JPC PHULLEN ANNUAL GENERAL BODY MEETING LEH CHARGE INHLANNA NEIH A NI

By Buata Bawihtlung -


JOINT PROHIBITION COMMITTEE (JPC) PHULLEN ANNUAL GENERAL BODY MEETING NEIH A NI

Vawiin June ni 1, 2018 (Zirtawpni) Dar 10:00 AM  khan JOINT PROHIBITION COMMITTEE (JPC) ANNUAL GENERAL BODY MEETING leh JPC hruaitute mawhphurhna inhlanna hun Phullen Kohhran Hall-ah neih a ni.

He Meeting hi JPC Formation Committee Chairman Upa Lalrinzauvan a kaihruai a, Phullen Vengthar Pastor Bial vawngtu Rev MS. Dawngliana chuan hunserh a hmang a. JPC Secretary Pu David Lalrinawma hnen aṭangin kum kalta a an hmalakna te leh ṭul dangte Reports ngaihthlak a ni bawk.

He hunah hian JPC hruaitute bakah Phullen khawtlanga pawl hrang hrang hruaitute leh Kohhran hrang hrang aiawh te an kalkhawm a. Kan khawtlang (Phullen) in kum tam tak chhung kan lo kalpui tawh RUIHHLO AWM LOHNA KHUA (DRY VILLAGE) chungchang sawihona an nei a. Phullen khawtlangin Dry Village kan nihna leh Ruihhlo kan dona kawnga kan hmalaknate leh kan hmalak zel dan turte ngunthluk takin sawiho a ni.
He meetingah hian JPC Chairman Upa Lalrawngbawla, YMA Phullen Branch President Pu J.Pachhunga te, VCP Pu B. Lalhriatpuia te leh Hunserh hmangtu Pastor MS Dawngliana ten hnrn aṭangin kan khawtlang tana thu ṭha leh ṭangkai tak takte ngaihthlak a ni.

Chawhnu lamah JPC hruaitu thar (2018-19) te leh JPC hruaitu
hlui te chuan Mawhphurhna (Charge) an inhlan nghal a. Heng mite hi JPC Hruaitu tharte chu an ni:
  1. Chairman: Upa Lalrawngbawla
  2. Vice Chairman : Upa Vanlalnunga
  3. Secretary : Pu F. Lalruatkim
  4. Asst Secretary : Pu Lalkrosschhuanga
  5. Treasurer : Pu H.Tlanhmingthanga
  6. Fin. Secretary : Pu Vanzairemmawia
  7. Info. Secretaries :
    1. Pu B. Vanlallawma
    2. Pu Lalbiakfela

Kan hriat angin June ni 1, 1987 Thawhṭanni khan JOINT PROHIBITION COMMITTEE (JPC) hi din a ni a. A tuk  Ni 2.6.1987 (Thawhlehni) zan atangin Phullen Zu zawrh leh in phallohna "Dry Village” ah puan a ni ta a nih kha. Tichuan JPC din champha June Ni 1 hian Dry Village kan kalpui dan leh Ruihhlo dona kawnga kan khawtlangin hma kan lak dante sawiho pahin JPC hruaitu hlui leh tharten mawhphurhna an inhlan ṭhin a ni. JPC hruaitu mawhphurna chelh mekte hian an hun chhungin JPC hruaitu thar ruattu tur Formation Committee an ruat ṭhin a, anni chuan JPC hruaitu thar tur an lo ruat ṭhin a ni.

Vawiina hian Nilenga hun hmangin, tlaiah zanriah an kilho nghal a. Kum dang ai chuan kal an tlem deuh hret na a, hlawk takin hun an hmang a. Kan khawtlang a lo thianghlimna tura Ruihhlo dona kawnga theihtawp chhuah chhunzawmzel turin vawiina Khawtlang hruaitu kalkhawmten khawtlang mipuite min ngen a ni.

Kan khawtlang nawm leh nawm loh chungchangah hian Mipuite hian mawh kan phur tak zet a. Dry Village pawh hi JPC hruaitute kenkawh tur chauh ah dah lovin, kan zavaia ṭanrual ngai a ni tih i hre thar leh ang u.

Buata Bawihtlung
*BB010620181115PM*

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more