PHULLEN AH KHUAREL CHHIATNA NASA TAK A THLENG

        Kan hriat ve phak chinah Phullen a khuarel chhiatna nasa ber tia sawi theih hial tur chu Ni 25.08.2015 khan Phullen hmun hrang hrangah a thleng a. Hei hi nasa taka ruah sur vanga thleng a ni ber a. Leimin leh lei tawlh hmun tam takah a awm a, kawngpui khi chat a awm nual a, veng hrang hrangte Motor a intlawh pawh theih lohin a awm nual a, thi leh hliam erawh an awm lo hlauh.

Phullen Leimin Aizawl Post ah

Phullen Leimin Vanglaini Front Page-ah

Ni 25.8.2015 a Phullen leimin hian In pathum a hnawl a, In thenkhat chu a chhiat zui zel hma a thiah nghal a ni a, Leimin avanga hlauhthawnawm avang hian chhungkaw engemaw zat chu hmun him lamah an riak chhuak bawk. Khawchhung kawngpui pawimawh lai khi chat a tlahniamte leh leiminin a hnawhphui  avangin motor hmanga inkalpawh thei lohna tam tak a awm a, khawtlang mipui an buai hle.

Rauhsur nasa tak mai hi ni 24.8.2015 atang khan a intan a tuk ni 25.08.2015 thlengin nasa takin a sur a. Hemi hun chhunga Phullen a chhiatna thleng langsar zual lai deuh deuhte chu –

1.       Phullen Vengthar Leimin:  

a.       Tv.Lalthangzika te leh Upa R. Lalnunmawia te inkar kawmthlang ah Ni 25.08.2015, 7:30 pm vel khan lei a min a. He leimin hian Phullen vengthar atanga Tawmkuk ruam panna kawngpui an a awm chenna In pathum chu a hnawl vek a ni. Leiminin in a hnawl hma hian, lei tlem a tla hamsa a, an hlauh deuh avangin hmun him lamah an chhuahsan a, chutih lai chuan Leimin hian an chenna chu a hnawl ta a ni. He lai velah hian hmun thum vel laiah leimin a awm.

Leiminin In 3 a hnawlna: Pic-A1

Leiminin In 3 a hnawlna-Ral lehlam atanga lak: Pic-A2

Phullen: Leiminin In 3 a hnawlna hmun, Pic-A3

2.       Diakkawn Leitlahniam:

a.       Diakkawn tawrn tirh Phullen atanga Aizawl panna PWD kawngpui ber, Phullen Kohhran Biak In kawmthlang a mi a ni a. Helai hi tun hma pawha lo che tawh thin a ni a. Tun tumah hian 120 meters vel zeta thuiin a tlahniam leh a. He lei tlakhniamna hi a thuk lai berah chuan 3.5 feet vel zet a ni. Ni 24.08.2015 khan 2 feet vela thuk in a tlahniam a ni 26.08.2015 erawh kha chuan 3.5 feet vel lai a thuk a ni tawh a ni.

Helai leitlahniam chung zawn, meter 50 vel maiah hian Presbyterian Phullen Kohhran Biak In a awm a, Biak In leh PWD Kawngpui leitlahniam inkara kawngpui pawimawh tak pakhat, vengchhak lam– Farkawn, Arfarm, PHC Complex panna kawngpui a awm pawh thuk takin a tlahniam tel bawk a, Motor kaltlang theih lohin a awm bawk a ni. Leitlahniam hrul chiaha Biak In sak mek chu a che tel lo niin a lang a, lei chhunglam erawh hriat a ni lo.

b.      Diakkawn hmawr lehlam Pu B Rengluta(L) In bul kawr kam, kawngthlang deuh hlek chu a che nasa hle bawk. He lai hi tun hma pawhin a lo min hek tawh a.  Tun tumah hian Pu B.Rengluta In leh Pi Neihzuali In inkar ah Kawrpui atanga in tan in a tla hniam a. A thlang deuh ah chuan min a awm nual nghe nghe a, chumi avanga helaihi rawn tlahniam a ni mai thei. He lei tlahniam huamchinah hian Phullen Games & Sport Association (GSA) Building (Office) sak thar chu a awm a ni.

c.       Pu B. Lalthleng kima te kawmthlang zawnah hmun hnih velah lei a min bawk.

d.      Pi Thangmawii, Pi Thianghlimi, Tv. Maenga te kawmthlang ah hian lei tawlh che a awm bawk a. Tv. Maenga te In bul lei che hian ban a hnaih hle.

e.      Pu Lalributa, Pu J.Ngurchhawna leh Pu Zothangthuama te kawmthlang, Tawmkuk lam ruam ah lei a min bawk.

Diakkawn tawntirh: Lei tlahniam  Pic-2

Diakkawn tawntirh Leitlahniam : Pic-3

Diakkawn tawntirh: Phullen Kohhran Biak In thlang kawng - Pic-4

Diakkawn tawntirh: Pic-5

3.       Quary veng (Hermon veng) Leimin :  

a.       Phullen atanga Suangpuilawn, Phuaibuang panna kawngpui an a awm Pu Lalhmuchhuaka kawm chhak lam Supply Deptt Godown zawn hi ni 24.08.2015 khan a min a, Pu Lalhmuchhuaka te Batch room bang pawh a delh chhia. Hei hi Leimin chhiatna thlen hmasa ber nia hriat a ni.

(i)                  Pu Lalhmuchhuaka In leh Pu V.Lala In inkar chu kawng chhak lam lei tlain a hnawhphui vek a.  Pu Lalhmuchhuaka In leh Pu V.Lala In inkara awm Pi Lalchhungi (VLR) te In hi a sir leh lam leh lam atanga tlawh pawh theih loh in lei tla hian a hnawh phui vek a, mihring tan kawng hai kuak chawpin a kal tlang theih hram a ni.

(ii)                Pu Rosanga Pum hmun hlui zawn kawngchhak lam a min bawk a, helai kawngpui ana awm Pu Ngheta In rel lai mek hi a tichhe teuh hle.

(iii)               Pu Lalhmuchhuaka  leh VLR-te kawmthlang zawnah hian leimin a awm a, Pu Lalhmuchhuaka In ban bul maiah a khi bawk a, Pu Lalhmuchhuaka in hi a him tawk loh avangin vangtlangin an thiah sak a ni.

(iv)              Pu Lalchuailova leh Pu Lalduha thenawm kawngchhak lam Pu C.Pachhunga huan chu a min a, hei hian Godown panna kawng a hnawh phui vek, Godown kawng a nih avangin thenfai hmasak ngai zinga ngaih a ni.

(v)                Pi Neihzuali (Pu Rammawia Late) te kawmthlang hi zau takin a min a, a min bak hi a khi bawk a, hei vang hia Pi Neihzuali In chu a him lo hle a, vantlangin an thiah sak a ni.

(vi)              Quary veng panna chhak lam Phullen vengthar Kohhran Zunin bul chu a min a, a thlang kawngpui an a awm Phullen Games & Sport Association Office, sak thar chu a bang chhak lam a chhilh chhia a, kawng a hnawh bawk.

Quary veng panna: Kawng ko leh kawng thlang min: Pic-1

Quary veng panna kawng : Pic-2

4.       Phullen Venglai leh Pu R. Lalnunmawia In piah:

a.        Diakkawn atanga  Vengthar lam pan thlakna kawngpui, Pi Laluntluangi In zawn chu, a chhaka lam kawng ko Pi Biaksailovi in bul atanga leimin chuan motor kaltlang theih lohin a hnawh phui vek a, mihring tan erawh kal tlang theih hram hram a ni. He leimin chhak chiaklamah hian Pi Biaksailovi In a awm.  

b.      Pu R. Lalnunmawia In leh Pu Johanate In inkar, Godown panna kawng chhak lam ah leimin a awm bawk a. Hei hi nasa viau lo mahse, Godown panna kawng hi a hnawh phui vek a ni.

5.       Farkawn - Aizawl Road Leimin:

a.       Farkawn veng chuan hnuai Aizawl panna kawngpui Pu R. Lalthanzama In zawnah te, Pu V. Zoramchhana In zawnah te leh Pu Lalhnehzauva te inzawn kawmthlang lamah lei min a awm.

b.      Pu Ropianga in bul, step hrul, Aizawl Road kawngpui chhak chu a hek bawk a, hei hian Pu Ropianga ban bul a la hek teuh hle.

6.       Mutui veng Leimin leh Tuitai put:

a.       Pu T. Lallawmkima In, Aizawl road kawngpui chhak lam a min.

b.      Pu Tlangliankhuma (Pi Chhingi) te In bul, an in thlen hma kawr bul kawng thlanglam chu a min hek.

c.       Pu Lalhma-a S/o Danial-a te in bul, AIzawl road kawngthlang lama awm te inbul chu a min hek bawk.

d.      Phullen Field No.2 tia hriat lar Mautui venga mi chu chhim lam Goal ban bul hnai mai chu a min hek nual.

e.      Pu Laltharzela te kawmchhak, Agriculture ram hnuai, Aizawl kawngpui kawng ko chu a min hek.

f.        Pu Mansanga kawm chhak Aizawl road kawngko chu a min hek bawk. Helaiah hian Tuitai a put nasa hle a, chhemthei tiat tiatin leikua atangin a rawn khawh chhuak thei a, a hnuah a tlem ve tial tial.

g.       Pi Ramnghaki in bulah nasa takin tuitai a put bawk.

7.       New Khandaih Leimin:  

a.       Pu D. Thangpuia, New Khandaih, Aizawl raod a awm chu, an kawmthlang a min. An in hi an luah ngam hrih lo.

b.      New Khandaih Aizawl road kawngpi Pu Zoramnuara te inrel huamin Pu Ropara in thlengin a khi kual ruih.

c.       Pu Lalbiakzama (Bza) leh Pu Engmawia te kawmchhak Aizawl Road atanga PHC panna kawngpui, Thlanmual thlen dawn ah leimin a awm a, PHC panna kawng a hnawh ping a, Tin, helaiah hian lei a khi bawk a, Pu Engmawia te hian an bungrua an thiar chhuak.

d.      Pu Thangruaia te in bul mai a awm Pu Mankima kawmthlang ah leimin a awm bawk a. Pu Mankima ban hi a la hek titih a, chuvangin a In chu thiah sak a ni.

e.      New Khandaih veng ah hian leimin hian New Khandaih atanga  Damdawi In (PHC Phullen) panna kawngpui chu a hnawh ping vek a. Pu Mankima, New Khandaih te chenna In pawh leimin avangin thiah a ni.

·        Leiminin chenna In a hnawl neitute-

a.       Pu Vanlalruata                 S/o Lalduhawma

b.      Pu Lalramhluna                S/o Lalduhawma

c.       Pi Thangzahniangi           

·        Chenna In a him loh avanga thiah tak neitute- Leiminin leh lei tlahniam vanga  chenna In him lo, thiah tâk neitute-

a.       Pu Lalhmuchhuaka               S/o Lalchuailova

b.      Pi Neihzuali                           W/o Rammawia
c.   Pu Mankima

Phullen Disaster 2015

8. Chhiattawk thenkhat tana Chenna tur ruahmanna:
He chhiatna thleng avang hian Phullen khawtlang chu a buai hle a, khawtlang hruaitu Village Council te, YMA te leh mipui tlawmngai ten theih tawp chhuahin hma an la a. Leiminin a hnawl In pathum te bakah, a him loh avangin In 4 thiah a ni a. A hunlai hian chhungkaw 20 vel laite chu mahni In lumah riak thei lovin an awm a.

He chhiatna thlen lai a mahni in chhuahsan thenkhat chu an let leh tawh a. Chhiatna vanga mahni In luah ngam lo va chhuahsan leh leimin a hnawlte tan hetiang hian khawtlangin chenna tur ruahmanna a siam sak a ni:

Pu K. Lalrinkima te chhung    - Pu Khanthuama Inah

Pu Mankima te chhung       - Hmunphiah Kudam, Chawlhhmun ah, 

Pu Lalhmuchhuaka te chhung       -  Pu Ramchhuanawma inhnuaiah, 

Pu Ramhluna te chhung   -    BNREGS house ah, 

Pu Vanlalruata te chhung    -   BCM choka ah, 

Pu Lalduhawma te chhung leh Gka te, V. Sawma te, VLR te chhung leh Pi Sailovi te chhung hmun hrang hrangah an riak chhuak a. 

9. Leimin hian Chenna In bakah Huan leh Lo a tichhe nasa:
Phullen chhiatna hian In lam chauh a khawih chhe lo va, ram lamah Lo, Huan, Leilet leh Sangha dil tam tak a ti chhia a, hengte hi kimchang taka la hriat theih ni lo mahse, hriat theih chinah a hnuaia tarlante hi Lo, Huan, Sangha dil leh Leilet chhiate chu an ni-

* Pu Lalvuana Leilet   - Puantawm lui kam
* Pu Zahruaia Leilet  - Tuidam kam
* Pu Biaksailova (Biaktea)  - Tuidam kam
* Pu Lalthakima  Sangha dil & Leilet - Tuidam (Sawnmual lui) 
* Pu Lalzawmliana (Upa)  Leilet - Tuivai kam.
(Hei hi a la kim lo hle tih hriat a ni.)

Pathian venna azarah chhiatna dang a thlen tawh loh kan beisei a, khawtlang mipui te Pathian hnenah kan intuk luh theuh a pawimawh awm e.