PHULLEN AH WORLD BREASTFEEDING WEEK 2017 HMAN A NI

By Buata Bawihtlung -

Vawiin ni 18.08.2017 Friday khan ICDS bultumin Health Deptt thuneitu Doctor leh thawktu dang te nen kan khua - Phullen ah World Breastfeeding Week kharna hun hman a ni.

Breastfeeding chu ‘Naute hnena Nu hnute tui pek’ ti ila a dik thei mai awm e. He World Breastfeeding Week hi khawvel hmun hrang hrang, ram 125 chuangah kum tin August thla tir Ni 1-7 chhunga hman țhin a ni a.  Kan khua Phullenah pawh August ni 1 - 7 chhung khan ICDS leh Health Deptt hmalaknain he World Breastfeeding Week hi Anganwadi Centre tinah hman a ni.

He Week hi Health Department hnuaia Health Worker leh Asha ten hmanpuiin Nu, naupawm, Raipuar leh Tleirawl te hnenah zirtirna an pe țhin a. Nausen tana Nu hnute pawimawhnate, naute hnute pek dan dik te zirtirin, thil pawimawh tak tak anzir a ni.

He Breastfeeding Week kharna hi remchan zawkna vangin vawiin August ni 18, 2017 friday khan Phullen Anganwadi Centre No.1 ah Phullen khawchhunga Anganwadi Centre zawng zawng te infinkhawmin hman a ni a. He hun hi Pi R.Laldinpuii CDPO, Lalhmingi CO, Lalhmunliani, CO, ICDS Phullen te leh Dr. Zoliankimi Ngente, Medical Officer, PHC Phullen bakah Health Worker leh Asha ten an hman pui a. Nau enkawlna kawnga hriat tur pawimawh thu țha tak tak ngaihthlak a ni.

Khawvel puma mihringte hriselna lam ngaihtuahtu World Health Organization (WHO) chuan Nu hnute tui naute hnena țha taka pek hi, nausen tan mai ni lo, nu tan ngei pawh a ța hle a ni an ti a. WHO chuan, nausen in thla 6 chhung tal chu thil dang tel lovin nu hnute chauh an ring ngei tur a ni a, chumi hnua ei tur pek an nih hnu kum 2 emaw a aia upa an nih thleng pawhin nu hnute hi pe tel zel țhin turin a ti a. Nu te pawhin, Biak In a ni emaw puipunna hmun a ni emaw, khawi hmunah pawh nise naute hnute pek hi tim hauh loh turin a zirtir a ni.

Heng avang hian World Breastfeeding Week hi WHO leh UNICEF te bultumin khawvel pumah hman țhin a ni a. Kan khua Phullen ah pawh ICDS te bul tumin Health Deptt te nen hlawhtling taka hman a ni hi a lawmawm hle.

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more