PHULLEN AH KUM 2018 LO TUR RAM THEH FEL A NI TA

By Buata Bawihtlung -


Vawiin October 16, 2017 Monday khan Phullen Village Council hnuaia kum 2018 chhunga Tlangram lo (shifting cultivation) neitu turte tan Ram theh niin, Lo neitu tur ten Lo tur an thlang a. Kumin hian kumdang aiin Lo neih tum an tam lo deuh a, ram theh chin pawh a zim hret.



Ram theh leh lo thlan tur chungchangah hian, VC ten khawtlanga ramchin hre deuh te chu ruatchhuakin, VC te nen Ramtheh Board a din a. He Board hian mipuite mamawh tawk tur milin ram theh tur zau leh khawi chin nge tihte a ruahman a. Kum 2018 atana Lo neihna tura Ram theh chin chu Sasawbawk zau, mualdung a then a ram lam zawng a ni a. Hetah hian kumina Lo neihtumte chu thawl takin an la leng ni a chhut a ni.

Lo nei tur te hiang VC hnenah hming an ziak lut zel a. Kum 2018 atan hian chhungkaw 145 in hming pein Lo Number an pawt a. Mahse chhungkaw 145 te hian Lo an thlang vek lem lo a.  Vawiin Ram theh leh Lo thlan hi Pu H.Lalhruaikima VC Vice President in a kaihruai a, Pu R.Lalthanzama Ex VC member chuan a ziak fel a. Pu KC Zahmingthanga leh Pu J Pachhunga ten Lo thlangtu turte hi lo dawngsawngin an lo kaihruai a, hlim takin an lo chawk phur a ni. Lo number pawt zingah Pu Tawnvela, Ar Farm veng te chuan No.1 an pawt a ni.

Lo tur hi lei duh an awm chuan Board hian lei a phal thin a. Lo tur an lei hi kum khat atan a ni a, Lo tura ram leitu te chuan Lo Number pawttuten an thlan hmain Lo tur hi an thlang hmasa thin a. Lo leitu hi chhungkaw 3, 4, 5 emaw te an ni thin a. A leitu rau rauah pawh a lei to ngam apiangin an thlang hmasa thin a. Heta an Lo hralhna sum hi Ramtheh leh Lo thlan Ni a an ei leh in senso atan te hman a ni thin a.

Board aiawha Lo thlan huaihawttute hian to taka an hralh theih nan leh sum an hmuh tam theih nan thiam takin an kaihruai a, a ram thatzia te sawiin, Lo leitu leh thlangtute an lo fuih phur thin a ni. Lo lei tute pawhin lo tur a ram lei ve tho si a, duh lai ber thlang thei lo nih kha duh lovin, an leina zat an inkhum zak zak chang a awm thin.  Kumin ah erawh Lo tur hi a hla deuh bawk a, Lo leitute leichhan pakhat Thing te hawnna tur a hla a, chuvangin Rs 2000 vel bakin an hralh lo a ni.

Ram theh leh Lo thlan ah hian paho deuh hlir an thawhchhuah thin avangin Mipa Day an ti fiam thin a ni. Hei hiba inhmeh viau laiin, Hmeithai leh Mipa awm lohna chhungkua te tana an inkiltawih lohna tur tawka sawi dan thiam erawh a ngaiin a hriat. Vawiin Ram thehnaah hian kalkhawm zawng zawng ten tlaiah Ruai an theh a, hlim takin hun an hmang a ni.

 Buata Bawihtlung
BB161020170800PM

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more