AGRI MINISTER HOIN PHULLEN AH TRAINING NEIH A NI

By Buata Bawihtlung -





Vawiin 5.9.2018 Nilaini chhun khan ATMA Aizawl District chuan kuthnathawktute pualin Phullen Community Hall-ah training leh Agri Free clinic a huaihawt a. Programme thupui hi “Training of Farmers on Judicious use of Pesticides cum Agri Clinic” tih a ni a. Phullen, Thanglailung, Phiaibuang leh Zawngin khua atangtein Loneitu mi 266 zet an kal khawm a. Hon’ble Agriculture Minister Pu K.S Thanga chuan Khuallian niin Training hi a hawnga, a hman pui nghal a ni.

He hun hi Session hnih ah ṭhenin, Chawhma lamah Training neih a ni a, chawhnu lamah Agri Free Clinic neih a ni. Khuallian, Agriculture Minister Pu KS Thanga chuan, Pu Lal Thanhawla hnuaiah Sorkar chuan Kuthnathawktute hmasawna turin nasa takin hma a lak thu te, NLUP leh NEDP te pawh a hlawhtlinna hmuh mek zel a nih thu a sawi a. Tin, Loneituten kan huan thlai enkawl nan thlai damdawi leh rannung thahna lam te hi kan hman a pawi lo a. Mahse, heng hlo tur (Herbicide) te, rannung thahna (Pesticide) te hi kan taksa tan a pawi theih avangin uluk tak leh dik taka kan hman erawh a ṭul thu a sawi a ni.

He hunah hian, YMA Phullen Branch President Pu J.Pachhunga pawhin thusawiin, Phullen a hetiang Programme buatsaih a ni chu ATMA, Aizawl District chungah lawmthu a sawi a. Thlai damdawi leh rannung thahna (Pesticide) te leh hlo tur (herbicide) te kan hman nasat avanga mihring Hriselna leh Leilung in a tawrh theih dan hi YMA pawhina ngai pavimawh hle a. Hemi kawngah hian theih tawpa hmalak zui an tum thu Ieh, he huna Loneitu te tana thlai damdawi an sem te pawh dik tak a hman anih theih nan Phullen Br. YMA chuan a enzui zel tur thu a sawi bawk a ni.

He hunah hian Agriculture, Horticulture, Sericulture, Fisheries, Veterinary Department leh KVK a mithiam ṭhahnem tak an tel a. Chawhnu Lamah Agriculture Free Clinic nei zui nghalin, Loneitu hrang hrang ten mithiamte an biakrawn theihna hun siam a ni a. Loneitute hnenah damdawite sem a ni a, Uithak damdawi (Anti Scabies) pawh sem nghal a ni bawk.

He training hi ATMA Aizawl district Project Director Pu R.Lalnunziran a kaihruai a. Phullen Branch YMA chuan ATMA te hi an lo puibawm bawk a. Hlawk tak leh tluang taka hun hman a ni.


BB050920180530PM
Date : 5th September, 2018, 5:30 PM

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more