INDIA INDEPENDENCE DAY VAWI 71-NA PHULLENAH ROPUI TAKIN LAWM A NI
( 71st India Independence Day @ Phullen )
Kumin 2017 India Independence Day vawi 71-na chu kawng hrang hrangin lawm a ni a. Vawiin 15th August, 2017 Tuesday tuk 7:30 AM khan a lawmna pui ber chu BDO Complex Phullen ah hman a ni.
He Independence Day lawmnaah hian Chief Guest Pi B.Malsawmtluangi MCS, BDO Phullen chuan India hnam puanzar pawt pharhin Independence Day Parade contingent te chibai bukin a lo chhang a. Tualchhunga Sorkar official pawimawh tak tak – Dr Zoliankimi Ngente, Medical Officer PHC Phullen te, Pi R. Laldinpuii CDPO, ICDS Phullen te leh sorkar office hrang hrang a thawktu pawimawh tak takte an tel a. Tin, khawtlang hruaitu Pu B.Lalhriatpuia VCP bakah Village Council members te leh tualchhung NGO leh pawl hrang hrang hruaitute leh khawtlang mipui thahnem tak an tel a ni.
He huna Chief Guest Pi B.Malsawmtluangi BDO chuan thu sawi nghalin. Kum 2016 Independence Day atanga tun 2017 thlenga kan khawtlang leh block in hma a sawn dan hrang hrangte. Sorkar Porgramme leh Scheme hrang hrang - MGNREGS, ICDS, NERLP leh VC etc hnuaia hmalakna hrang hrangte, pawisa hman dan leh hmasawnna kalpui a nih dan hrang hrangte a tarlang a ni.
Independence Day 2017 Parade hmuhnawm tak hi Pu Lalhruaikima Tochhong, PES chuan a kaihruai (Command) a. Anganwadi naupang ten Ram leh Hnam hmangaihna lam Thuchham thiam taka sawi rualin hun an hmang a. Presbyterian English School Scout & Guides naupang ten Independence Day lawmna pualin tunlai lam hmuhnawm tak an entir a. Christian Children School naupang ten Mizo lam Cheraw thiam takin an entir bawk.
Independence Day vawi 71-na lawmna hi kawng hrang hranga kalpui a ni a. Volleyball Tournament te, In tlansiak (Marathon) te, Lemziak intihsiak (Painting Competition) te, Sikul leh Office fai inelnate leh Independence Day pual rally te huaihawt a ni bawk a. Marathon Race – YMA Ram atanga BDO Office thlenga tlan a inelna chu ni 14.8.2017 khan hlawhtling taka huaihawt a ni a. Hei hi YMA kutah dahin YMA chuan a huaihawt a, mipui leh thalai ten an hlut hle a.
Lawmman dawngtute chu –
1. Pakhatna Lalnunfela s/o Pu C.Lalthangmawia - Rs 2000.00
2. Pahnihna Lalnunkima s/o Biaksailova (c/o C.Ramhlunmawia) - Rs 1500.00
3. Pathumna Lalnundika s/o Lalhuntiama - Rs 1000.00
Pakhatna hian YMA ram atanga BDO Office hi minute 12 chhungin a thleng hman a ni. He Marathon Race hi YMA huaihawt tir an ni a. A tlan thleng hrim hrimte hnenah hian Consolation Prize pek vek an ni. Hei bakah hian mipui pualin Diakkawn atanga BDO Office thlengin Rally neih a ni bawk.
Tin, Independence Day lawmna atan hian zirlaite pualin Lemziak inelna (Painting Competition) hun siam a ni a. He lemziak thupui hi Ramngaw, Leilung leh Tui humhalna lam hawi a ni a. Zirlai thahnem tak telin lemziak a tha hlawm hle a. Lawmman dawngtute bakah lemziak thehlut zawng zawngte hnenah hian Consolation Prize pek vek an ni bawk.
Lawmman dawngtute chu:
1. K. Malsawmkima S/o K.Vanlalnghaka
2. Lalnunzawma S/o Lalhuma Ralte
3. Lalbiakzuala s/o John Lalfakzuala
He Independence Day lawmna pual bawk hian Phullen khawchhunga Sorkar Office hrang hrang leh Zirna sikul hrang hrangte zingah Office leh Sikul Fai thlanna neih a ni a. Heng Office leh Sikul fai lawmman dawngtute hnenah hi Independence Day lawmna pui berah Certificate pek vek an ni.
Office leh Sikul Fai Lawmman dawngtute chu:
1. Pakhatna - Phullen Primary School-1 (Pi Rovi Sikul)
2. Pahnihna - PHC Phullen (Damdawi In)
3. Pathumna - Govt Middle School-II (Pu Mawitea Sikul)
Independence Day vawi 71-na pual hian Phullen Volleyball Association te nen tangkawpin Mipa leh Hmeichhe pualin Volleyball Tournament huaihawt a ni bawk a. Team engemaw zat an tel a. Mipa Team ah Ruth Lalrinkimi Memorial Team, Thanglailung chuan RD Deptt Team hnehin an Champion a, Hmeichhia ah Phullen Higher Secondary School Team chuan PT United team chu hnehin an Champion a ni.
India Independence Day vawi 71 na lawmna hi khaw chhe hnuaiah hman a ni na a, khawtlang mipui ten an hlut hle a. Kum dang zawng aiin mipui kalkhawm pawh an tam a. A lawmna hun pui ber chu tluang taka zawh a ni. Hetianga Sorkar Ni pawimawh lawmna ropui leh hlawhtling taka hman a ni hi a lawmawm tak zet.
(Khua a chhiat avangin Thlalak hi a harsa a, thlalak duh ang kan nei lo deuh a, ka hmuh remchan ang ang ka lo dah tel ve tawp. He Day lawm dan hi a hluin a țha ka ti tak zet, rem an hre ngei mai. Kan BDO leh Organizing Committee te fak an phu ngei mai. Sikul naupang ho painting hi a mawi khawp mai - Buata )
Kumin 2017 India Independence Day vawi 71-na chu kawng hrang hrangin lawm a ni a. Vawiin 15th August, 2017 Tuesday tuk 7:30 AM khan a lawmna pui ber chu BDO Complex Phullen ah hman a ni.
He Independence Day lawmnaah hian Chief Guest Pi B.Malsawmtluangi MCS, BDO Phullen chuan India hnam puanzar pawt pharhin Independence Day Parade contingent te chibai bukin a lo chhang a. Tualchhunga Sorkar official pawimawh tak tak – Dr Zoliankimi Ngente, Medical Officer PHC Phullen te, Pi R. Laldinpuii CDPO, ICDS Phullen te leh sorkar office hrang hrang a thawktu pawimawh tak takte an tel a. Tin, khawtlang hruaitu Pu B.Lalhriatpuia VCP bakah Village Council members te leh tualchhung NGO leh pawl hrang hrang hruaitute leh khawtlang mipui thahnem tak an tel a ni.
He huna Chief Guest Pi B.Malsawmtluangi BDO chuan thu sawi nghalin. Kum 2016 Independence Day atanga tun 2017 thlenga kan khawtlang leh block in hma a sawn dan hrang hrangte. Sorkar Porgramme leh Scheme hrang hrang - MGNREGS, ICDS, NERLP leh VC etc hnuaia hmalakna hrang hrangte, pawisa hman dan leh hmasawnna kalpui a nih dan hrang hrangte a tarlang a ni.
Independence Day 2017 Parade hmuhnawm tak hi Pu Lalhruaikima Tochhong, PES chuan a kaihruai (Command) a. Anganwadi naupang ten Ram leh Hnam hmangaihna lam Thuchham thiam taka sawi rualin hun an hmang a. Presbyterian English School Scout & Guides naupang ten Independence Day lawmna pualin tunlai lam hmuhnawm tak an entir a. Christian Children School naupang ten Mizo lam Cheraw thiam takin an entir bawk.
Independence Day vawi 71-na lawmna hi kawng hrang hranga kalpui a ni a. Volleyball Tournament te, In tlansiak (Marathon) te, Lemziak intihsiak (Painting Competition) te, Sikul leh Office fai inelnate leh Independence Day pual rally te huaihawt a ni bawk a. Marathon Race – YMA Ram atanga BDO Office thlenga tlan a inelna chu ni 14.8.2017 khan hlawhtling taka huaihawt a ni a. Hei hi YMA kutah dahin YMA chuan a huaihawt a, mipui leh thalai ten an hlut hle a.
Lawmman dawngtute chu –
1. Pakhatna Lalnunfela s/o Pu C.Lalthangmawia - Rs 2000.00
2. Pahnihna Lalnunkima s/o Biaksailova (c/o C.Ramhlunmawia) - Rs 1500.00
3. Pathumna Lalnundika s/o Lalhuntiama - Rs 1000.00
Pakhatna hian YMA ram atanga BDO Office hi minute 12 chhungin a thleng hman a ni. He Marathon Race hi YMA huaihawt tir an ni a. A tlan thleng hrim hrimte hnenah hian Consolation Prize pek vek an ni. Hei bakah hian mipui pualin Diakkawn atanga BDO Office thlengin Rally neih a ni bawk.
Tin, Independence Day lawmna atan hian zirlaite pualin Lemziak inelna (Painting Competition) hun siam a ni a. He lemziak thupui hi Ramngaw, Leilung leh Tui humhalna lam hawi a ni a. Zirlai thahnem tak telin lemziak a tha hlawm hle a. Lawmman dawngtute bakah lemziak thehlut zawng zawngte hnenah hian Consolation Prize pek vek an ni bawk.
Lawmman dawngtute chu:
1. K. Malsawmkima S/o K.Vanlalnghaka
2. Lalnunzawma S/o Lalhuma Ralte
3. Lalbiakzuala s/o John Lalfakzuala
He Independence Day lawmna pual bawk hian Phullen khawchhunga Sorkar Office hrang hrang leh Zirna sikul hrang hrangte zingah Office leh Sikul Fai thlanna neih a ni a. Heng Office leh Sikul fai lawmman dawngtute hnenah hi Independence Day lawmna pui berah Certificate pek vek an ni.
Office leh Sikul Fai Lawmman dawngtute chu:
1. Pakhatna - Phullen Primary School-1 (Pi Rovi Sikul)
2. Pahnihna - PHC Phullen (Damdawi In)
3. Pathumna - Govt Middle School-II (Pu Mawitea Sikul)
Independence Day vawi 71-na pual hian Phullen Volleyball Association te nen tangkawpin Mipa leh Hmeichhe pualin Volleyball Tournament huaihawt a ni bawk a. Team engemaw zat an tel a. Mipa Team ah Ruth Lalrinkimi Memorial Team, Thanglailung chuan RD Deptt Team hnehin an Champion a, Hmeichhia ah Phullen Higher Secondary School Team chuan PT United team chu hnehin an Champion a ni.
India Independence Day vawi 71 na lawmna hi khaw chhe hnuaiah hman a ni na a, khawtlang mipui ten an hlut hle a. Kum dang zawng aiin mipui kalkhawm pawh an tam a. A lawmna hun pui ber chu tluang taka zawh a ni. Hetianga Sorkar Ni pawimawh lawmna ropui leh hlawhtling taka hman a ni hi a lawmawm tak zet.
(Khua a chhiat avangin Thlalak hi a harsa a, thlalak duh ang kan nei lo deuh a, ka hmuh remchan ang ang ka lo dah tel ve tawp. He Day lawm dan hi a hluin a țha ka ti tak zet, rem an hre ngei mai. Kan BDO leh Organizing Committee te fak an phu ngei mai. Sikul naupang ho painting hi a mawi khawp mai - Buata )
Comments
Post a Comment