RUAH SUR NASA VANGA PHULLEN CHHIATNA REPORT

Phullen khaw awmtirh ata khuarel chhiatna nasa ber tia sawi theih tur chu Ni 25.08.2015 khan Phullen khawchhung hmun hrang hrangah a thleng a. Hei hi ni 24^th – 25^th August, 2015 chhunga nasa taka ruah a sur vanga thleng a ni ber. He ruahsur nasa avang hian Leimin leh lei tawlh hmun tam takah a awm a. Phullen khawchhung kawngpui pawimawh tak tak, leimin in a danchahte, lei khi chat avanga kaltlang theih lohte a awm nual a, veng engemaw zat chu Motor a tlawh pawh theih lohin a awm a. Chenna In leh bungrua mai bakah Lo lamah pawh nasa takin chhiatna a thleng bawk.

Phullen Map - Bird's eye view - Chhiatna thlenna hmun tihlanna

Phullen Leimin @ Vanglaini chanchinbu phek hma ah

Ni 25.8.2015 a Phullen leimin hian In pathum a hnawl a, In thenkhat chu a chhiat zui zel hma a thiah nghal a ni a, Leimin avanga hlauhthawnawm avang hian chhungkaw engemaw zat chu hmun him lamah an inthiar chhuak  a. Khawchhung kawngpui pawimawh lai khi chat a tlahniamte leh leiminin a hnawhphui  avangin motor hmanga inkalpawh thei lohna tam tak a awm a, khawtlang mipui an buai hle.

He rauhsur nasa tak mai hi ni 24.8.2015 atang khan a intan a, a tuk ni 25.08.2015 thlengin nasa takin a sur a. He ruah sur nasa avaga Phullen a chhiatna thleng langsar zual deuh deuhte chu –

1.       PHULLEN VENGTHAR LEIMIN:  Phullen vengthar a Upa R. Lalnunmawia In atanga Tv.Lalthangzika te inkar, Pu V.Sawma, Pu Lalduhawma te kawmthlang ah Ni 25.08.2015, 7:30 pm vel khan nasa takin lei a min a. He leimin hian Phullen vengthar atanga Tawmkuk ruam panna kawngpui kam a awm, chenna In pathum a hnawl vek a. Leimin vang hian In luah ngam tawh loh chenna In pakhat thiah a ni a,  venthawn thilah chhungkaw pali (4) te bungrua zawng zawng chu thiar chhuah vek a ni bawk.

Phullen Vengthar a In 3 hnawltu Leimin - ral  atangin

        Helai hmunah hian ahma zanin, lei tlem a tla hamsa a, Leiminin In a hnawl lai hian tumah Inah an awm lo hlauh a ni. He lai ruamah hian hmun thum vel lei a min a, a minna chhak awm Tv. Lalthangzika te In ban a la hek teuh hle a, Pu V.Sawma te In pawh a dinhmun a hlauhawm avangin thiah a ni. Helai dinhmun hi a hlauhawm avangin a chhaka awm chhungkaw thenkhat chuan an In an luah ngam lova, an riak chhuak a ni.

Phullen vengthar a Leiminin In a hnawlna hmuna hnatlang

Phullen vengthar a Leiminin In a hnawlchhiat

Vengthar Leimin - In a hnawlchhiat

Leiminin In a hnawlna hmuna hnatlang

2.       DIAKKAWN LEIMIN LEH LEITLAHNIAM: Diakkawn huam chhungah hian Leimin leh Leitlahniam a awm nual a, a langsar zualte chu-

a.       Phullen to Saitual PWD Main road, Diakkawn tawrn tirh kawng thlang, Phullen Kohhran Biak In kawmthlang a mi hi nasa takin a tlahniam a. Helai hmun hi tun hma pawha lo che tawh thin a ni a. Tun tumah hian 120 meters vel zeta thuiin a tlahniam leh a. He lei tlakhniamna hi a thuk lai berah chuan 3.5 feet vel zet a ni. Ni 24.08.2015 khan 2 feet vela thuk in a tlahniam a, Ni 26.08.2015 ah erawh kha chuan 3.5 feet vel laia thukin a tlahniam tawh a ni.

Diakkawn tawntirh Leitlahniam

Diakkawn luh dawn Leitlahniam - A khik chahna lai

Diakkawn tawntirh - Leitlahniam

b.      Diakkawn tawntirh leitlahniam chung zawn, meter 50 vel maiah hian Presbyterian Phullen Kohhran Biak In hrulah khawchhung kawngpui pawimawh tak pakhat, vengchhak lam– Farkawn veng, Arfarm veng, PHC Complex etc, panna kawngpui a awm a, chu pawh chu thuk  takin a tlahniam bawk a, Motor pawh a kaltlang thei lo. Hei hi Diakkawn tawntirh lei tlahniam vanga awm a ni. Leitlahniam hrul chiaha Biak In sak mek chu a che tel lo niin a lang a, lei chhunglam erawh hriat a ni lo.

Phullen Kohhran Biak In hrul, vengchhak lam kawngpui tlahniam

c.       Diakkawn chhim lam hmawr, Phullen atanga Phuaibuang, Suangpuilawn etc panna PWD kawngpui, Pu B Rengluta(L) In bul kawr kam, kawngthlang deuh hlek chu a che nasa hle. Pu B.Rengluta In leh Pi Neihzuali In inkar ah 150 meter vel chu Kawrpui atanga in tan in a tla hniam a, a hnuailam ah min a awm nual a. Helai hi tuihawk luankawr a nih avangin a min zui zel a hlauhawm hle. He lei tlahniam in a huam phak loh chiah ah hian Phullen Games & Sport Association (GSA) Building (Office) sak thar chu a awm a, a thlang lam a min tawh avangin, a dinhmun a hlauhawm hle.

d.      Diakkawn tawrntirh PWD Main road leitlahniam leh Diakkawn chhim lam hmawr Pu B. Rengluta (L) kawmthlang leimin inkar, Diakkawn chhuah lam pang perah hian leimin leh lei che a awm zeuh zeuh bawk a. Diakkawn chuanhnuai Bethel venga Pu B. Lalthlengkima te kawmthlang zawnah hian hmun hnih velah lei a min a. Pi Thangmawii, Pi Thianghlimi leh Tv. Maenga te kawmthlangah hian lei min leh lei che a awm bawk. Helai leimin hian Tv. Maenga te In hi a hnaih hle  nghe nghe.

e.      Diakkawn pang Tawmkuk ruam lam Pu Lalributa, Pu J.Ngurchhawna leh Pu Zothangthuama te kawmthlangah hian leimin a awm bawk. He lai lei hi a min ngai lo hle a, mahse tun August ruahsur nasa avang khan a min a, a chung zawna awmte pawh fimkhur thilah bungruate an thiar chhuak hial a ni.

3.       QUARY  VENG(HERMON VENG) LEIMIN: Hermon/Quary vengah hian hmun engemaw zatah leimin a awm a, a langsar zualte chu - 

a.       Ni 24.08.2015 khan Pu Lalhmuchhuaka kawm chhak lam Supply Deptt Godown sakna zawn ah lei a min a, hei hian a thlanga Phuaibuang, Suangpuilawn panna PWD kawngpui an, Pu Rosanga Pum hmun hlui bul lawka awm Pu Lalhmuchhuaka te Batch room bang a delh chhia a, PWD kawngpui a hnawh ping nghal bawk.

quary veng panna kawngpui GSA Office building Leiminin a chilh

quary veng panna kawngpui GSA Office building Leiminin a chilh

b.       Pu Lalhmuchhuaka In leh Pu V.Lala In inkar chu kawng chhak lam lei a min a, chu chuan Phuaibuang panna PWD kawng a hnawhphui vek a. Pu Lalhmuchhuaka In leh Pu V.Lala In inkara awm Pu Rama (Dozar Rama tia hriat thin) te inluah Pi Lalchhungi (VLR) te awmna chu a sir leh lam leh lam atanga tlawh pawh theih lohin, lei tla hian a hnawh phui vek a, kawng hai kuak chawpin helaia awmte hi an thiar chhuak nghal a ni.

c.       Pu Lalhmuchhuaka, Phuaibuang road kawng an a awm te kawmthlang lam pawh hi lei min leh lei che a awm a. Kawngpui bul thlenga lei khi a awm avangin a min zui zel a hlauhthawn awm hle a, chuvang chuan vantlangin Pu Lalhmuchhuaka te In hi an thiah sak a ni.

d.      Pi Neihzuali (W/o Pu Rammawia Late) te kawmthlang hi zau takin a tawlh a, a min bawk a. Helai hi a dinhmun a him lo hle a, ni 26.08.2015 khan Pi Neihzuali In hi  vantlangin an thiah sak nghal a ni.

4.       BDO COMPLEX LEIMIN:  BDO tlang pang ah hian leimin a awm ve zeuh zeuh a, chungte chu-

a.       BDO tlang chhuahlam pang, Pu C.Pachhunga (Upa) te huan a min a, chu chuan an kawmtlang Hermon/Quary veng a kawngpui pawimawh tak Kudam panna kawng chu a hnawh phui vek a ni.

b.      Phullen vengthar Kohhran zunin bul lei a min bawk a. Hei hian a thlanga PWD Road, Phullen atanga Phuaibuang, Suangpuilawn panna, Hermon/quary veng kawngpui a hnawh a. Leimin zawn chiah a awm Phullen Games & Sport Association Office, building sak thar chu, a bang a delh chhe nual a ni.

c.       BDO tlang pang tlak lam chuanhnuai, Pu R.Lalnunmawia kawmtlang atanga Sub-Centre panna kawngpui Pu Johanate in thlen hma kawng chhaklam lei a min a. He leimin hian Sub-Centre leh Kudam kawngpui hi a hnawh phui vek a ni.

5.       PHULLEN VENGLAI LEIMIN: Phullen venglai huamchhung Pi Biaksailovi in bul thlang lam, Pu Ropianga inhmun hlui bul lawk chu a min a. He leimin hian Diakkawn atanga  Vengthar lam pan thlakna kawngpui pawimawh tak Pi Laluntluangi In zawn chu motor kaltlang theih lohin a hnawh phui vek a, mihring tan erawh kal tlang theih hram hram a ni. He leimin chhak lama awm tan hian a him tawk loh avangin Pi Biaksailovi chhung hi hmun him lamah an riak chhuak a ni.

6.       FARKAWN VENG LEIMIN: Farkawn veng chuanhnuai, Phullen to Saitual road kawngthlang leh kawngchhak lamah hian leimin a awm nual a.

Pi Neihzuali kawmthlang, quary veng

a.       Pu R. Lalthanzama In zawnah te, Pu V. Zoramchhana In zawnah te leh Pu Lalhnehzauva te inzawn kawmthlang lamah lei min a awm. He chhiatna thlen lai hian a zawna awmte chu an riak chhuak a ni.

b.      Saitual Road leh Farkawn kawng kalpawhna Step, Pu Ropianga In hrul maiah lei a min a. He leimin hian Pu Ropianga ban a la hek teuh hle a, a thlanga PWM Main road a hnawh nual.

7.       MAUTUI VENG LEIMIN: Mutui veng huam chhungah hian leimin a awm zeuh zeuh a, mahse hmun danga leimin angem em chuan chhiatna a thlen lem lo. Mautui vengah hian mak tak maiin tui put nasa tak a awm nual bawk.

a.       Phulleh to Saitual Road PWD kawngpui ana awm Pu T. Lallawmkima In bul kawng chhak lamah te, Pu Laltharzela (Upa) In bul zawnah te, Pu Mansanga In bul ah te kawngchhaklam chu  a min bawk.

b.      Mautui veng chuanhnuai a Pu Tlangliankhuma (Pi Chhingi) In hlen hma kawr bul kawng thlanglam chu a min hek.  Tin, Pu Lalhma-a S/o Danial-a te in bul chu a min hek bawk.

c.       Phullen Field No.2 tia hriat lar Mautui venga chuanhnuai lama awm Field hmun tura tih, siam mek chu,  chhim lam Goal ban bul atangin a min hek.

d.      Pi Ramnghaki in bul ah te, Pu Zahminga In bulahte, Pu Mansanga in chhakah te nasa takin Tuitai a put a, ruah sur tawh loh hnu thlengin chhemthei tiat tiatin leikua atangin a rawn khawh chhuak a, Mautui veng nuhovin insuk nan an hmang hlawm.

8.       NEW KHANDAIH LEIMIN:  New Khandaih huam chhungah hian Leimin leh lei khi a awm nual a, chenna In thiah ngai pahnih (2) a awm bakah, dinhmun hlauhawm avanga bungrua zawng zawng thiar chhuah sak chhungkaw pahnih an awm bawk-

a.       Pu D. Thangpuia, New Khandaih, Aizawl raod kawng kam a awm chu, an kawmthlang a min. An in hi luah zui ngam a ni hrih lo.

b.      New Khandaih Aizawl road kawngpui kama Pu Zoramnuara te inrel huamin Pu Ropara in thlengin kawngui black top hrul ah a khi kual a, a dinhmun a him tawk lo hle.

c.       New Khandaih atanga PHC panna kawngpui, Thlanmual thlen dawn ah leimin a awm a, hei hian PHC panna kawng a hnawh ping a. He laimin hi a thlang Saitual Road PWD kawngpui ah a tawlh thla a, la min leh mai theiin nasa takin a khi bawk a. A thlang kawngpui kama awm Pu Lalrinkima te, Pu Lalbiakzama te tan hian a hlauhawm hle.

d.      Saitual Road kawngpui kama awm Pu Thangruaia te thenawm Pu Mankima  kawmthlang ah leimin a awm a. Pu Mankima In ban hi a la hek deuh a, a In hi a chhiat zel a hlauhthawnawm avangin vantlangin an thiah sak nghal a ni.

9.       LEIMININ CHENNAIN A HNAWL TAK NEITUTE: Phullen leimin in a hnawlte hi Phullen Vengthar lam a mi te an ni a, chungte chu-

a.        Pu Vanlalruata                 S/o Lalduhawma

b.      Pu Lalramhluna                S/o Lalduhawma

c.       Pi Thangzahniangi          

10.   LEIMIN LEH LEI KHI VANGA CHENNA IN THIAHSAK TE: Leimin leh Lei khi avangin chenna In tam tak a him lo a, In thenkhat hlauhawm zualte pali te chu  vantlangin a thiahsak nghal a. Leiminin leh lei tlahniam vanga  chenna In him lo, vantlangin a thiah tâk neitute-

a.       Pu Lalhmuchhuaka          S/o Lalchuailova

b.      Pi Neihzuali                         W/o Rammawia

c.       Pu Mankima                       B/o Mantawna

d.      Pu V.Sawma                       H/o Hmunthianghlimi

e.      Pu B.Zohmangaiha

11.   CHHIAT TAWKTE TANA CHENNA TUR RUAHMANNA: He Phullen chhiatnaah hian, leiminin a hnawl In pathum te bakah, a him loh avangin In 5 thiah a ni a. Phullen khawtlang chu a buai hle a, khawtlang hruaitu Village Council te, YMA te, MHIP te leh mipui tlawmngai ten theih tawp chhuahin hma an la a. Chhiatna thlen lai hian chhungkaw 20 vel laite chu mahni In lumah riak thei lovin hmun him lamah an riak chhuak bawk a.

He chhiatna thlen lai a mahni in chhuahsan thenkhat chu an let leh tawh a. Chhiatna vanga mahni In luah ngam lo va chhuahsan leh leimin a hnawlte tan hetiang hian khawtlangin chenna tur ruahmanna a siam sak a ni:

i.         i. Pu K. Lalrinkima te chhung                - Pu Khanthuama Inah

ii.       ii. Pu Mankima te chhung                     - Hmunphiah Kudam, Chawlhhmun ah,

iii.      iii. Pu Lalhmuchhuaka te chhung       - BNRGSK Building,

iv.     iv. Pu Ramhluna te chhung - BNRGSK Building

v.       v. Pu V. Sawma te chhung                    - BNRGSK Building

vi.     vi. Pu Laltlanchhunga te chhung        - BNRGSK Building

vii.    vii. Pu Vanlalruata te chhung               - BCM choka ah,

viii.  viii. Pi Neihzuali te chhung    - Pu C. Biakvela In hnuai

Heng bakah hian Pu Lalduhawma te chhungte, Pi Zairemi te chhungte, Pu Lalnunmawia te chhungte, Pi Lalchhungite chhungte, Pi Liansailovi te chhungte leh Pi Malsawmi te chhung chu hmun hrnag hrangah an la riak chhuak bawk.

12.   HUAN LEH LO A CHHE NASA: Phullen chhiatna hian In lam chauh a khawih chhe lo va, ram lamah Lo, Huan, Leilet leh Sangha dil tam tak a ti chhia a, hengte hi kimchang taka la hriat theih ni lo mahse, hriat theih chinah chhungkaw sawmhnih (20) vel zet te Lo leh huan leh Sangha dil a chhe vek a ni. 

13.       PHULLEN CHAWMTU TUILAK A CHHE NASA: Phullen chhiatna hian Phullen chawmtu PHE Tuilakna chu a tichhia A. Phullen tuilakna hnar a Tuikhur te hi Sabereka khuangkaihin a hnawl chhe vek a, Pipeline a chhe nual bawk.  Heng bakah hian Phullen khua a Tuikhur tam zawk chu sabereka khuangkaihin a thuahfai vek bawk a ni.

He chhiatna avanga khawtlang huap hnatlangah hian Thanglailung tangin mitlawmngai thahnem tak Phullen ah hian an rawn hnatlang a, Luawngpawn lam pawhin VC te rawn bepawpin Hnatlang leh thil tulah an inhuam thu an rawn sawi bawk. He thu post dawna kan hriat danin Luangpawn khawtlang chuan Thingzai thawh khawmin Phullen a chhiat tawk te tan khawtlang kutah an rawn hlan dawn a ni awm e. Chhiat tawh karah lawmthu sawina tur tam tak a awm a ni.

He chhiatna hi Phullen tan chuan a nasa hle a, Pathian venna azarah chhiatna dang a thlen tawh loh kan beisei a, chumi tur chuan khawtlang mipui leh sorkar ten theihtawp an chhuah mek a ni. Mi inphal leh pawl tam takin mipui hnatlang tanpuina pawisa leh bungrua, mamawh hrnag hrang te vantlang kutah an pe hlawm.

(Report hi VCP leh YMA President ten min chhiar sak a, hemi zulzui hian DC ah pawh thehluh a ni. Hmaih palh leh dik tawk lo a awm palh chuan, khawngaihin post tu hi hriattir ni se - Buata Bawihtlung)

 -          Lalbuatsaiha,  Mob: 9862035204

**********************