Thangteeka Khandaih in kan khaw Group (Facebook) a a post hi hetah hian kan suan lut ve e.
Phullen(Khandaih)
khua lehtui kan ni ngai e, Kan tana tha tur leh tangkai pawh kan hria.
MLTP Act pawh kan hria e, chutiang zelin JPC leh Phullen khawtlang dan
pawh kan nei.
MLTP Act te hi chuan senior lam thu ah chuan Kan Khawtlang Inkaihhruaina Dan hi chu "Ka U" ti tur a in upat hleih a ni a.
MLTP Act kengkawhtute hi chuan kan Khawtlang dan kengkawhtu JPC te hi
"Ka Pu" ti tur khawpa hna in thawh that hleih an ni ka ti ve ngam.
Chutiang zelin Sorkar (Congress, MNF, PC..) na vuantu apiangin kan VC ni mék leh ni tawhte pawh Zu khap lamah chuan an tluk lo.
Synod te leh Kohhran dang hruaitute pawh hian, kan khua Phullen a an
mahni Kohhran theuhte an tluk mawlh lo. Phullenah chuan Kohhranin Zu
avanga mante a phuar/Thunun ngam asin, Member tam leh pawl ram ngawt a
ngaihtuah ve lo.
Mipuite pawhin he kan khawtlang dan - Zu khap
na dan hi a tha ber chu kan ti bik lo, Zu khap hi a tha ber e titute
vek awmkhawm pawh kan ni lo. Khawtlang hruaituten Khawtlang in a zawm
ngei tur a tha nia a hriat, an lo rel tluk tawh a ni a, chuchu zah takin
kan phak tawkin kan kengkawh a, mipuite pawhin zah takin kan zawm ve
hram hram a ni.
Kan khawtlang dan thlawp chiahin MLTP Act kan
ramah a lo awm ve ta bawk nen, Dan chu Dan a ni miau si a, Zu khap hi
Dan a la ni miau a, kan khap zel hrih mai dawn a ni.
Kan
hmalam hunah MLTP Act te siam that a nih hun pawh a awm mahna, Zu khap
dan te pawh a lo danglam mahna, chung hunah chuan kan khawtlang Dan te
pawh kan that tlan zawkna tur zelin kan siam tha ve zel thei tho tih
pawh hria ila.
Engpawhnise, Khandaih-Phullen khua lehtui kan
ni a, Dan kan siam ve si chuan kan lekkawh ngam zel tur a ni. Hemi
kawngah chuan VC, JPC, NGOs leh Phullen khawtlang a Kohhran hrang
hrangte thawhhona hi a tha thlawt a, Mizoram Sorkar nen khai khin phei
chuan chhuanawm tak a ni.
Kan khua a nia, kan khawtlang thatna
Turin kan kal zel ang chu, pawnlam mi "In Khua" "Phullen khaw ho", ti
thin tuten sawisel mahse, kan thiltih leh kan thatna tur chu keimahnin
kan hre ber zawk.
(Source: Facebook Post by Thangteeka Khandaih @ Phullen Group (http://www.facebook.com/groups/phullen/ )
Comments
Post a Comment