INDIA REPUBLIC DAY VAWI 69-NA PHULLEN AH ROPUI TAKA LAWM A NI

By Buata Bawihtlung -

India Republic Day vawi 69-na chu nimin 26th January khan India ram pumah ropui takin lawm a ni a. Phullen ah pawh Public Playground ah ropui taka lawm a ni.

Phullen a Republic Day lawmna hi chawhma dar 10:30 AM ah ṭan niin Pi B Malsawmtluangi (MCS) BDO Phullen chuan inkhawm a kaihruai a. Pu V. Lalengmawia (MCS) Project Director DRDA Aizawl district chu Khuallian (Chief Guest) a ni a,  Pu V.V5anṭhuampuia Teacher chuan Republic Day Parade hi a kaihruai (Command) a. Pi Rohlupuii Teacher PES chu Programme Announcer a ni.

Khuallian Pu V. Lalengmawia (MCS) Project Director D.R.D.A chuan Hnam puanzar pawt pharhin Republic Day 2018 Parade Contingent te chibaibuk a chhanglet hnuah Republic Day thu chah a sawi a.  Khuallian chuan, Aizawl District leh Phullen R.D. Block huam chhunga Rural Development Deptt hmalakna hrang hrangte a sawi lang a. Niza inhlawhna chungchangte sawiin kum khat chhung chauh pawhin pawisa kal a tam ṭhin a, chu chu tangkai taka hmang turin a chah a. Zirlai leh mipui kalkhawm te fuihna thu ṭha tak tak a sawi. Phullen thalaite chu Civil Service lamah lut thei tura inbuatsaih turin a chah bawk a ni.

Khuallian thu sawi zawh hian Special Item hmuhnawm leh ngaihnawm tak takin a zui a. Zai ngaihnawm tak Nl. Lalruatzeli hnen aṭangin ngaihthlak a ni a. Christian Children School Phullen ten Sarlamkai hmuhnawm tak an en tir a, chumi hnuah Presbyterian English School Phullen ten Mass Drill hmuhnawm tak an entir bawk a ni.

Chhun dar 12:00 ah Republic Day 2018 Football Tournament Final match hmuhnawm tak, MC Store Team vs Phulen F.C ten an khel chhunzawm leh nghal a. M.C. Store Team te hian Phullen FC te chu 5 - 1 a hnehin an Champion a ni.

Republic Day hlawhtling taka hman a nih  theih nan hian, Phullen khaw chhunga Sorkar Department hrang hrang ten Sum leh pai an thawh a. Sorkar office hrang hrang a thawktute, VC te leh NGO hruaitute leh zirlaite ṭhahnem tak an tel a. Tin, Phullen RD Block huam chhung khaw hrang hranga VC te an tel bawk. 

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more