PWC General Assembly 2017 Report tawi
PWC General Assembly 2017 chu April ni 1, 2017 khan hlimawm takin kan hmang liam ta kha a ni a. Ruahman lawk leh beisei ang diak diak a nih chiah loh pawhin, Assembly nuam leh hlimawm tak, hlawk thlak tak zawng a ni ngei e.
Hun
kaihruaitu Pu Biaka Chairman PWC (ZoRo a Treasurer ni mek, pa fell eh rualkawm
thiam em em) khan Assembly hmang tura lokalte lo lawmin hun bul a tan a. Chumi
hnuah programme tan zui zel a ni. Pu Vala (Ex MLA Candidate ngat) Secretary in
PWC History a chinchhuaka rawn sawiin mipuite min ti bengvar hle a, tawngkam a
thiam thin ngei mai; ani hi chu Khawvel huap khawmpui lianah pawh dawhsan a thu
tlak a ni chiang mai. Kan hunserh hmangtu Pu C.Biakliana (President hnen atanga
Medal dawng pha ngat) kha, pa titi thiam tak a ni si a, rei tak a rawn sawi a
nih pawhin, a ninawm chuang hauh loving tiin kan lo inkau ru deuh a. Mahse a
hun leh hmun hria a ni tih a lang a, Bible chang sei vak lo chhiarin thu tawite
a sawi a, a thusawi kha a tawifel tha viau a, a zirtir erawh a thain a sawitum
a sawifiah a, ngaihtuah a tithui ngei mai.
Guest
of Honour Pu Sanga (PC Rosangliana, hmingtha taka Sorkar Officer lian atanga
retired, tuna Ruling party hruaitu pawimawh ni pha) a rawn ding chhuak, thusawi
hma hauhin Phullen khawtlang hmasawnna leh hamthatna (Welfare) ngai pawimawh tu
ani tih zia atakin a rawn lantir a, kan khawtlang tan Thilpek thahnem tak a pe
a nih kha. Sawi duah aia a taka thil ti thin an ni tih Pu Biaka Chairman PWC
nen an rawn lantir a ni.
PWC
hruaitu tangkai Pu Lalrammawia Sr Vice Chairman thusawi hi in lo chik ngai em?
Kan hmuh theih khawtlang hmasawnna mai ni lo, kan thalaite nungchang, khawtlang
nun hmasawnna a vei zia a lang thin. Ni e, khaw ropui tak din mah ila, kan nun
a ropui si loh chuan a buaithlak dawn a, chuvangin Pu Mawia sawi angin, nun
thiam kan mamawh a, Mizo nun zemawi tlawmngaihnate kan chhawm nun zel a ngai.
Pu
Mawia thusawi thlawp chiah hian Pu R Kapkhuma, Vuce Chairman, PWC ni mek, Dry
village dinna tura a bultumtu Ex VC (Phullen) khan a rawn sawi a, “PHULLEN KHUA
HI KAN DAMTLANG EM?” a rawn tih kha a pawimawh ngei mai, mitinin kan rilruin i
chhang ang u. Phullen khaw hlui veng hrang hrang a sawite, Pu Piandenga
football pet san zia a sawi te kha a ngaihnawm a, a hlu ngawt mai.
Kan
khaw VCP Pu B.Lalhriatpuia, pa thluakfim leh fing, kum phu lova ngaihtuahna
seng mi, khawtlang tana huaisen leh taima em emin, inngaitlawm taka thu an
sawite kha, a kaihhruaina hnuaia kan VC te thawhrimzia leh taimak hlawmzia,
hlemhletna laka an fihlimzia hretu tan chuan, an chapo lo mang e tih loh theih
a ni lo. Phullen hmasawnna atan a Aizawl lam thawhhlawkzia a sawi kha a dikna
lai a awm ve mai thei e. Mahse, Aizawl atangin kan khua hi vei ve viau thin mah
ila, kan khua a awm mek te, kan VC te hi a bultumtu pawimawh ber chu an ni. Kan
khua hian hmalam a panin ka hria a, beiseina sang tak ka nei e.
A
duh apiang ana Thusawi huna lo dingchhuak Pu Dohmingthanga (PWC dintu pawimawh
zing a mi) te leh midang dangte kha aw!!! An sawi tha hlawmin a ngaihnawm tak
zet a, thusawi tura ruat awm hliah hliah khawpa ngaihnawm leh tha a thu an sawi
kha a lawmawm ngei mai. Anni ho khan Assembly an ti hlu zual tak zet e.
Zaithiamte
kha!!! An thiam zia hresa kan ni hlawm, kan beiseina pawh a sang hle. Chutiang
karah chuan, an zai that viau pawhin ngaia lo neih sak a awl. Mahse an han zai
ta chiah a, mipui kan rwh thrup a, kan hawi ho a, chilthli thla dawn dawnin kan
thlir doh doh hlawm a nih kha. Khang ho kha kan khawmi Phullen khawmite chu an
ni si!!! Rampum huap inhmuhkhawmnaah pawh khatiang bak kha a awm chuang lo tih
kan chiang e. Pu Dohmingthangan inphochhuak zel tura a fuihna cheu kha, lo
vawng reng teh u.
Kan
khua atanga kan mipawimawh lo kalte khan Assembly kha a va ti ropui tak em!
Khualkhua atanga tel hi a awlai lo. Mahse Nu leh pa chan chang thiam takin VC
leh NGO hrang hrang hruaututen PWC sawmna ngaipawimawhin min rawn uap a. Kan
hruaitute inpekna san zia leh kan inpawhna thatziate, kan lungrualziate a
tifiah hle a ni. Sawi hmaih hauh loh tur chu, kan khaw lam atangin Cable TV
Operator – Pautu Vision te chu, PWC sawmna ngaipawimawhin Assembly hi video in
an rawn cover vek a ni. Anni zarah hian documents pawimawh tak kan neih phah
dawn a ni.
Sawi
hmaih theih lih tur chu Fatute leh Receptionist te kha an ni. Anni khan mipui
nawlpui kal hmain bul an lo tran tawh a. Hah takin nilengin an phi buai a ni.
Eirawngbawlna ah khan vawi tam ka va lut a, ka luh apiangin tumah awl awm hman
lovin, thlantla bawrh bawrh an lo che char char a, a thwnte phei chu thlalak
sak hman lohin an vir buai tak tak nia. Khatiang a an tlawmngaihna vang khan
tui takin ruai kan threh phah a nih kha.
Kan
Chief Guest kha, a zin lai a lo ni hlauh a, phai atangin hmanhmawh takin a lo
haw a. Thusawina hun nei turin Hall chhung function a lo zo hman tawh chung
pawhin Assembly naah a rawn tlang vang vang a nih kha. Khatiang taka
inngaitlawm Chief Guest kan nei kha a va chhuanawm em! Phullen a ngaihpawimawh
zia a chiang ngawt mai.
Kha
Assembly kha kan vai ta a ni a, hruaitu hmasaten min uap zel thei hi a lawmawm
ngawt mai. Assembly relnaa thawhhlawk tak Pu Tka a tel hman ta lo kha khua a ti
har. An hming sawi vek sen a ni lo. Ka hmuh dan chuan, rual u zawk ten min
telpui zel a, thalai te min kaihhruai peih chhung chuan he PWC hi a nung reng
ang tih ka ring. Chutiangin mipui lamte pawhin kan khua hi kan ngaihpawimawh
zel a ngai ve bawk.
A
tawp tak tak nan… kha kan Assembly inkhawm kha hlim tak, felfai tak leh
hlawhtling tak a kan zawh theihna kha, inkhawm kaihruaitu Chairman kha a ni.
Ani hi pa tlak duah ngai lo mi a ni a. Kumtluanin tluang takin PWC min
kaihruaia, seniors te leh thalaite min khaikhawm thiam tlat hian PWC pawh a ti
nuam a ni. Kan Pu hi nimin kha chu a hlim zual deuhin ka hria.😂 Tun Assembly ah pawh chanvo neitute a ko zat zat a,
hun pawh kan hmang tangkai thiam hle a nih kha.
Hruaitu
thar duhawm tak tak, thluak fim leh tha, khawtlang hmangaihtu, mi fel tak tak
kan thlangchhuak a. Anni kaihhruaina hnuaiah hian PWC hi chak takin a kal zel
ang tih ka ring a, chumi tur chuan mipuite pawhin kan thlawp zel a ngai dawn a
ni.
Midang
sawi chhunzawmah khek hrih phawt ang.….
Comments
Post a Comment