Phullen Mistiri Association te Kuang siamin an hnatlang

By Buata Bawihtlung -
Phullen Mistiri Association Kuang siam hnatlang

Vawiin 28.10.2017 Inrini chhun khan Phullen Mistiri Association te chu, Phullen khawtlang a chhiat tawk - Mitthi te hman tur Kuang siamin Phullen Diakkawn ah an hnatlang.  

Hnatlang ah hian Mistiri Association member leh YMA hruaitu mi 25 zet an thawk chhuak a. Kuang 10 (sawm) zet an siam a. Hetiang zat an siam hman hi a lawmawm tak zet a ni. Hnatlangte ei tur hi Village Council (VC) ten an tumsak a, Pu KC Zahmingthanga (Ex Br YMA President) chuan hnatlangten nilenga an ei tur Kuhva a tumsak bawk a. Tin, kuang siamnan hian Pu B.Lalhmingsanga (Committee Member Br YMA) chuan a Thingzai khawl leh electric current a thlawnin a hman tir bawk.  

Hetianga Kuang siam hnatlang neih hi, Phullen Mistiri Association te hian an tih dan thin a ni a. Mistiri Association te bultum a nih rualin, chhiat ni lama hmalatu ber YMA te leh khawtlang nu leh pa VC te nen inberawn tlang zelin, thawhhona thatak hnuaiah hnatlang hi neih thin a ni a. Hnatlang thawkchhuakte ei leh in senso hi YMA leh VC ten an tum sak thin a ni. Tin, Kuang siamna hmanrua Thingzai etc hi YMA ten Chhiatni Fund an khawnkhawm atanga lei thin a ni bawk.

Kan khawtlang mipui kan pung ve zel a, kuang siam ngai pawh kan awm ve deuh reng a. Tunlai hian Kuang siamsa a awm mumal tawh lo ni a hriat a ni a. Chuvangin Phullen Mistiri Association te chuan hna tul lai pawh sawi thei lovin, vawiin khan Kuang siam hnatlang hi a ko ta a ni. Tunlai hi Lo lamah Buh seng leh thlai sengkhawm hun lai a ni a. Chutiang hna tul karah chuan Mistiri engemaw zat an hnatlang thei kha a ropui tak zet a ni.

He hnatlang thawkchhuak te eitur tumsaktu VC te chungah leh khawl leh current hman tirtu Pu B.Lalhmingsanga bakah nilenga Kuhva eitur petu Pu KC Zahmingthanga te chungah Phullen Mistiri Association chuan lawmthu a sawi a. Kuang siamna hmanrua hi a man a tovin, kuang pakhat hi Rs 2000)- (sanghnih) man hu vel a ni a. Chhiatni Fund pek lamah mipuite thahnemngai lehzual turin mipuite min ngen a ni.

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more