KOHHRAN COORDINATION COMMITTEE, PHULLEN DIN A NI

Phullen khawtlang hruaitute Village Council leh NGO hrang hrang aiawh te leh tualchhung Kohhran hrang hrang atanga Kohhran Committee theuhte kalkhawm chuan Phullen khawtlanga Kohhran hrang hrangte thawhhona tur Kohhran Co-ordination Committee Phullen din a rawt a.

Chu rawtna chu Village Council chuan bawhzuiin Phullen a Kohhran hrang hrangte telna tur KOHHRAN CO-ORDINATION COMMITTEE chu Ni 16.06.2016 Thusaday zahah Village Council House, Diakkawn, Phullen ah a din ta a. Chu Co-ordination Committee a hruaitu turte pawh ruat fel nghal an ni a, chu’ngte chu.

OFFICE BEARER (OB):Chairman : Rev. HLThianghlima(PCI. Phullen vengthar)Vice Chairman :
Rev. Lalngaihawma (PCI, Phullen)Lt. H. LalrinmawiaCO, Salvation ArmySecretary : Upa Lallawmsanga (PCI, Phullen)Asst. Secy cum Fin. Secy: Upa A. Zoramthanga (UPC)Treasurer: Upa K. Zamawia (BCM)

COMMITTEE MEMBERS: Committee Members tur hi la ruat leh tur a ni a. A hnuaia tarlan ang zat hi Kohhran hrang hrang atangin ruat tur a ni ang -

1. Phullen Kohhran  - 1
2. Phullen Vengthar Kohhran  - 2
3. Kohhran dang zawng  - 1 țheuh

Phullen Kohhranah hian OB 2 an awm tawh avangin Committee Members tur hi mi pakhat (1) ruat tur a nia, Phullen Vengthar Kohhran atangin mi pakhat chiah OB ah a awm avangin Committee Members tur hi mi pahnih (2) an Phullen vengthar atangin ruat an ni ang. Kohhran dangah hian OB 1 țheuh an awm tawh sa a, Committee Members tur hi pakhat țheuh an ruat belh ang.

Thubelh:

Phullen hi In 400 chuang khua, khaw lian lem lo tak a ni a, chutih rualin khaw pawimawh ve tak a ni bawk. Phullen khua hian Kohhran, Sakhuana lamah hian chanchin hlui (Church History) ngaihnawm leh bengverh, pawimawh tak tak a nei nual a.

Phullen ah hian Kohhran chi hrang hrang a ding ngai lem lo a. Prebyterian Kohhran lian tak pahnih a awm a, Salvation Army a awm bawk. Tun hnaiah Baptist Kohhran leh UPC Kohhran a lo ding ve ta bawk a, member erawh an la tam lem lo.

Tun hnaiah (kumin 2016) Presbyterian Kohhran Phullen Pastor bial chu, Pastor bial pahnih ah then a ni ta a, Phullen a Kohhran lian pahnihte chu bial hran ve ve ah an awm ta a. Hei hian Kohhran leh khawtlang ah inpum khatna lam hawia hmalakna a tithuanawp palh a hlauhawm an tih vanga hetia Kohhran Coordination Committee hi din ta a nih a rinawm.

Kan khawtlang hruaituten khawtlang inlungrual lehzual nana Kohhran Coordination Committee a din hi a lawmawm a, a hming ang ngei hian khawtlang tana inlungrual taka ke an peh ho zel ka duhsak e.