PHULLEN KHAWPA PU THAVAPA CHANCHIN

Pu Ṭhavapa Vuina huna telve hmanlote tan, pu THAVAPA CHANCHIN TLANGPUI (Atu leh fate buatsaih) - Source : Maruata Pautu @ https://www.facebook.com/groups/phullen/photos/

        Pu Ṭhavapa hi Pachuau Lianthung hnam a ni a, apa chu Dolala niin a nu chu Darringaii (Pi Ngaii) a ni. Laltaia’n Darhmingliana a hringa, Darhmingliana’n Dolala a hring a, Dolala’n Ṭhavapa leh a unaute. Laltaia hi thlahtu kan hriat theih chin a ni. 

Pu Thavapa ( Thlalak hi hmanhmawh deuha edit a nia, nakinah siam that leh ni mai se..)

        Dolala hian Fa sawmpahnih (12) lai a nei a, kan hriat theih chinah an unau indawt dan hetiang a ni :-
1. Darmawii (L)
2. Thangawna (L) f/o Upa Ṭhasawta
3. Ṭhaengi
4. Ṭhavapa
5. Engzuali (L)
6. Ṭhabuangi (L)
7. Ṭhakhuma (L)

        Pu Ṭhavapa hian kum 1944-ah Pi Thanliani (L) chu nupuiah a nei a, kum 2004 khan an inneih Dimond Jubillee lawm a ni. Anmahni sawi dan chuan zan khat chhuak pian hun pawh inang niin an sawi a, nupa kawp chawi \ha tak leh inrem \ha tak an ni a, an fate indawt dan hetiang a ni :-

1. Liansangi w/o Ṭhaliana (L) - Dawrpui Vengthar
2. Lalrinthari w/o R. Lalnunmawia - Phullen
3. Biaknghinglovi w/o Lalrinawma Zote - Bawngkawn
4. Ramnghahmawii w/o JR Chhhuana - Keifang
5. Lalṭhahmuaki w/o H. Lalrintluanga - Kolasib
6. Lalduailova h/o Lalrampari - Phullen
7. PC. Lawmkima h/o Lalthangkimi - Phullen

        Apa Dolala upa tawh tak a nih in Sailo lal Awksarala’n “ Ipa atar tawh si a, ipa aia rorel tur inih avangin lal rorelnaah i tel tawh tur a ni” a ti a. Chuvang chuan lal upa ni chiah lo mahse lal rorelnaah kum thum (3) zet a tel hmana, tin, Serzawl lal Lalsakeia pawh lal khawnbawl anga tirhin lal aiawhin a dawr hman.
hengte avang hian “Awksarala fate phei chuan lal khawnbawl damchhun a ni e” tiin lalnu Lalhliapi thih pawhin avuina hun hmang turin, Phullen a\angin Aizawlah an hruai vang vang a ni.

        Lal rorelna atawp hnuah Mizoram buai anih khan thlantlin pawh nilovin, khawtlang aiawhin VC-ah a \anga, hei vang hian sipai kut pawh a tuar a ni. Kum 1982 - 1984 VC -ah thlan a niin theihtawp chhuahin khawtlang rawng abawl ve a, hun rei tak khawtlang rawngbawlin thir a deng bawk.

        Phullen Vengthar kohhranah a phak ang tawka rawngbawlin Building Committee - Treasurer-ah a\anga, a \hatlai chuan Biak In sak leh Kohhran hnatlang ngaipawimawh mi a ni.

        Sa kap leh awk thei tak a ni a, sa zathum (300) chuang lai awkin a kapa, a kah aiin a awh atam.
Inkhawm ngaina tak mai a ni a, Pathian thusawi leh \awngtai erawh a \hat lai hunin a ti ngai lo. Kum 2007-ah a fanu Lal\hahmuaki te tlawhin Kolasib-ah a kala chumi \um chuan motor a ruih \hin avangin a hreh hle a, Pathian hnenah motor ruihloh a dil a, driver-in motor a tih nun chiah a\angin motor ri chuan ‘Isu ka hmangaih che, ka ta i ni e’ tih hla hi sa in a hre tlat a, kawngtluannin chu hla chu a sa ta mai a, motor rui miah lovin chu hla chuan Pathianin alo pawl reng a ni tih a inhriatin a lawm hle a, heta \ang hian a rilrua Pathian pawlna a dawn \hinte chu a sawi ngam ve ta a, hei vang hian Kohhran hrang hrangah inkhawma a testimony sawi hi a chak em em \hin a ni.

        Pu Ṭhavapa te nupa hi tu leh fate hmangaiha duat thiam tak an ni a, an tu leh fate hian mi aia pi leh pu nei \haah kan inngai \hin a ni.

        Buatsaihtu - Atu leh fate. ( Vuina huna Mipuite hnena sem tura a chanchin a tu leh fate buatsaih a ni )