ENG HMANGA INBIAKNA MIZORAMA HMASA BER

HMASA BER

Upa Lalrema

(LENTLANG VOLUME: XIV. ISSUE  NO. 29 , Date 9 July.2017)

Mizoram pum huapin kan khua hi signal (Eng hmanga inbiak) ah hmasa ber kan lo ni reng mai. Chumi chungchang sawizau nan chuan mimal chungchang pawh kan umzui deuh a ngai a, kan khuain hma kan hruai phahna atana sulsutu an ni miau a, chawimawi pawh an phu hle mai Signal lama sulsutuber chu Pu Biakthuama tuna Pi Biaksailovi W/o Lt. Sawithanga (L) nutapa hi a ni a, kum 1935 khan Boys ME School Aizawlah pawl li a zuk zir a, hetih laia thingtlang atanga zir thei hi chu miawmthei leh Lalfa te an ni tlangpui a, hostelah awmin school hi an kal a ni. A mah hi nungchang tha leh duhawm tak a nih avangin Assam Rifle Subider Samsera Gorkhali chuan a lawm em em mai a, fapa a lo nei lo bawk nen Pu Biakthuama pa hnenah chuan kafapa atan min pe la, ka lo enkawl vek ang a ti a, apa chuan ‘ni e a’ a lo ti ta a. Tichuan subidar fapa angin alo awm ta a ni.

Hetih lai hian sipai chuan inbiak pawh nan ‘Signal’ an hmang ber a, darthlalang hmanga inphetin thu an inthawn thin a, chutianga an tih lai chuan Civil mi an bula awm an phal ngai lova, an vawmpawp duh zel mai a ni. Biakthuama erawh chu subider fapa a nih miau avangin leh thil zirmi tak anih avangin hriat ve duhin an bulah a awm thin a, an code word te pawh a ziak in alo zir thiam ve ta vek mai a ni. Kum 1937 -ah Pu Biakthuama chu Phullenah a rawn let leh a, he a thiam thil signal hmanga in biak hi tlangvalte a zirtir ta a, kum 1938-ah chuan thiam an tam tawh hle a, mahse, thiltheih ni a ngai lo Upa lam deuh zingah chuan an la tam tho va Pu Thuamkaia pawhin mei eng hliah zeuh zeuh hmanga in biak theih kha a awih tlat lova, buh seng ram riahnaah chuan i nupui naktuka a rawn feh tur hnenah i duhber sawi rawh kan chah ang an ti a, Len (Sangha manna) mei signal hmangin an chah sak ta a, a tuka a nupui rawn feh chuan buk chhuatah chuan Len chu a rawn vawm thla ta tak a, a awih ve chauh a ni.

Kum 1938 vel a signal eng hmanga inbiak kan lo thiam tawh hi khawdangah an la hmang ngai miah lovang tih a rin theihna chu sipai khan inbiak na atana an hman ani a, civil miten an thiam hi an phal reng reng lo. Pu Biakthuama Subider fapa Phullen khua kha civil zingah chuan a thiam, hmasaber a ni miau a, hmun dangah zirtir lovin kan khuaah a zirtir a, hei vang hian kan khua hi enghmanga inbiakna hmang hmasa ber kan lo nih theih phah ta a ni.