PHULLEN

WhatsApp Phullen Group ah Pu Biakan Awksarala Upate hming pahnih sawiin, a dang lo thawh belh ru a ti a, tihian ka rawn phuah khawm ve ang e - Buata Bawihtlung 1. Neihruma - Khawchhiar 2. Hnundailova 3. Thangkhuma 4. Dareka 5. Zakhuma 6. Hrangphunga 7. Tuala 8. Dolala / Thavapa Pu NEIHRUMA hi Pu Neihtawna pa a ni a, Kristian hmasa, Harhna chang hmasa a ni. Khandaih harhnaah intan tirh a Tuivai atanga khua a an haw kawngah khan tleirawlte niin Hla chang sawitu a ni a. An zai tui bawk a, hla pakhat te kha vawi 30 te an la nawn hial thin a ni. Khatih lai British India awpna hnuaiah khan Phullen ah Khawchhiar a ni. A fate pawh Kristian tha tak tak an ni zui a. A fapa Neihkhuma hi Phullen khua atanga Missionary chhuak hmasa ber a ni a, kum 1953 September ni 28 khan Missionary in a chhuak a ni. Tin, a fapa Pu Neihtawna pawh, Kohhran ngaipawimawh mi, Phullen Kohhran khuangpu hlun a ni bawk. Pu HNUNDAILOVA hi Lal Awksarala khawnbawl upa a ni a. Kristian hmasa zing a...

Vawiin April ni 8, 2017 (Inrinni) hi Thlarau Thianghlim hnathawh leh Harhna, Vanphunga khua Khandaih a a thlen (Khandaih Harhna) champha vawi 111-na chiah a ni. He Ni hi Mizoram tan ni pawimawh a ni a, Zofate tan pawh ni chhinchhiah tlak tak a ni a. Mizo Kristian te tan ngat phei chuan Ni pawimawh leh hriat reng tur a ni tawh ang. Khandaiha Harhna thlen hma hian, Mizoram khawiah mah mipui hmuh leh hriat theih turin Thlarau Thianghlim Harhna a hlen hriat a ni ngai lo a ni. Zosap Missionary te Mizoram a an lo luhna pawh kum 10 awrh chauh a la ni a. Annin tawng zir chawp a Pathianthu an zirtir hnuah Mizo zingah lehkha zir tlem an awm ve tih chauh a la ni a. Hetia Khandaih a Harhna a thleng ta mai kha a mak angreng hle a. Khandaih khuaah kher, chu pawh Sangha tlangvuaknaah a intan leh zel hi a danglam hle a ni. Chuvangin Khandaih chanchin tlem kan sawi tel thuak dawn a ni. Vanphunga khua Khandaih hi kum 1901-ah Pawihbawiha fapa Vanphunga sailoin a din a ni a. Sihfa atanga kaiin khu...

Vawiin 7.4.2017 Friday khan Aizawla Raj Bhawan Durbur Hall-ah Scouts & Guides chawimawina sang Rajya Puraskar sem a ni a, kan khua-Phullen atangin mi pathum (3) - Lalremsiama, Elizabeth Zohmangaihi, Lalnunkimi ten an dawng a. He hunah hian anni ho Training pe a, lo kaihruaiti Scout Master Pu Lalhruaikima Tochhong, Teacher, PES chu a tel bawk. Rajya Puraskar hi Scouts & Guides chawimawina, state level a Chawimawina AWARD a pek theih sang ber a ni. He chawimawina hi Scouts & Guides Patron, Governor kut atanga dawn thin a ni. Rajya Puraskar Badge leh Certificate hi awlsam taka dawn ngawt theih an i lo va, hemi dawng turte hian District level-ah paltlang tur tam tak a awm a, chumi hnuah State Training Camp an paltlang leh phawt a ngai a ni. Kan khua atanga Rajya Puraskar Award dawng thei zirlai naupang kan nei hi a lawmawm a. Hetiang dawng thei tura chher a, kaihruaitu Scout Master Sir Hruaitea leh Award dawngtute, an chhuanawm tak zet.

State Institute of Rural Development & Panchayati Raj (SIRD & PR), Mizoram chuan Mizoram a Village Council Member thlan bikte tan Exposure Tour Programme Dt. 5 – 9 April 2017 chhung atan a buatsaih a. Tunah an thang mek a ni. He Exposure​ Tour a kal tur Mizorama VC member zinga thlanchhuah tlemte zingah kan khaw VCP (Phullen Village Council President) Pu B.Lalhriatpuia s/o Pu B.Pahlira chu thlan chhuah a ni a, a hmunah an thang mek a ni. Exposure hmun atan hian Kerela Institute of Local Administration (KILA), Thrissur, Kerela chu thlan a ni. KILA (Kerela Institute of Local Administration) hi mahnia ro inrel (autonomous) niin Kerela sawrkar tana tualchhung inenkawlna/ rorelna lam zirna hmunpui a ni.  Tin, he hmun hi Central University of Kerela pawhin July ni 14, 2014 atang khan Zirbingna Hmunpui (Research Centre) atan a lo pawm tawh nghe nghe bawk. Pu Hriata te hi Ni 5.4.2017 khan Lengpui Airport atanga chhuakin, an tumram KILA, Trissur, Kerala chu hemi ni hian an t...

PWC General Assembly 2017 chu April ni 1, 2017 khan hlimawm takin kan hmang liam ta kha a ni a. Ruahman lawk leh beisei ang diak diak a nih chiah loh pawhin, Assembly nuam leh hlimawm tak, hlawk thlak tak zawng a ni ngei e. Hun kaihruaitu Pu Biaka Chairman PWC (ZoRo a Treasurer ni mek, pa fell eh rualkawm thiam em em) khan Assembly hmang tura lokalte lo lawmin hun bul a tan a. Chumi hnuah programme tan zui zel a ni. Pu Vala (Ex MLA Candidate ngat) Secretary in PWC History a chinchhuaka rawn sawiin mipuite min ti bengvar hle a, tawngkam a thiam thin ngei mai; ani hi chu Khawvel huap khawmpui lianah pawh dawhsan a thu tlak a ni chiang mai. Kan hunserh hmangtu Pu C.Biakliana (President hnen atanga Medal dawng pha ngat) kha, pa titi thiam tak a ni si a, rei tak a rawn sawi a nih pawhin, a ninawm chuang hauh loving tiin kan lo inkau ru deuh a. Mahse a hun leh hmun hria a ni tih a lang a, Bible chang sei vak lo chhiarin thu tawite a sawi a, a thusawi kha a tawifel tha viau ...