ni hi hlim takin an hmanga, tlaiah ruai an ṭheh nghal ṭhin a ni.


Buata Bawihtlung
*BB021020180544PM*

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more