LEIMIN TUAR TANPUINA PWC IN HLAN DAWN

By Buata Bawihtlung -
Kumin 2015 August thla ruah sur nasa avanga kan khawtlang a chhiat tawkte tanpuina tur, Phullen khawchhuak te hnen atanga tanpuina pawisafai Phullen Welfare Committee Aizawl in a khawn khawm chu zawhfel a ni ta.

He tanpuina pawisafai tlingkhawm hi Vawiin ni 18.09.2015 hian Phullen Welfare Committee Aizawl aiawh ten Phullen ah kalin kan khawtlang hruaitute - Village Level Disaster Management Committee, Phullen hnenah a hlan dawn.

He kan chhiat a tawh chungchangah hian kan khawtlang hruaitute - VC, YMA leh MHIP etc te bakah Sorkar leh Deptt officials ten theih tawp an chhuah tlang a, hruaitute leh mipui tanrualna a chhuanawm hle. A bik takin kan khawtlang hruaitu lian ten khawtlangah mai ni lo, Aizawl lamah Sorkar leh Dept lam hotute theihtawp chhuah a dawrin, a tul ang angte an buaipui zui reng a, a thlamuanthlak tak zet a ni.

Phullen Welfare Committee Aizawl pawhin kan theih ve tawk tiin Phullen khawchhuakte atangin Tanpuina thawhlawm a khawn kual a. Hmanhmawh tak leh ruahmanna mumal tak pawh siam hman a ni lo chungin, Phullen khawchhuak te rilru a inhawng hlawm em em a, hun rei lote chhunga a khawnkhawm pawisafai Rs.50000 (cheng singnga) zet chu chhiattawk tuarte tanpuina turin khawtlang hruaitute Village Level Disaster Management Committee Phullen hnenah a hlan dawn ta a ni.

He tanpuina thawhlawm khawn hi hmanhmawh taka tih anih avangin Phullen khawchhuak a renchang ang angte hnenah khawn a ni a, tanpuina thawh ve duh si, mahsw thawh ve hman ta lote bakah thawhlawm khawn pawh hre ve hman ta lo, veng hrang hranga awm pawh tam tak an awm tih kan hria a, a lakhawmtute kan indaih tawk lo hle a, in mihriatthiamna Phullen Welfare Committee Aizawl chuan a ngen nghal bawk a ni.

He tanpuina thawhlawm thawhtu zawk zawngte chungah Phullen Welfare Committee Aizawl chu a lawm tak zet a. Pathianin a let tam taka malsawmna a vur let theih nan che u duhsakna kan hlan a che u.

PS: Tanpuina thawhlawm thawhtute hming list hi vawnthat a ni a, remchan dan a zirin kan la pholang dawn nia. Buata

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more