MHIP DAY VAWI 44-NA PHULLEN AH ROPUI TAKIN LAWM A NI

By Buata Bawihtlung -





Date : 6th July, 2018, 11:45 PM

MHIP Day vawi 44-na chu vawiin khan Phullen Community Hall ah MHIP Member ten, tualchhung mi pawimawh leh sawm bik te nen hlim tak leh ropui takin an lawm. 

Vawiin hian khaw thenawm Thanglailungah chhiattawk an awm avangin MHIP Day lawmna a chanvo pawimawh nei tur Present Pi Lalneihsangi leh VCP Pu B. Lalhriatpuia te chu, Thanglailung lamah hian an kal atul ta thut a. Chawpchilh takin Programme tihdanglam a ni a. MHIP hruaitu lam pawh an buai hle a. Chanvo neitura ruatte pawh tihdanglam a ngai nual a.  Chuti chung chuan, hlim tak, felfai tak leh tluang takin MHIP Day lawmna hun hi hman a ni a, MHIP hruaitute inpekna a ropui hle.

Day lawman Programme Hruaitu tura ruahmansa President a awm theih tak loh vangin PI H. Lalsawmlianin a kaihruai a, Pi Hannah Lalrempuiin hunderh hmangin, Sunna hun leh Secretary report-te ngaihthlak a ni a. Pi Lalramdiki, Pu PC. Lalhmachhuana (Secretary-VC), Pu B. Lalnuntluang (President-GSA) te hnen atangin thusawi tha tak tak ngaihthlak a ni. MHIP Member kum 70 chunglamte hnenah MHIP hruaitute hian thilpek an hlan bawk.

Pi Lalramdiki hian fa enkawl chungchanga Nu mawhphurhna hrang hrang a sawi a, VC aiawha thusawitu Pu PC. Lalhmachhuana Secretary VC chuan  MHIP te tangkai thu leh an tih apiangah tih tak takna an neihtute a sawi a. VC hnuaia inhlawhna hrang hranga pawlho an rawih tawh zingah MHIP-te rawihnawn an chakawm  ber thu a sawi bawk. GSA President Pu B. Lalnuntluanga pawhin GSA ten tunhnaia hlawhtlina an chante hi Nuho ten an fate an enkawlna rah a nih thu a sawi bawk.

Chawhnu lamah Vice President Pi Zoramengin Inkhawm a kaihruai ve thung a. MHIP hnuaia Section pathum ten Special item hmuhnawm tak tak an en tir a, kalkhawm ten an hlimpui hle.

Vanapa Section MHIP ten Section hming putu Vanapa chanchin a lem nen an entir bakah Khuallam hmuhnawm tak an entir a. Taitesena Section MHIP ten  kan khawtlang hlimthla – Sasah(ser) hna hmuna kan nungchang, Tui point-a nuho nungchang, khawlaia naupang inhelte  bakah TV, Machhuana buai zia thiam takin an entir a. Chawngbawla Section MHIP ten MHIP hian thleibik a neih loh zia leh MHIP Function-a tel ngailote an tanpui thin thu hmuhnawm takin an lan tir bawk.

MHIP Day lawmna a kalkhawmte hi, kan khaw zaithiam  Nl. Lalremruati, Nl. Marina Zohmingthangi leh Pi Bawihtluangi ten zaiin an awi a, mipui ten an hlut hle. Chhunglam Programme hman zawh anih hnuah Day lawmana ruai ‘Phullen buhchiar’ dik tak chu, tlai leh puar taka kilho a ni.


Correspondent : Maruata Pautu

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more