Phullen VC 2015-2020 te hmalakna thenkhat
Kan khawtlang hruaitu VC te hi, mawhphurhna an lak atanga an
hmalakna te chanchinbu leh Social media hrang hrang atangtein kan lo hmu ve zel
a. Tunah an hmalaknate a hlawhtlinna kan hmu chho zel a, a lawm awm hle. Chutih
rualin la hlawhtling thei lo pawh a awm nual ngei ang. khawtlang mipuiten kan
thlan chhuah VC te hmalakna langsar zual tlangpui kan hriat ang angte han
tarlang ila:
1. Mizoram Rural
Bank: Kan VC te hian mawhphurhna an lak tirh atangin theih tawpin hma an la
nghal chat a. VC an nih atanga Aizawl an kal hmasak ber tumin Application nen
MRB an dawr nghal a. VC thar kan neih tirh kha, MRB Board (Chairman leh Members
te) term tawp lai a ni ve chiah a, Board thar a thu tur Finance Secretary chu
Application nen an len chilh a. Aizawl an lo kal apiangin MRB Head Office an
dawr ziah a, tunnah a hlawhtlinna kan hmu ta a, RBI chuan kan khua Phullen a
Bank hawn phalna License chu a lo chhuah ta a ni.
Bank chung chang a hma an lak tirh hian kei ngei pawh kan VC
te hian MRB Chairman hnen a lenpuiah min sawm angin an hnung ka zui ve a.
Chairman chuan License neih a har zia leh neih phawt loh chuan Bank hawn theih
a nih loh dante a lo sawi bakah, zawhna min lo zawt nual a, kan VC ten
Application an thehluh ah chuan a chhin chhiah zel bawk a. A tawpah Chairman
chuan “kan tiam thei lo che u na a, survey kan rawn nei ang a, RBI ah License
kan lo dil sak phawt dawn che u a nia” a ti ta a, kan lawm hle. Kan khaw Nula
fel Partei Tochhong zarah mikhual lo takin MRB ah hian kan leng lut a ni. Bank
(MRB) chungchangah hian kan VC te thawh rah liau liau a ni tih hi hrechiang ve
ah ka inngai.
2. Hospital
(PHC) Road Black topping: Kan VC te hian Chief Minister bakah PWD Deptt ah E-in-C, C.E, S.E
leh SDO thlengin Hospital Road leh Godown road Black Topping ti tur hian Application an theh lut a. Theih tawpin an nawr a, an dawr
nawn fova, tunah a hlawhtlinna kan hmu tan ta a, kan khawtlang mamawh em em
Hospital (PHC) Road chu tunah Blocktop tura bultan a ni ta a, a lawmawm tak
zet. Hetih rual hian VC ten theih tawpa an nawr tel, Application ah pawh an
ziah tel Godown kawng erawh chu bultan a la ni hrih lo.
3. Lei
tlahniam Venna tur siam: Diakkawn Lei tlahniam hi a an hmalak hmasak zingah an telh nghal a,
hetiang lama chinchang hriate rawnin kan khuaah ngei Minister hian an ko kal a.
Tunah Diakkawn tawntirh lei tlahniam venna tur cheng nuaih sawmnga (Rs. 50
Lakhs) vel chu tunah kan hmu ta a, a taka thawk turin inpuahchah mek a ni.
4. Grazing
Ground Fencing: Ran tlatna hmun tur mumal zawk a siam a nih theih nan a hungna
tur chu Sorkar ah theih tawpin an dil a. AH & Vety Deptt chuan kan khaw tan
Thirlen (Barbed Wire) rolls sawm (10 rolls) min pe ta a. Mahse Thirlen hi khaw
dangin an lo lakzawh hman avangin a pawisain Rs. 27000/- min pe ta zawk a ni.
5. NREGS
Hlawh lak chungchang: Mipui inhlawhna atana Sorkar siam NREGS hlawh chu Keifang
MRB Bank a la vek tawh turin Sorkarin Order a chhuah a. Chhungtin deuh thaw
Keifanga kal ziah a ngai tur chu mipui tan phur rit a ni dawn a. VC ten thuneitute
hnenah ziakin tun hma anga la leh turin an dil a, tichuan mahni khawtual ah
ngei NREGS hlawh kan la zui thei ta a ni.
6. Leimin
Chhawmdawlna: Kan khua a Leimin avanga In thiah sakte leh Leimin in In a hnawl
chhiat tak chhungkaw pasarih te hnenah Rs. 101000 theuh pek an nih bakah,
Leimin in In a hnawlte hnenah Rangva 4 bundle theuh pek an ni bawk. He chhiat tawhna chhawmdawl kawngah hian YMA leh VC te bakah khawtlang mipui thawh hona a tha hle.
7. VC te
hmalakna, tuna la hlawhtling chiah lote pawh a awm ve nual a, chung zingah
chuan PHC Building sak that te leh Police Station te hi a langsar zualte an ni.
Hetia VC te hmalakna ka rawn tarlan na chhan hi, VC te hmai
eng zah vanga anmahni faknana rawn tarlang ka ni lo va, dik lo tak leh an tih
loh pui ti anga sawi a pawh ka tum lem lo. Kan khaw VC te thawh rim rah ni a ka
hriatte ka rawn tarlang mai a ni. Tin, kan VC te hi engang nge annih a,
khawtlang tana an thiltihte hi mipui ten kan hriat sak a, an hmalak zelna turah
kan phak ang tawk a anmahni lo tanpui a, kan lo tawiawm zel theih nan a rawn
tarlang ka ni.
Heng kan VC te hmalakna kawngah hian khawtlang mipui te leh
pawl hrang hrangte bakah, a bik takin Party lama hruaitute pawhin VC te an
thlawp tha hle niin a lang a, a lawmawm hle. Fak phu tak tak sawi lan loh pawh
an awm ngei ang. Heng an thiltih tawhahte hian fak an phu a nih chuan fak mai
ila, fak tlak lo ni a kan ngai a nih pawhin, sel mai lovin thurawn te pe thin
ila a duhawm hle. Kan thlanchhuahte an ni si a.
Tih dik loh palh a awm a nih chuan khawngaihin kan inhriattir dawn nia
- Buata Bawihtlung:
Email
buata.tkt@gmail.com
b_buata@hotmail.com
Comments
Post a Comment