PHULLEN CHHEH VEL A HMUN MAWI THENKHAT TE

Tawkzawl-Phuaibuang ram View from Phullen Photo by B Lalrimawia ( Mawitea )

Kan ramah hian mikhual an rawn kal ve ta fo mai a. Tourist hip luh lamah kan kan North East thenawm Sikkim chu tluk lo mah ila, tan kan lak a, kan ram hruaituten ngaih tuahna an sen a, Mizo mipui ten kan ram a Thing leh Mau leh Nungcha - Khuanun inchawih tawk taka a lo dah sa (Ecological Balance) hi kan enkawl uluk a, kan vawn him emaw, kan siam that emaw chuan, tun atanga rei vak lo ah hian heng kan ram mawi tak tak te hmang hian Tourist tam tak kan hip lut thei ngei ang.

 Mawmrang tlang View from Thanglailung ram  - Photo by PB

Mi ram thlalak mawi tak tak te kan en thin, chutih laiin kan ramah ngei mai hian hmun mawi leh ramthla nalh tak tak a awm ve reng a ni tih hi kan hriat reng a tul. Kan ram luipui dunga Tiauchhum an zing cham hmur mai te hi a mawi a, chim chin awmze nei taka an mar put te hi a hmu ngai ve lo tan chuan a lo ropui ngiang a niang, hmanni September thla a Teirei lui ruam leh Tut kuam vela kan kal lai a ka vai kalpui te rengin thla la turin motor an ti ding ngun mai. A ni reng a, phai zawla seilian, tlangrama kal ngai lo an lo ni miau a. Keini he lai hmuna awm ten kan en liam mai mai kha an ni chuan an chhung te hmuh ve turin, an mahni lang tel tur kher in thla an la vel maw le.

  Lungtehret - Mawmrang tlang View from Phullen  - Photo by Buata

Kan pengkual thui ta. He hmun Tawkzawl hi Phuaibuang rama awm hmun nalh tak mai a ni a, a hmun hi a zawl durh a, kham leh ramchhia in a hual vel a, a chhip chu mual zawl te tak te te leh kawr te te a thlur sung a, hmuh a nuam hle. Kum 2010 khan kan khua vela hmun eng eng emaw kan tlawh kual a. Thla te kan la a, he hmun hi Mawitea of Pari chuan a Camera in a lo la fuh hlauh mai a. A van neih thlak hle.

  Lungtehret - Mawmrang tlang View from Phullen  - Photo by Buata & PB

Kan khua Phullen leh a chheh velah hian hmun mawi leh nalh tak tak a tam mai a. Mawmrang kham te khu Fur lai a, khamtuikhawhthla mawi zia te hi a la hmu lo chuan an suang tuah thiam lo ang. Vantawng khawthla te, A Raipuar te, leh Khampuirang a Tuikhawhthla te chu he Mawmrang khama tuikhawhthla lar zual an ni. Theih nise kan khaw hmin put chhan Phullen kawn velah hian Tower sang leh rinawm tak siam ila. Fur lai leh Thal lai te, Nipui lai te pawh a he kham mawi tak en na atan hian a van tha dawn em. Tin Tuivai Lui, lian ve tak si Khawkrawk leh kuang te tak a an luanna vel a hmun mawi tak tak te hi pho chhuah theih nise chuan khawvel ram danga Camera tha leh thlalak thiam ten an chei nalh chawp tam tak te ai hia chuan kan khua Phullen chheh vel ami ringawt pawh hi a mawi zawk chiang ngei ang.

   Lungtehret - Mawmrang tlang View from Phullen  - Photo by PB

Phullen leh a velah chauh pawh nila, kan ram Mizoram ah hian hmun nalh tak tak a tam khawp mai, tlawh chhuah zel pawh a chak awm e. Hun neih a har em mai a, remchangah kan la rawn post leh dawn nia