MISSION VENG Vs PHULLEN KHUA
Mission Veng hi kan veng a ni a, Phullen khua hi kan khua a ni a. Kan veng a ka thian Pu Roy C Sangzuala chuan, “ Cancer ka ngam ta” tih lehkhabu a ziak a. A Cancer natna chu kum 20 aia tam dampuiin Mumbai ain check up reng chungin ‘ Cancer Evangelist’ tih mai tur hian Cancer zingah Pathian thu a hril a, mi tam takin a ma zarah Pathian an hmu pawhin ka hria. Cancer hriat chhuah thar a hriat chhuah zawng chu a tlawh zel a, Cancer enkawl dan leh Mumbai a Tata Cancer Institute thatzia te, an Doctor te felzia te hrilhin chung zawng zawng aia pawimawh ber chu Pathian rin ngamna a nih zia leh a thlamuan thlak zia hi a hrilh duh ber chu a ni thin.
A kal theih tek tek chhung chu zing tawngtai inkhawm kal a hlah ngai lo. Tuk khat thei leh thei lo chunga a sawi ka la hriat reng chu - “ Mumbai a Mizo Cancer kal tam ber chu kuhva ei nasat lutuk avang te, sahdah khaini hmuam nasat lutuk avang te a hapui leh ka, hrawk Cancer te, meizuk nasat lutuk avanga chuap Cancer te, zui in nasat luat avang a pumpui Cancer te an ni. Hawh u a chhan lian ber nia kan hriat hnu hi chuan ala Cancer lo ho chu heng thilah hian i insum hram hram teh ang u”, tiin tawng tha thei tawh lo fiah lotaka sawiin a mittui hi a tla zung zung mai a. Ka nupui hnenah ka sawi a,Kuhva leh sahdah/ Khaini insum hram hram turin ka ngen , heng hre reng chung hian a nghei thei mang hauh chuang lo.
Ka thenawm, ka thian tha tak,Zoram sawifel tuma ka ti ti pui leh ka thu lakna ve ber, fiamthuin ka ‘Senior Adviser’ka tih mai thin Zotea chuan Hapui Cancer a nei ve hlauh ta mai a. Ani hi chawlhnizan te phei chuan “Free Night” kan ti mai thin a, Zoram sawi fel tum hian kan pahnih chauh pawhin zan dar 11 te kan thleng thei a, thingpui kan no thum hman deuh ziah a ni. Kuhva a ei loh lai hmel hi a vang khawp mai a, thingpui pawh kuhva hmuam chungin a in thei a ni. A hapui Cancer pawh Pu Roy C sangzuala sawi atang phei chuan a kuhva ei reng ringawt vang kha ni ah ka puh a. Vawi tam Mumbai-ah zaiin Aizawl Grace Nursing Home-a Cancer Supper Specialist Dr Jerry-a ten duat takin enkawl mahse an chhan zo ta lo. Ka ngaiin ka ui em em a, Zoram leh keimah ngei pawhin kan la mamawh em avangin a dam leh theih nan pawh ka tawngtai nasa, mahse kan chan ta tlat a ni.
Kan thenawm dang kan rual ve deuh ka kawmngeih em em, ka harsatna ka hrilh duh ber zing ami, veng dang daih khawhar in kal dawn a ka thurualpui fo thin. Pu Dawnga pawh Kuhva ei reng mai a ni a. A hapuia Cancer ve ta tlat mai a. A ni phei chu Dr Jerry-a hi a makpa a ni. Dr Rozama hi a makpa a ni bawk a, Mumbai-ah te an hruaia, inah leh Grace Nursing Home-ah nasa taka an enkawl chung pawh in an chhan zo chuang lo. Ani pawh ka ngaiin a thi chu ka ui tak meuh meuh a ni.
Example atan ka thian te Kuhva ei tam avanga Cancer nia lang ka han sawi a, sawi mualpho naah pawh ka ngailem lo. Mei zu nasa Cancer te , zu in nasa Cancer thi ta phei chu sawi tur an tam leh zual a. Zu hmuh apiang in Burma Bi-ih an tih te thlenga regulara in chuan kum 10 an daih mawh hle. A pawi tih hre reng chunga in an ni leh nghal a. Ram leh hnam hmangaih lo, Isua Krista hmangaih lo ah kei chuan ka ngai hmiah mai.
Phullenah kankal - Mission Veng nen a danglamna : Ka U Khuanga fanu Hmingthani pasal neih hmang turin October 2011 khan ka fate, ka Monu te leh ka tu te kum thum mi leh nausen hruaiin ka kala. Mo thlah ni october 23 kha kan cham a, sahlamah te kalin khawlai dung an fang bawk a, ka U te huan leh Dil-ah te an kal kual a, Bethel na tlang te pawh an tlawh bawk a. Ka fa ten an ngaihsan em em chu Phullen-ah zurui an hmu lova, khawlai dung a fai em em vek a. Tuman meibung khawlaia an paih an hmu lo bawk. Thil eina kawr paih mai mai anhmu hek lo. Hmeichhia chu sawi loh Mipa pawh zunin nilo, khawlaia zung mai mai an hmu hauh lo. Vanduai thlak tak in ka thianpa Biakhlira thi Phai lam atanga an lothlen zan, tlaivarpui a ni a. Zing dar thum vel atang in nula tlangval tlaivar ka zawm a, chhun mitthi vuinaah ka kal bawk a.
Kan veng, Mission Veng in tluk lohna tam tak kan neiin ka hria. Kei hi bawlhhlawh paih lo kal ni Thawhlehni leh Zirtawpni chuan an lo kal hma chuhin hma tak ah ka tho a, tual ka phiat thin. Mei zuk bung, Alu papor eina ruak, Sweet, thei eina leh chewing gum kawr a tam em em ziah a. A chang chuan zurui luak leh khuh damdawi bur ruak te, zu inna um ruak te a awm fo bawk. Sikret bawm ruak pawh a tam thei hle. Tual phiah lai lai a sikret bung kal paha paih ta mai te, kawng ko beh chhan a mipa ka hmuh lai ngei a rawn zung ta to to, zak chuang si lo pawh an awm fo mai. A then chu tuihawk luankawr a bawlhhlawh paih ru chawt chawt pawh ka hmu thin. Hemi faina kawngah hian Misiion Veng chuan Phullen kan tluk lo hle. Huan athei rah leh Dil sangha pawh an in khawihsak lo a ni awm e. A lawmawm in ka va chhuang tehlul em !
(He thu hi Pu Dr. JV Hluna ziah, Phullen Dry Village Silver Jubilee Souvenir "Harhfim-II" 1st June, 2012 a published atanga lakchhuah a ni.)
A kal theih tek tek chhung chu zing tawngtai inkhawm kal a hlah ngai lo. Tuk khat thei leh thei lo chunga a sawi ka la hriat reng chu - “ Mumbai a Mizo Cancer kal tam ber chu kuhva ei nasat lutuk avang te, sahdah khaini hmuam nasat lutuk avang te a hapui leh ka, hrawk Cancer te, meizuk nasat lutuk avanga chuap Cancer te, zui in nasat luat avang a pumpui Cancer te an ni. Hawh u a chhan lian ber nia kan hriat hnu hi chuan ala Cancer lo ho chu heng thilah hian i insum hram hram teh ang u”, tiin tawng tha thei tawh lo fiah lotaka sawiin a mittui hi a tla zung zung mai a. Ka nupui hnenah ka sawi a,Kuhva leh sahdah/ Khaini insum hram hram turin ka ngen , heng hre reng chung hian a nghei thei mang hauh chuang lo.
Ka thenawm, ka thian tha tak,Zoram sawifel tuma ka ti ti pui leh ka thu lakna ve ber, fiamthuin ka ‘Senior Adviser’ka tih mai thin Zotea chuan Hapui Cancer a nei ve hlauh ta mai a. Ani hi chawlhnizan te phei chuan “Free Night” kan ti mai thin a, Zoram sawi fel tum hian kan pahnih chauh pawhin zan dar 11 te kan thleng thei a, thingpui kan no thum hman deuh ziah a ni. Kuhva a ei loh lai hmel hi a vang khawp mai a, thingpui pawh kuhva hmuam chungin a in thei a ni. A hapui Cancer pawh Pu Roy C sangzuala sawi atang phei chuan a kuhva ei reng ringawt vang kha ni ah ka puh a. Vawi tam Mumbai-ah zaiin Aizawl Grace Nursing Home-a Cancer Supper Specialist Dr Jerry-a ten duat takin enkawl mahse an chhan zo ta lo. Ka ngaiin ka ui em em a, Zoram leh keimah ngei pawhin kan la mamawh em avangin a dam leh theih nan pawh ka tawngtai nasa, mahse kan chan ta tlat a ni.
Kan thenawm dang kan rual ve deuh ka kawmngeih em em, ka harsatna ka hrilh duh ber zing ami, veng dang daih khawhar in kal dawn a ka thurualpui fo thin. Pu Dawnga pawh Kuhva ei reng mai a ni a. A hapuia Cancer ve ta tlat mai a. A ni phei chu Dr Jerry-a hi a makpa a ni. Dr Rozama hi a makpa a ni bawk a, Mumbai-ah te an hruaia, inah leh Grace Nursing Home-ah nasa taka an enkawl chung pawh in an chhan zo chuang lo. Ani pawh ka ngaiin a thi chu ka ui tak meuh meuh a ni.
Example atan ka thian te Kuhva ei tam avanga Cancer nia lang ka han sawi a, sawi mualpho naah pawh ka ngailem lo. Mei zu nasa Cancer te , zu in nasa Cancer thi ta phei chu sawi tur an tam leh zual a. Zu hmuh apiang in Burma Bi-ih an tih te thlenga regulara in chuan kum 10 an daih mawh hle. A pawi tih hre reng chunga in an ni leh nghal a. Ram leh hnam hmangaih lo, Isua Krista hmangaih lo ah kei chuan ka ngai hmiah mai.
Phullenah kankal - Mission Veng nen a danglamna : Ka U Khuanga fanu Hmingthani pasal neih hmang turin October 2011 khan ka fate, ka Monu te leh ka tu te kum thum mi leh nausen hruaiin ka kala. Mo thlah ni october 23 kha kan cham a, sahlamah te kalin khawlai dung an fang bawk a, ka U te huan leh Dil-ah te an kal kual a, Bethel na tlang te pawh an tlawh bawk a. Ka fa ten an ngaihsan em em chu Phullen-ah zurui an hmu lova, khawlai dung a fai em em vek a. Tuman meibung khawlaia an paih an hmu lo bawk. Thil eina kawr paih mai mai anhmu hek lo. Hmeichhia chu sawi loh Mipa pawh zunin nilo, khawlaia zung mai mai an hmu hauh lo. Vanduai thlak tak in ka thianpa Biakhlira thi Phai lam atanga an lothlen zan, tlaivarpui a ni a. Zing dar thum vel atang in nula tlangval tlaivar ka zawm a, chhun mitthi vuinaah ka kal bawk a.
Kan veng, Mission Veng in tluk lohna tam tak kan neiin ka hria. Kei hi bawlhhlawh paih lo kal ni Thawhlehni leh Zirtawpni chuan an lo kal hma chuhin hma tak ah ka tho a, tual ka phiat thin. Mei zuk bung, Alu papor eina ruak, Sweet, thei eina leh chewing gum kawr a tam em em ziah a. A chang chuan zurui luak leh khuh damdawi bur ruak te, zu inna um ruak te a awm fo bawk. Sikret bawm ruak pawh a tam thei hle. Tual phiah lai lai a sikret bung kal paha paih ta mai te, kawng ko beh chhan a mipa ka hmuh lai ngei a rawn zung ta to to, zak chuang si lo pawh an awm fo mai. A then chu tuihawk luankawr a bawlhhlawh paih ru chawt chawt pawh ka hmu thin. Hemi faina kawngah hian Misiion Veng chuan Phullen kan tluk lo hle. Huan athei rah leh Dil sangha pawh an in khawihsak lo a ni awm e. A lawmawm in ka va chhuang tehlul em !
(He thu hi Pu Dr. JV Hluna ziah, Phullen Dry Village Silver Jubilee Souvenir "Harhfim-II" 1st June, 2012 a published atanga lakchhuah a ni.)
Comments
Post a Comment