PHULLEN

Phullen pa lar, khawtlang hruaitu hlun, pa tlawmngai, Phullen Val upa tia sawi thin Pu Saihnuna chuan vawiin, ni 31.1.2017 Thawhlehni tuk 8:05 AM khan Astma natna vangin chatuan ram min pansan ta a. A nupui fanau, tu leh fa, chhung khat lainate tan mai ni lo, Phullen khawtlang tan channa nasa tak a ni a. Phullen khawtlang chuan a sun tak meuh meuh a ni. Vawiina kan thlah liam tak Pu Saihnuna chanchin hi, hre tlem hle mah ila, ka hriat ang ang ka rawn chhawp chhuak ve ang e. Pu Saihnuna hi Pu Ralkaikima leh Pi Bawihchhungi te fapa upa ber dawt niin kum 1933 kum tawp (‘ber thlaah) khan Phullenah a lo piang a. Kan hriat angin a u chiah chu Upa Lalrema, Phullen Kohhran Upa senior hi a ni. A nupui chu Pi Lalbuangi niin tunah Phullenah a tu leh fate tha hnem tak a kalsan a ni. Pu Saihnuna hi nu leh pa atang pawhin mi bik, vantlang hriat hlawh tak chhungkua atanga lo chhuak a ni a. Pu Saihnuna pa Upa Ralkaikima (L) hi Phullen Kohhran a Upa thlan hmasa ber kum 1913 a thlan chhu...

Ni 15.1.2017 Sunday khan, Presbyterian Phullen Kohhran Naupang Sunday School chawhnu Naupang Inkhawmah NSS Unit, Phullen Higher Secondary School huaihawtin Human Trafficking chungchang inzirtirna Sunday School naupangte pualin huaihawt a ni. He hun hi Pi Lalremliani Programme Officer, NSS Unit, PHSS chuan a kaihruaia, Pathian hnena inhlanna - hunserh chu Nl Lalrochhungin a hmang a. Pu B.Lalhriatpuia, VCP Phullen chu Resource Person niin Human Trafficking chungchang chu naupangte leh kalkhawmte hnenah hrilhfiahin a zirtir a ni. He hunah hian Sunday School naupang thahnem tak an kalkhawm bakah, Village Council members te an tel kim vek a. NSS Unit programme officers te leh NSS Volunteer thahnem tak an tel bawk a. Programme hlawhtling taka hman a ni.

Vawiin ni 29.1.2017(Sunday) chawhnu khan National Service Scheme (NSS) Unit, Phullen Higher Secondary School (PHSS), bul tumin, Phullen Vengthar Presbyterian Kohhran Hall-ah Sunday School Beginer deptt atanga Senior deptt thleng a zirlai naupangte tan HIV/AIDS AWARENESS CAMPAIGN neih a ni. Dr Mimi Zoliankimi Ngente He programme hi Miss Vanhlupuii (Lecturer) Programme Officer (P.O) NSS Unit, PHSS chuan a kaihruai a. Nl. C.Lalhruaikimi, NPSS Zirtirtu, Phullen Vengthar Kohhran chuan Bible chhiara tawngtaiin hunserh a hmang a. (I vanglai hian i Siamtu hre reng rawh. Thuh,11:9-10 tih a chhiar.) He hunah hian Sunday School zirlai naupang thahnem tak bakah, Phullen khawtlang nu leh pa Village Council member zawng zawngte an tel kim vek a. Tin, PHSS, NSS Unit Volunteer te an tel tha hle bawk a ni. He awareness campaign-ah hian Dr. Mimi Zoliankimi Ngente MO, PHC Phullen chu Resource Person a ni a. HIV/AIDS chungchangah naupang zawk te pawhin awlsam taka an hriatt...

He thlalak hlu tak hi September 20, 1978 a Khandaih - Kulhkawn, Phullen a lak a ni a. Hon'ble Minister Pu F.Malsawma chu Phullen ah a lo zin a, khawtlang mipui ten ropui takin an lo hmuak a. Khawtlang mipui pungkhawmin, lam hmuhnawm tak tak an lo entir a ni. He Thlalak na hmun hi tunah chuan khaw hmun hlui a nih tawh avangin, In pakhat mah a ding tawh lo va. A hun laia piang ve hman lo tan chuan suangtuah thiam a har viau ang a, he thlalak zarah hian a hunlai hmu ve lote pawhin kan mitthla thiam phah a ni.  Chu mai a ni lo, a hunlaia telte, helai hmunhma hrechiangtute, seilenna atana lo hmang a, helai hmuna vanglai hun lo hmang liam tawhte lung a ti leng a, hun liam tawh hnu chhui kir tirin, Kulhkawn vanglai a thlirkir tir fo thin tih hai rual a ni lo. He thlalak hi kawng hrang hrangin a hlu hle mai a. Thlala thiam tak kutchhuak a ni tih a hriat theih a. A latu hawi zawng, eng a hmuh dante bakah, a fiah fai tha em em mai bawk a, chu chuan he thlalak hi a ti hlu ...

Republic Day at Phullen VAWIIN 26.01.2017 HIAN INDIA REPUBLIC DAY CHAMPHA VAWI 67-NA PHULLEN AH ROPUI TAKA LAWM A NI. India Republic Day 2017 lana hi BDO Complex Phullenah tukin dar 8:00 AM khan urhsun tak leh ropui taka lawm a ni a. He hunah hian Pi B.Malsawmtluangi (MCS) BDO, Phullen chuan India Hnam Puanzar a pawt pharh a, India Republic Day 2017 pual thuchah a sawi a. Hnam puanzar pawh pharh rual hian zirlai kalkhawm ten India hnam hla (National Anthem) an lo sa rual a ni. Republic Day at Phullen He hunah hian Phullen a zirna Sikul hrang hranga zirlai naupang ten Republic Day Parade neiin India Hnam Puanzar chu zahna an lan tir a. Pu KK Hauhnar chuan Republic Day Parade hi a kaihruai a. Pi C Lalremliani chuan hun hman dan tur puangin a kaihruai a. Republic Day 2017 lawmnan Presbyterian English School naupang ten Cheraw hmuhnawm tak an entir a, Christian Children School naupang ten Sarlamkai hmuhnawm tak an entir bawk. He Republic Day 2017 lawmna...

INNEIHNA LEHKHA A chhunga thu, a ziak dan anga dah chhuah - Ralkapliana leh Engzuali In neih na thu                                In neih ni in Man pui leh                                 sum nawi atlaka                                Thuam a neih chuan                                 cheng 40 a la awma, thuam a neih                                 loh chuan cheng 20, thut phah                                 chauh a awm ani.         ...

https://www.mediafire.com/download/nzjz7r5b9itlstc