PHULLEN

Mizorama pawl lian leh ṭangkai ber a chhal ngam YMA DAY vawi 83-na chu YMA Branch hrang hrangin an lawm a. Phullen pawhin June ni 15 khan Phullen Community Hall ah ropui takin a lawm a. Pi Lalrinchhani Ralte BDO Phullen chu Khuallian (Chief Guest) a ni. Ruahman lawk ang chuan, YMA Day 2018 hi zing, chhun leh zanah chi hrang hranga lawm tum a ni a. Zingkarah vantlang rawmgbawlna lam thil - Thlanmual sam leh Community Hall vel tihfai bakah infiamna hmun tur Field a Line te lo siam a, zan lamah Vantlang inkhawm ropui tak neih tum a ni a. Mahse, khuain min bumro ta a, chhun lama Football hmuhnawm tak leh a kara zaithiam zai ngaihthlak leh Phullen Historical Society aṭanga Pumazai te leh Mizo hnam lam dangte entir tum pawh, a sukuk zo ta a. YMA hruaitute inpekna leh ṭhahnemngaihnain chhun a Field lama tih tur leh zan lama tihtur a ruahman tawhte chu, chhunah Community Hall-ah tih a ni ta zawk a. He hun hi chhun ah ṭanin YMA Vice President Tv. Lalthangzikan felfai takin a kai...

  FIFA 1994 WORLD CUP : PHULLEN AH ROPUI TAKIN, PU NGURA STADIUM AH NGHAH A NI - Buata Bawihtlung FIFA World Cup vawi 15-na 1994 World Cup kha June ni 17 aṭanga July ni 17, 1994 chhung khan khawvela Football thiam zual ram 24 ten America ramahan khel a nih kha. Kha ‘94 World Cup khan, a hma a World cup lo awm tawhte chu kawng hrang hrang a rawn khumin, World Cup Record tam tak a siam a nih kha. Mahse, chu lam chu sawi tam vak lovin, Phullen in kan lo dawn dan lam kan thlur deuh zawk ang. Kha FIFA ‘94 World Cup kha Phullen in kan khuaah ngei FIFA World Cup kan hmachhawn hmasak ber a nih laiin, kan ngaihsan Maradona hun hnuhnung a ni tlat mai a, a hrilhhaithlak ang reng hle. Chutihlaiin, Germany – East leh West inzawm hnua World Cup an khelh leh hmasak a nih thute, USSR keh darh hnua Russia anga an tel vawikhatna a nih thute, Colombia player nungchang ṭha “the Gentleman” tia an koh fiam, anmahni lama a tih goal vanga an kah hlum tak Andrés Escobar chanchinte, Bebeto nau awih...

Rev. M.S. Dawngliana HNA ṬHA THAWK TURIN INTICHAK ANG U (Neh. 2:17,18) (JPC Phullen Annual Gen. Body Meeting-a Rev. M.S. Dawngliana thusawi laktawi)     Phullen khua hi Mizorama khaw tam tak zingah hian khaw namen lo tak a ni a, kum1905-a Mizorama khaw lian ber lo ni tawh, Primary school nghet awmna hmasa, van lam mita mi lian - martar nei hmasa ber, harhna thlen hmasakna khua, rawngbawltu ṭhahnem tak chhuahna, ringtute pawh hmingmawi tak 'Isua lam ṭang' tia an vuahna khua a ni a. Kan ropuina langsar tak chu Mizo Pastor martar, Rev.Chanchinmawia hova  June 2, 1987 aṭanga ZU TEL LO SOCIETY kan din ngam tlat mai hi a ni. Phullen khaw hming sawi rik ruala Mizote thinlunga chiang nghal chu ' DRY VILLAGE ' tih hi a ni ta zel mai; hei lo hi chu Phullen hian chungchuanna dang kan nei bik lo khawp mai.     Eng atan nge Pathian hian kum 30+ zet Dry Village min lo nihtir tih hi ka ngaihtuahnaah a lian khawp mai. A chhanna chu - tunlaia kan ram mamawh d...

JOINT PROHIBITION COMMITTEE (JPC) PHULLEN ANNUAL GENERAL BODY MEETING NEIH A NI Vawiin June ni 1, 2018 (Zirtawpni) Dar 10:00 AM  khan JOINT PROHIBITION COMMITTEE (JPC) ANNUAL GENERAL BODY MEETING leh JPC hruaitute mawhphurhna inhlanna hun Phullen Kohhran Hall-ah neih a ni. He Meeting hi JPC Formation Committee Chairman Upa Lalrinzauvan a kaihruai a, Phullen Vengthar Pastor Bial vawngtu Rev MS. Dawngliana chuan hunserh a hmang a. JPC Secretary Pu David Lalrinawma hnen aṭangin kum kalta a an hmalakna te leh ṭul dangte Reports ngaihthlak a ni bawk. He hunah hian JPC hruaitute bakah Phullen khawtlanga pawl hrang hrang hruaitute leh Kohhran hrang hrang aiawh te an kalkhawm a. Kan khawtlang (Phullen) in kum tam tak chhung kan lo kalpui tawh RUIHHLO AWM LOHNA KHUA (DRY VILLAGE) chungchang sawihona an nei a. Phullen khawtlangin Dry Village kan nihna leh Ruihhlo kan dona kawnga kan hmalaknate leh kan hmalak zel dan turte ngunthluk takin sawiho a ni. He meetingah hian JPC ...

Phullen khaw chhunga veng hrang hrangte ( Source: Phullen Village Council : 2015 ) 1.        New Khandaih : Tv Raltawnkima In leh Pu John Daniala In inkar (In 14). 2 .        Mautui Veng Chung: Pi Kapmawii In leh Pu Lalhmingmawia In inkar Kawngpui dung thlang lam an (In 22). 3.       Mautui Veng Hnuai:    Pi Lalhmuchhuaki In leh Pu Lalhmachhuana In inkar, thlang lam zawng nen, Pu Zothantluanga In huam telin (In 21). 4.       Lailak Veng: Pu R. Lalbiaknunga In (No.2) leh Pu H.S Lalhmunliana In inkar (In 10). 5.       Ar Farm Veng: Agriculture Deptt Quarters leh Upa Ramzauva In inkar, kawng chhak leh thlang an, Pu Ropianga In huam telin, Pu Tawnvela In leh Pu Ramnghahliana In inkar Pu Lalthangmawia In huamin, kawng thlang lam zawng nen   (In 32). 6.       Sikul Veng: Pu K. Lalhmac...