KUM 2016 YMA DAY PHULLEN BRANCH IN A HMAN DAN

From - Lentlang chanchinbu Ni 18.6.2016

Kum danga kan tih ngai meuh loh, a chang chuan hnathawhna hun atana hman ve thin tho Y.M.A Day, 15th June.. 2016 chu kawngpui siamthat nan kan hmang a nih kha. Member senior tak tak te nen mi 240 velin Leimin paih a tui luankawr sial that hna leh kawng ba sam fai hna thawh a ni a. Thawkchhuak zawng zawngte chungah hruaitu ten lawmthu an sawi tak meuh meuh a ni.

He Y.M.A Day puala hnathawh chungchang hi Branch O.B ten kan ngaihtuah thiam mai lova, Committee member Senior te nen ngaihtuahin, Branch Committee in thlir leh a ni a. Saitual E.E.(PWD) ah thlen a, J.C.B pakhat tal min ngaihtuahsak tura dil ni se tih anih angin, Ni 8.6.2016 khan E.E. chu hmuh a ni a. J.C.B thawh nan Rs. 30,000/- min lo phal sak hlauh mai a, a chungah kan lawm tak zet a ni. EE PWD be tura kal nan hian Pu R Lalthantluanga’n a Motor thawhin a zarah tluang takin E.E pawh kan hmuh theih phah a, a chungah pawh kan lawm hle.

He Y.M.A Day kan hman dan chungchangah hian Committee te pawh kan tangtlang hle a, chanvo mawhphurhna kan inpek hrang hrang te, Commander tura kan han inruat chhuah ten phur tak leh thahnemngai taka kan mawhphurhna theuh kan han hlen chhuak te kha a va han lawmawm tak em ! Phullen Branch Y.M.A vul zel rawh se.

YMA Day awmni khama hnatlanga thawh tur chungchang ngaihtuah lai hian, V.C / VEC ten chawhmeh lei nan Rs. 6000/- lai min pe a, an chungah lawmthu kan sawi a, anni hian a thawh hun thleng pawhin min uap tha hle a ni. Tin, leivung paihna chungchangah Pu Lalhmuchhuaka leh Pu K.Lalrinkima te biak an ni bawk a, an nin an in bula paih min phalsak avangin an chungah kan lawm hle bawk a ni. Tin, hnatlang thingpui thlumna tur Chini min petu Pu Lalchawiliana chungah kan lawm hle bawk.

Tin, mihring tha maia tih theih a nih loh avangin Pu Vanlalhriata’n J.C.B a rawn thawh chhuahpui bawk a, a mah avangin kan hna pawh a samkhai phah hle mai a, tin, Pu B.Lianmawia ten LPK (407) siak phurh nan an rawn thawh chhuahpui bawka an chungah lawmthu kan sawi mawlh mawlh bawk a ni.


Tin, kum dang anglo deuhin Fatu pawh tlemte kan inruat a, Fatu te hian kan chawhmeh neih ang ang pawh daihzai takin min siamsak a, an chungah lawmthu kan sawi tak meuh meuh a ni. Chubakah member khati zat thahnemngai taka thawkchhuak te chungah leh Chhungkuaa thawk chhuak ( Upa C.Pachhunga te chhungkua) chungah te, phal taka motor rawn thawh chhuahpuitu zawng zawng chungah te,Rual u tak tak rawn thawk chhuak te chungah khan Branch Committee chuan lawmthu a sawi tak meuh meuh a ni.