PWC General Assembly 2016
Phullen Welfare Committee Aizawl, General Assembly 2016 chu ropui takin DG Park, Falkland, Aizawl ah ni 16.01.2016 Saturday khan neih a ni.
He Assembly hi Pu Lalbiakdanga, Chairman, PWC chuan a kaihruai a. Rev. TC Laltlawmlova chuan hunserh a hmang a, Pathianthu chhiar leh tawngtaina a hman bakah, Pathian thu chah ropui tak a sawi a. Secretary reports ngaihnawm tak ngaihthlak a nih bakah, pawl aiawh thusawi Pu Lalrammawia, Vice Chairman hnen atangin kan ngaithla a. Phullen khaw pa Pu V.Lalfala IFS chu Chief Guest a ni a, ani hnen atang hian thusawi ngaihnawm tak ngaihthlak a ni bawk.
He Assembly hi Phullen lama kan Village Council te bakah YMA hruaitute leh VEC aiawh ten min hmanpui a. VC leh YMA hruaitute hi PWC chuan chawimawina pangpar a hlan a. VCP leh YMA President hnen atangin thusawi ngaihnawm tak leh bengvarthlak tak ngaihthlak a ni.
A hmunhma in mipui kalkhawm a dawn zawh tawk loh avangin tualzawlah Assembly hi hman a ni a. Khawchhuak tam tak an kalkhawm a. Aizawl lama khawchhuak mihlun tak tak, Welfare lo hruaitawhtute an kal thahnem hle a. Hetiang anga punkhawm tam hi Phullen Welfare chuan a la nei ngai lo.
He Assembly ah hian Zoram puma zaithiam lar DJ Lalvenhimi te bakah kan khaw chhuak zaithiam Lalruatfeli Bawihtlung te, Davida te unau te leh zai thiam dangten zaiin mipui min awi a. Kalkhawm mipuite an hlim hle.
Tlaiah Assembly palai kal zawng zawngte tan ruai buatsaih a ni a. Phullen vawksa buhchiar ngei kan ei theih nan, a siam thiam bik Pu Lalributa, Phullen chu Buhchiar siam tura chah thlak a ni a. Assembly palai kalkhawm mi zathum chuang zet te chuan Phullen Vawksa buhchiar ngatin ruai an theh ho a ni.
He PWC Assembly 2016 kan hman theihna tur hian khawchhuak mi inphal leh tlawmngai ten pawisa an thawh khawm a ni.
- Report tu
Buata Bawihtlung
He Assembly hi Pu Lalbiakdanga, Chairman, PWC chuan a kaihruai a. Rev. TC Laltlawmlova chuan hunserh a hmang a, Pathianthu chhiar leh tawngtaina a hman bakah, Pathian thu chah ropui tak a sawi a. Secretary reports ngaihnawm tak ngaihthlak a nih bakah, pawl aiawh thusawi Pu Lalrammawia, Vice Chairman hnen atangin kan ngaithla a. Phullen khaw pa Pu V.Lalfala IFS chu Chief Guest a ni a, ani hnen atang hian thusawi ngaihnawm tak ngaihthlak a ni bawk.
He Assembly hi Phullen lama kan Village Council te bakah YMA hruaitute leh VEC aiawh ten min hmanpui a. VC leh YMA hruaitute hi PWC chuan chawimawina pangpar a hlan a. VCP leh YMA President hnen atangin thusawi ngaihnawm tak leh bengvarthlak tak ngaihthlak a ni.
A hmunhma in mipui kalkhawm a dawn zawh tawk loh avangin tualzawlah Assembly hi hman a ni a. Khawchhuak tam tak an kalkhawm a. Aizawl lama khawchhuak mihlun tak tak, Welfare lo hruaitawhtute an kal thahnem hle a. Hetiang anga punkhawm tam hi Phullen Welfare chuan a la nei ngai lo.
He Assembly ah hian Zoram puma zaithiam lar DJ Lalvenhimi te bakah kan khaw chhuak zaithiam Lalruatfeli Bawihtlung te, Davida te unau te leh zai thiam dangten zaiin mipui min awi a. Kalkhawm mipuite an hlim hle.
Tlaiah Assembly palai kal zawng zawngte tan ruai buatsaih a ni a. Phullen vawksa buhchiar ngei kan ei theih nan, a siam thiam bik Pu Lalributa, Phullen chu Buhchiar siam tura chah thlak a ni a. Assembly palai kalkhawm mi zathum chuang zet te chuan Phullen Vawksa buhchiar ngatin ruai an theh ho a ni.
He PWC Assembly 2016 kan hman theihna tur hian khawchhuak mi inphal leh tlawmngai ten pawisa an thawh khawm a ni.
- Report tu
Buata Bawihtlung
Comments
Post a Comment