Phullen ah Chalfilh Constituency Booth Level Conference BJP in huaihawt

Boot Level Conference at Phullen

Boot Level Conference at Phullen

Vawiin Setember ni 12, 2018 (Tuesday) chhun khan BJP Mizoram Pradesh chuan Phullen Community Hall ah Chalfilh Constituency Booth Level Conference an huaihawt. He hunah hian BJP Mizoram Election I/C Manash Deka, State BJP President Prof JV Hluna leh State hruaitu dang ten an hmanpui a ni.

He hun hi Pu B.Rothangpuia East Mandal President in hruaiin, Upa Lalrinzauva’n tawngtaina hun hmangin Pu P. Sanghmingthanga’n inhmelhriattir na hun a hmang bawk.

Pu Manash Deka Election I/C chuan thu a thusawinaah, Mizote chu kawm nuam a tih thu leh an bula awm nuam a tih hle thu leh Central a an hotu ten Mizoram Election I/C a an ruat chu lawmawm a tih thu a sawi a. Mizorama kan harsatna hi chu kan Prime Minister Pu Modi an thil pathum hmangin a tihkiansak thei a, chung thil pathumte chu - 1.Hmasawnna 2. Hmasawnna 3. Hmasawnna a ni a ti.

Prof JV Hluna pawhin thusawiin, October thla tir ah National BJP President Amit Shah an, BJP Mizoram State Office hawnna a rawn neih tur thu te, Mizo mipui te chu Internet khawvel ah kan awm tawh avangin hmanlai a, mi thenkhatin dawt hmanga mi bum mai mai ang kha a theih tawh loh avangin an mangang hle a ni. 

Mizo Kristian takin BJP hi a nih theih a, Kristian dik tak tan hlauh tur a awm lo mai pawh ni lo in kan awmna tur a Pathianin a buatsaih zawk emaw tih tur khawp a dikna leh Corruption do tlat an ni a, Kristian te tan a inhmeh hle a ni a ti bawk.

He hunah hian Chalfilh Constituency huamchhung khaw hrang hrang atangin, Booth level hruaitu mi 300 chuang zet an kalkhawm a, tlaiah ruai an ṭheh nghal bawk a ni.