TLEIRAWL PUAL INKHAWM

By Buata Bawihtlung -
(Tleirawl Pual Programme)


Ni 28th November, 2017 Tuesday:
Zanin dar 7:00 PM khan YMA Phullen Branch huaihawtin Phullen Community Hall-ah Tleirawl Pual Programme hman a ni. He hun hi Captain Lalrinmawia CO SA, Phullen Bial rawtna anga huaihawt a ni.

He Tleirawl Pual Programme hi Pu J.Pachhunga President, YMA Phullen Branch chuan a kaihruai a. Captain Lalrinmawia, C.O, Salvation Army Phullen Bial chu Speaker ah a tang a. Tleirawl kalkhawmte chu Pathian thu leh nundan thate kawhhmuhin, Pathian thu leh zaite hmanga inpawlhona hlawkthlak tak neih a ni a.

Inkhawm Speaker hian Tleirawl inkhawmte chu Ruihhlo laka fihlim tur leh nupui pasal neih hmaa hmeichhiat mipatna laka fihlim tura, anmahni duhthlanna ngeia Thutiam an neih theih leh theih loh a zawt a. Tleirawl thahnem takin thu an tiam a. Chu an thutiam chu Bible kara zeh tur (Bookmark) a sem ah a ziah tir a. Bookmark changlote chu Bible kawm ah a ziah tir bawk a ni.

He hun ah hian mi thahnem tak an tel a. Tualchhung tleirawl kum 13-25 inkar mi 220 te leh zai hruaitu Bible Society of India (BSI) Zaipawl mi 20 te bakah Inkhawm  huaihawttu Branch YMA Committee Members mi 20 te nen mi 260 zet an tel a. Inkhawm a hlawhtlingin kal an tha hle a, Bible Bookmark an sem pawhin tleirawl kalte a daih lo hial a ni.

Hetiang hun tha tak huaihawttute leh a rawtchhuaktute an fakawm a. Tleirawl inkhawmte, an felin, an nihlawh tak zet a ni.

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more