NI 13.10.2016 HIAN MRB PHULLEN BRANCH CHU MIPUITE DAWR THEIHIN HAWN A NI DAWN TA
Kan khawtlang hruaitute leh Sorkar leh Bank lam hotute hmalakna azarah naktuk Ni 13.10.2016 Thursday hian kan khuain a kan mamawh leh nghahhlelh em em MRB Phullen Branch chu mipuite dawr theih turin hawn a ni dawn ta. Kan va lawm tak em.! Hetia mipuite tana a taka dawr theih tura Bank hawn a ni tur hi a lawm awm hle. He Bank hawn a nih theihnana tha thawhtu zawng zawngte an fakawm tak zet.
Kan hriat theuh tawh angin kan khuaah State Bank of India rei tak a awm hnuah, an hlawk zawkna turin Saitual lamah min insawn san takah chuan Phullen chuan Bank nei lovin kum engemaw zat kan awm ta a nih kha.
Ram a thang zel a, mipui ten Bank hlutna kan hriat belh zel bawk a. Khawtlang hruaitute - Village Council ten theih tawp an chhuah a. MLA leh thuneituten lo tawiaemin, kan khua a MRB Branch dah phalna chu Reserve Bank of India (RBI) chuan kumin kumtir khan a tichhuak ta a. Mizoram Rural Bank (MRB) lam hi an indaih tawknloh avang leh thil tihfel ngai tam tak a awm a. Chuti chung chuan MRB leh VC ten theihtawp an chhuah a. Kan khua Phullenah Bank chu a taka hawn turin 2016 August khan peihfel a ni ta a ni.
Tichuan, Ni 30.9. 2016 Friday khan Official-in MRB Phullen Branch chu hawn a ni ta a. Hemi ni chhun dar 12:12 pm ah khan chu Pu Lal Thanzara, Honble Minister, Health & Family Welfare etc chuan Ribbon chep chatin, Phullenah ropui takin a hawng a nih kha. Khawtlang mipui an lawm hle.
Mizoram hmun hrang hrangah MRB hian Branch 78-lai a nei tawh a, MRB hi India rama State pum a District tin leh Sub Division tina Branch nei thei Bank awmchhun an ni a. Phullen Branch hi MRB in Branch 79-a neihna chiah a ni.
Minister zahawm tak hi chhun dar 12:00-ah Diakkawn alo thleng a, Dr H.Ngurdingliana bialtu MLA zahawm tak leh Pi B.Malsawmtluangi, BDO Phullen leh VC leh mi pawimawh ten an lo dawngsawng a. Khawtlang aiawhin MHIP-te buatsaih pangpar pek an nih hnuah PES Naupang ten lam chungin Bank thleng an kalpui a. Minister lo thlen veleh hian current a awm lo hlauh a, mahse rimawi nen lam chunga VIP hruaitu Sikul naupangte hian tha takin an chanvo hi an kalpui thei zel tho a, an fakawm tak zet.
Bank hawn zawh veleh hian Phullen Community Hall-ah Programme hman zui a ni a. Pi B. Malsawmtluangi BDO Phullen chuan he hun hi a kaihruai a. Rev. Lalngaihawma Presbyterian Kohhran Phullen Pastor Bial vawngtu chuan hunserh a hmang a, Christian Children School Phullen naupang ten tranna hla an sa a. Dr.H.Ngurdingliana, Bialtu
MLA-in report a pek bakah, MRB Bank hotuten thu thra tak tak an sawi a ni.
Kha hunah khan rampum huap zaithism lar Nl. Lalhnehzeli Sailo (Temi Sailo) chuan mipuite chu zaiin a awi a, vawi thum lai a zai a, mipui ten an lawm hle. He huna VIP lo kalte - Minister, MLA leh Bank hotute hi kan khaw VC te chuan lawmthu sawinan Vawk dar an hawn tir vek a ni. Programme hmanzawh a nih hnu hian khawtlang huapin Bank thar hawn lawmna ruai tui tak kilho nghal a ni.
Kha hun kan hmannaah khan VC ten theih tawp an chhuah a. Khawtlang tan mawngvawm ba ang maiin he Bank kan neih nan leh a hawnna programme hlawhtling taka hman a nih theih nan an phe buai char char a. Hetianga Bank kan nei leh ta leh, a taka hawn a nih theih nan hian mi pawimawh tak tak ten tha thawh bawk mahse, a bul berah chuan, thuneitu leh thiltitheitute, an thiltihtheihna hman tangkai a nih theihna tura cho phur a, chhum lo chat lo a nawr ngat ngat tu leh hmin theitu kan Village Council te thawhrim rah a ni tih hi a chiang a. Kan VC te thawhrimna hi a chhuanawm a, thangthar zel pawhin kan hriatzui reng a rinawm.
Pu Lal Thanzara Honble Minister, lokal hian thil chi hrang YMA, MHIP leh School hrang hrangte min pe a, Presbyterian English Scho leh Christian Children School te chu Rs 5000/- ve ve a pe a, Phullen Football Zone hruaituten hnenah Rs 50000/- a pe bawk.
Phullen khawtlangin kan awh leh mamawh em em, theihtawp a kan nawr hnua kan dilchhuah, Mizoram Rural Bank (MRB), Phullen Branch a taka mipuite dawr theih tura hawn a nih dawn takah chuan, khawtlang mipui ten Bank hi lo dawr ila, lo hmang tangkai ila, hmasawnpui nan i hmang theuh ang u.
Kan hriat theuh tawh angin kan khuaah State Bank of India rei tak a awm hnuah, an hlawk zawkna turin Saitual lamah min insawn san takah chuan Phullen chuan Bank nei lovin kum engemaw zat kan awm ta a nih kha.
Tichuan, Ni 30.9. 2016 Friday khan Official-in MRB Phullen Branch chu hawn a ni ta a. Hemi ni chhun dar 12:12 pm ah khan chu Pu Lal Thanzara, Honble Minister, Health & Family Welfare etc chuan Ribbon chep chatin, Phullenah ropui takin a hawng a nih kha. Khawtlang mipui an lawm hle.
Mizoram hmun hrang hrangah MRB hian Branch 78-lai a nei tawh a, MRB hi India rama State pum a District tin leh Sub Division tina Branch nei thei Bank awmchhun an ni a. Phullen Branch hi MRB in Branch 79-a neihna chiah a ni.
Bank hawn zawh veleh hian Phullen Community Hall-ah Programme hman zui a ni a. Pi B. Malsawmtluangi BDO Phullen chuan he hun hi a kaihruai a. Rev. Lalngaihawma Presbyterian Kohhran Phullen Pastor Bial vawngtu chuan hunserh a hmang a, Christian Children School Phullen naupang ten tranna hla an sa a. Dr.H.Ngurdingliana, Bialtu
MLA-in report a pek bakah, MRB Bank hotuten thu thra tak tak an sawi a ni.
Kha hunah khan rampum huap zaithism lar Nl. Lalhnehzeli Sailo (Temi Sailo) chuan mipuite chu zaiin a awi a, vawi thum lai a zai a, mipui ten an lawm hle. He huna VIP lo kalte - Minister, MLA leh Bank hotute hi kan khaw VC te chuan lawmthu sawinan Vawk dar an hawn tir vek a ni. Programme hmanzawh a nih hnu hian khawtlang huapin Bank thar hawn lawmna ruai tui tak kilho nghal a ni.
Kha hun kan hmannaah khan VC ten theih tawp an chhuah a. Khawtlang tan mawngvawm ba ang maiin he Bank kan neih nan leh a hawnna programme hlawhtling taka hman a nih theih nan an phe buai char char a. Hetianga Bank kan nei leh ta leh, a taka hawn a nih theih nan hian mi pawimawh tak tak ten tha thawh bawk mahse, a bul berah chuan, thuneitu leh thiltitheitute, an thiltihtheihna hman tangkai a nih theihna tura cho phur a, chhum lo chat lo a nawr ngat ngat tu leh hmin theitu kan Village Council te thawhrim rah a ni tih hi a chiang a. Kan VC te thawhrimna hi a chhuanawm a, thangthar zel pawhin kan hriatzui reng a rinawm.
Pu Lal Thanzara Honble Minister, lokal hian thil chi hrang YMA, MHIP leh School hrang hrangte min pe a, Presbyterian English Scho leh Christian Children School te chu Rs 5000/- ve ve a pe a, Phullen Football Zone hruaituten hnenah Rs 50000/- a pe bawk.
Phullen khawtlangin kan awh leh mamawh em em, theihtawp a kan nawr hnua kan dilchhuah, Mizoram Rural Bank (MRB), Phullen Branch a taka mipuite dawr theih tura hawn a nih dawn takah chuan, khawtlang mipui ten Bank hi lo dawr ila, lo hmang tangkai ila, hmasawnpui nan i hmang theuh ang u.
Comments
Post a Comment