PHULLEN KUM 2027 LO TUR THLANNA

 

KUM 2026 PHULLEEN RAM THEH BOARD

KUM 2027 LO TUR THLANNA

 

§  A hmun         :        Phullen Community Hall

§  A hun             :        13.10.2026 (Thawhlehni chhun),  10:25 AM

§  Hruaitu          :        Pu B. Lalhriatpuia, Chairman, Ram Theh Board & VCP Phullen

 

Lo thlan inkhawm hi October ni 13, 2026 chhunah Community Hall chhungah hman a ni a, Ram Theh Board Chairman leh VCP Pu B.Lalhriatpuia’an inkhawm a kaihruai a.

Inkhawm tan hma hian Ram theh huam chhunga Fing awm te White board-ah fiah taka tarlan a ni a. Fing hming hi helai ram neih hmasaka Lo atana neitute hming angin tarlan a ni a. Hmun thenkhat, helai ram neih hnuhnung bera neih loh lai ram awm te chu, a hma leh a neitute hming tarlan a ni a. Ramchang sawi nan RC (Ram Chang) tih ziah tel a ni.

Fing hming tarlan (neih hmasaka lo neitu hming) hmang hian Lo thlangtuten an lo tur an thlang a, uluk tak leh fimkhur taka chhin chhiah zel thin a ni a. 

 

Inkhawm hi chawhma Dar 10:25 AM-ah tan a ni a, Chairman Pu B.Lalhriatpuia chuan Lo thlang turte hriat tur, Kum 2026 Phullen Ram Theh Board-in a duan ‘Lo Thlan Inkaihhruaina Dan’ te chu Lo thlang turte hriat turin a puang a, chungte chu hengte hi an ni -

1.       Lo inlei tawm phal a ni lova, chutiang ti hriatchhuah an awm chuan, a kum lehah lo number pawh phalsak an ni lovang.

 

2.       Lo thlang tawhten thlan nawn phal a ni lovang. Hei hi an dinhmun azira pawhfan theih a ni ang.

 

3.       Lo lei tawh hralh emaw a then hralh emaw pawh phal a ni lo va. Chutiang ti hriatchhuah an awm chuan, a kum lehah lo number pawh phalsak an ni lovang.

 

4.       Lo thlanah hian (zau zawng teh nan) hlam bi a lal ang.

 

5.       Lo thlanah hian (a thlangtu tak tih lovah) a bang chang tute an lal ber anga, a bang changtute tibuai zawnga midang hruai luh phal a ni lo. Chutiang ti an awm chuan, a kum lehah Lo number pawh phalsak an ni lovang.

 

6.       Lo thlan tur hi mahni number-ah ngei thlan nise, midang number-ah tuman lo thlan loh tur a ni.

 

7.       Ram theh Board-in ri siamfel hun a bituk hun chhunga ri siam fel lo an awm chuan, harsatna bik tak vang a nih loh chuan, an lo thlan an hauh thei lovang.

 

8.       Fing ziah hmaih awm palhah mipuiah zawrh a nih hnu pawha sawi lan a nih loh chuan, miin finga awm lo an lo thlang a nih pawhin, ri chungchanga buai palh thilah Finga awm lo thlang te chu an lal thei lovang.

 

9.       Lo /Fing hralh leh leinaa a man bithliah zat:

                                 i.            Lo fing man                         -              Rs 1000/- (Sang khat)

                               ii.            Tin man                                -              Rs 300/- (Za thum)

                             iii.            In lanna hniam ber          -              Rs 100/- (za)

                             iv.            Kum 2027 Lo tur Lo fing leitute leiman tlingkhawm chu Rs 80000/- (Sing riat) chinah duhtawk nise.

 

10.   Ri sah fel hun : October thla chhung

 

11.   Lo thlang turten chaw fun leh thingfak thum theuh thawh chhuahpui nise, chaw ei dawnah mahni chaw theuh ei tur a ni ang.

 

12.   Lo nei tura inziah tir ni lo chu, lo lei tum an lo awm a nih pawhin remtihsak loh nise kan ti.

 

13.   Lo thlannaah, a thlangtuin fing a sawiin, chumi Lo tia a sawi hmasak apiang kha a Lo tur inrem tanna atan rin a ni ang.

 

 

Chairman Pu B.Lalhriatpuia chuan, Lo thlang tura kalkhawmte hnenah chuan, Fing ziah dan chu uluk taka enfiah a ni a. Lo thlan tan tak tak hmain ennawn tura conplain theih a ni a. Chumi hnuah chuan Finga tarlan ang hi a lal ber ang. Leipui emaw Lo mumal vak lo behchhan te te hming behchhana, Finga tarlan ang  lova thlan awih a ni loh thu a puang a.

 

Tin, fehkawng rihnaah, VC ten Fehkawng rih dan tur ruahmanna an siam anga kal tur a ni a.  Zau bil ang emaw pawlho bil ang emaw a mahni duhna lai bik chauha hma lo lak te, mahni kal ngai lohna a nih avanga awl tum te leh mahni duhdan dana ke lo pen ringawt a rem loh thu leh VC rorel dan anga kal theuh turin Lo thlang turte chu a hriattir nawn leh a.

 

 

KUM 2027 LO ATANA FING ZAWRH

 

Fing zawrh hi, Ram Theh Board-in ram theh huam chhunga Fing an ziah chhuahte, Lo thlan tan tak tak hmaa Lo thlang tur kalkhawm te hmaa puanzarna leh siam that tul a awm leh awm loh enfiahna hun a ni ber a.

Chairman Pu B.Lalhriatpuia chuan, Lo thlangturte hnenah chuan, “Khai le, kan fing ziah, white board-a kan tar hi kan en tawh anga, hei hi a kim em, a tha tawk em tiin uluk takin en ila. Fing tarlan ang hi kan rin tur a ni a, hei hi final a nih hnuah chuan a lal ber dawn a. Chuvangin, a kim em, siam that ngai leh tih belh ngai a awm em, kalkhawm ten i sawi ang u.” tiin Ram Theh Board-in Fing a ziahchhuahte chu a zuar ta a.

 

Rawtna 1-na

F.Vanlalsanga: Pu Chairman, Pu C.Lalthanmawiia fing anga tarlan hi, fing tak tak a tling lova, ani aiin Pi Zopuii Lo kha a zau daih zawka, chuvangin fing hmingah hian C.Lalthanmawia tih aiah Pi Zopuii tih a tha zawk ang?

Chairman:  Aw le, tuna rawtna kha a dik kan ti em?

Mipui: A dik e, Fing hming hi tih that ni rawh se.

White Board-a Fing hming tarlan chu tih that nghal a ni a.

 

Rawtna 2-na

Tv. Zoremmawia:  Pu Chairman, Zawngin kawnga ka Lo hlui (Fing) Fing anga tarlan hi fing a tling lo. Paih ni se a tha zawk ang.

Chairman: Rawtna kha a tha kan ti em?

Mipui: Aw, a tha e.

 

White Board-a Fing tarlan chu siam that nghal a ni a.

 

Rawtna dang a awm tawh lova, Chairman Pu B. Lalhriatpuia chuan, Lo thlan tan theih a nih tawh thu te, Lo fing hralhna man zat te, Lo thlan buaipui tura mawhphurhna hrang hrang chelh tura ruatte hming a puangzar a. Lo thlan laiin, fing thlan tawh chu a chawkreh tura ruatte chauhin chawhreh tur a nih thute a puang a. Lo thlan buaipuitu, chanvo hrang hrang chelhtute –

 

1.       Lo-Fing hralh kaihruaitu:

                                 i.            Pu Lalsailova (Pu Vanlalnunga ruat tel a ni a, ani hian Lo lei ve a tum avangin a buaiputuah tel lovin Pu Lalsailova chauhin a buaipui)

 

2.       Lo Fing thlan tawh nawtrehtute:

                                 i.            Pu Lianhela

                               ii.            Pu Vanengmawia

                             iii.            Pu Masthanga

                             iv.            Pu Lalawmawia

                               v.            Pu PB Lungmuana

                             vi.            Tv. Lalrozuala

 

3.       Lo thlan ziaktute:

                                 i.            Pu PC Lalhmachhuana

                               ii.            Pu J.Pachhunga

                             iii.            Pu Lalrinawma

 

Chairman chuan, Lo lei leh hralh buaipui turin Pu Lalsailova a sawma, Lo – Fing lei leh hralh hun hman zui nghal a ni.

 

 

 

  

FING HRALH, LO LEI LEH THLAN

§  Kaihruaitu (Host):  Pu Lalsailova

 

Ram Theh Board-in kum 2027 Lo atana fing an ziah chhuahte Lo thlang tur kalkhawm ten siam that ngai laite siam tha a an pawm fel hnuah Fing hralh leh Lo lei hunh man a ni . Fing hralh leh lei buaipui tura ruat Pu Lalsailova’n he hun hi a kaihruai a.

 

Lo Fing hralh leh lei hi, a ngaihnawm hle a, fimkhur pawh a ngai hle. Tunge Lei/thlang hmasa ber ang tiin a Lo number (position) tur chu zuarin a changtu an zawng phawt a. Lo lei/thlang hmasa ber nih tumin Ram Theh Board-in a biktuk zat ang emaw a aia sang emaw a leite chuan, a Lei hmasatu nih inchuhin an in lan zak zak a. An in lan dan a zirin an Lo leina pawisa pawh a tamin a tam lo thin.

Tin, a lei hmasa tur an tihchian hnuah pawh, leitu turin a fing (ram) lei tum a sawi a, chu ram chu mi tuemawin a lo duh ve chuan, a Lei hmasa tura tling tawh kha ala rawn lan ve leh thei a. Chu tur chuan, a Lei hmasa turin lei a tumna aia sanga a rawn khum a ngai a ni.

Lo lei leh hralh hi kum tluana eizawnna innghahna lungphum a nih avangin, a pawimawh hle a, lo thlangtuten urhsun takin an thlang a, a kaihruaituin boruak zangkhai tak leh felfai takin kaihhruai a tum hram hram thin a. Fing hralh leh lei hi a ngaihnawm danglam hle. Lo lei tuten an thlan hnuah, Lo number pawh dan indawtin Lo hi thlan zui leh a ni thin.

 

A buaipuitute leh lo thlang turte an inpeih hnuah, Fing hralh leh Lei kaihruaitu Pu Lalsailova a lo ding chhuak a, Lo lei leh hralh hi, Ram Theh Board-in dan a siam angin, in lan theih a nih thu a puang nawn leh a. Mipui chawk phur pahin Fing hralh leh lei chu zangkhai takin a a kaihruai  ta a.

 

A HMASA BERA THLANG TUR ZAWNNA

Fing Hralh, Lo lei leh Thlan

 

Kaihruaitu Pu Lalsailova:

Khai le, hun khawhral tam lovin tunah kan tan nghal ang. Lo lei duh kan awm chuan, lo inring ula, 1,2,3 ka chhiar anga, rang takin ban in lo phar dawn nia - 

……Pakhat, pahnih, pathum…..!

Lo lei duh kha ban phar ru le?

 

Lo lei duh : Tv. Zoremmawia, Pu Zodinthara, Pu Lalneihthara leh mi thenkhat chu rang takin an banphar a.

 

Kaihruaitu Pu Lalsailova: Khai le, Lo lei duh, ban pharte khan in lei ngamna zat lo sawi ula, in inlan duh chuan, in inlanna zat chiang takin in sawi dawn nia aw. Khai le, lo sawi ru le.

 

Tv Zoremmawia: Rs 1000 in ka lei duh e.

 

Pu Lalneihthara : Rs 5000 in ka lan e.

 

Pu Zodinthara: Rs 1000 in ka lan e.

 

Pu Lalneihthara : Rs 5000 in ka lan e.

 

An reh duh vang vang a,

 

Kaihruaitu Pu Lalsailova: Khai le, Pu Lalneihthara hi lantu an awm lo a ni maw? A nih chuan, a fing duh lai a sawi thei e. Pu Thara, khawi lai nge i duh le?

 

Pu Lalneihthara : Zawngin kawng-ah Pu Mansanga leh Pu PC Lalhmachhuana lo hlui, Tin 2 ½ ka thlang e.

 

Kaihruaitu Pu Lalsailova: Khai le, Pu Lalneihthara fing sawi kha, neih lo tum ve ngar ngar kan awm chuan a fing a kha a la lan theih a, lan duh kan awm em? Saw lai ram saw, sawhthing chinna atan pawh ram tha tak a ni. Lan duh kan awm chuan in lanna zat rawn sawi ru le.?

 

Pu Biakhmingthanga : Rs 5000 in ka lan e.

 

Pu Lalneihthara : Rs 5000 in ka lan e.

 

Pu Biakhmingthanga : Rs 5000 in ka lan e.

 

Pu Lalneihthara : Rs 5000 in ka lan e.

 

Chutia an in lan tawn zak zak hnuah, ding an awm ta mai lo va. Kaihruaitu Pu Lalsailova a lo ding a.

 

Kaihruaitu Pu Lalsailova: Khai le, kan ngawi ta deuh em ni, lan duh kan la awm em? Lan duh kan awm chuan, hun ka khar hmain lo sawi ru le?

 

Pakhat, Pahnih, Pathum….!

 

Awle, lan duh kan awm tawh lo a ni ang e, Pu Lalneihthara’n a chang ta e. Pu Thara khan, i fing thlan kha rawn ziah fel tir rawh le.

 

Pu Lalneihthara chuan, Lo thlan ziaktute hnenah a lo thlan chu a ziah fel tir nghal a, an ziah fel veleh Ziaktu zinga mi Pu PC Lalhmachhuana a lo dingchhuak a.

 

Ziaktu Pu PC Lalhmachhuana:

Hetiang hi Pu Lalneihthara lo thlan chu a ni, Zawngin kawng-ah Pu Mansanga lo atangin Pu PC Lalhmachhuana lo hlui, chu chu a khawp loh chuan Pu Lalawmpuia lo then nen, Tin 2.5 hmun a ni ang.

 

Pu Lalneihthara’n a leina zat chu Rs 32750/- (Sing thum sang hnih zasarih sawmnga) a ni a. (#Hei hi Lo leina man Rs 1000 leh inlanna belhkhawm Rs 31000 leh Tin hmun man Rs 750 belh khawm a ni).

 

 

Ziaktu Pu PC Lalhmachhuana’n Lo lei hmasa ber leh thlang hmasa ber Pu Lalneihthara Lo thlan an ziah fel dan a puan hnuah Pu Lalneihthara Lo number pawh leh a lo thlan chu Fing ziah tarna atangin nawhreh a ni nghal a. Chumi zawhah Kaihruaitu Pu Lalsailova a lo ding leh a, pahnihnaa Lei tur lam an hawi leh a.

 

PAHNIHNAA THLANG TUR ZAWNNA

Fing Hralh, Lo lei leh Thlan

 

Kaihruaitu Pu Lalsailova:

Khai le, a pahnihnaa Lei/ thlang tur lam kan hawi thei ta a. A pahnihnaah hian ka thlang ve tawh dawn a ni ti kan awm chuan, rang takin in ban in lo phar dawn nia.

Kan inring em?

Pakha, Pahnih, Pathum………!

 

Pu Ramnghahmawia (Nghahtea): A ban a rawn phar a.

Kaihruaitu Pu Lalsailova: Aw le, pahnihna a thlang turin, Pu Ramnghahmawia a lo ding a, pahnihna dinhmun hi lan duh in awm em?

Pu Zodintharan: Rs 2000 in ka lan e.

Pu PC Lianhela: Rs 2000 in ka lan e.

Pu C.Vanlalruata: Rs 2000 in a lan e.

Kaihruaitu Pu Lalsailova:  Aw le, kan in lan nak nak a, tunah Pu Vanlalruata kutah a la awm mek a. Lan duh kan la awm em, Ka chhiar mai dawn a nia?

Pu Zodintharan : Rs 1000 in ka lan e.

Pu C.Vanlalruata: Rs 2000 in ka lan e.

Pu Zodinthara : Rs 1000 in ka lan e.

Pu C.Vanlalruata: Rs 2000 in ka lan e.

Kaihruaitu Pu Lalsailova: Aw le, Pu Vanlalruata’n a ipte an dap a, pawisa a lo la ak nual e.

Mipui: Sangkhatin ka lan e a tia, kut tang pahnih a phar bawk sia an lo ti nak tak a!

Pu Zodinthara : Rs 1000 in ka lan e.

Pu C.Vanlalruata: Rs 1000 in ka lan e.

Thawm a reh ta vang vang a.

Kaihruaitu Pu Lalsailova: Khai le, Pu C.Vanlalruataah a tawp rih a, ka chhiar mai dawn em ni, lan duh kan la awm em? Khai aw.

Pakhat, Pahnih, Pathum…..!

Aw le, lantu an awm ta lo. Pu C.Vanlalruata kha, khawi lai nge nge i duh le?

 

Pu C.Vanlalruata:  Chhiarzawl ram, Pu PB Lungmuana (Pi L.Thangpuii) lo leh Pu C. Thangpuia lo hlui leh Pu Vanlalbela lo then nen, Tin 2.5 hmun a ni. (#Pu C.Vanlalruata hi Pu Lalduhawma fapa a ni.)

 

Kaihruaitu Pu Lalsailova:  Khai le, Pu Vanlalruata fing sawi kha, lan duh kan awm em? Kan awm chuan ban phar ila. Number ka chhiar dawn e aw?

Pakhat, Pahnih, Pathum…….!

Aw le, lan duh kan awm lo e.

Khai le, Pu C.Vanlalruatan a chang ta a. Pu Vanlalruata kha, i Lo Number pawh kha chawh chhiat a ngai a, engnge i number kha le?.

Pu C.Vanlalruata: No.139.

Pu Vanlalruata’n a Lo lei a ziahfel tir hnuah, ziaktu a lo ding a.

Ziaktu Pu PC Lalhmachhuana: Khai le, Pu C.Vanlalruata Lo lei chu hetiang hi a ni. Chhiarzawl ram, Pu PB Lungmuana (Pi L.Thangpuii) lo atanga intanin Pu C. Thangpuia lo hlui leh Pu Vanlalbela lo then nen, Tin 2.5 hmun a ni.

Pu C.Vanlalruata lo leina zat kha Rs 15750/- (Singkhat sangnga, zasarih sawmnga) a ni. (#Rs 1000 Fing man +Rs 14000 Inlanna +Rs 750 Tin zat man = Rs 15750)

 

Ziaktu Pu PC Lalhmachhuana: Pu C.Vanlalruata lo lei, a fing sawi kha a zau lutuk kan ti em? A hauh zau lutuk kan tih chuan sawi ila, Engnge kan ngaihdan?

Mipui : Zau lutuk lo ve.

 

Hruaitu Pu B.Lalhriatpuia : Lo thlan reng rengah,  fing kan sawiin, chumi lo tia in rawn sawi hmasak apiang hi lo inrem tanna atan rin tur a ni tih kha kalkhawm ten kan hriat atan ka lo puang nawn leh e.

 

Pahnihnaa Lei/Thlang tur an tihfel hnuah, Pathumnaa thlang tur lam an hawi zui leh ta a.

 

PATHUMNAA THLANG TUR ZAWNNA

Fing Hralh, Lo lei leh Thlan

 

Kaihruaitu Pu Lalsailova:

Khai le, a pathumna a thlang tur kan zawng leh ang a. A pathumna lei duhte kha lo inring r’u le. Kan in ring em? Khai aw, a 3-na ah ka thlang ve tawh dawn tite kha, ban lo phar vat ru aw.

Pakhat, Pahnih, Pathum….!

 

Ban phar endiktute: Pu H. Lalhruaikiman a phar e

Aw le, Pu Hruaia aia thlan hmasak tum kan awm em? Kan awm chuan lo sawi ru le. Kan awm lo em ni. Ka chhiar anga, kan awm loh chuan Pu Hruaia kan thlan tir mai ang aw.

 

Pakhat, Pahnih, Pathum….!

Khai le, lan tu kan awm lo ve. Pu Hruai, khawi lai nge i thlan duh le?

 

Pu H. Lalhruaikima : Chhiarzawl ram, hnuai lama Pu Lalkhalhvela lo leh Pu Lalthakima thlai hmun leh Pi Lalfamkimi thlai hmun, Pu Vankhuma thlai hmun, Pu Rinzuala thlai hmun bawr vel, Tin 2 hmun.

 

Kaihruaitu Pu Lalsailova:

Aw le, kan hriat angin Fing hi inlan theih a la ni. Pu Lalhruaikima lo thlan, a fing sawi kha kan hria a, chulai chu keiman ka nei dawn ti kan awm chuan, la inlan theih a ni. Number ka chhiar anga, lan duh kan awm chuan, ban in lo phar dawn nia.

Pakhat, Pahnih, Pathum….!

Lan tur kan awm lo a ni maw. Khai le, Pu Hruaia, a lo thlan  kan ziah fel tir thei e.

 

Pu Hruaia’n a lo thlan a ziah fel tir a, chumi zawhah Lo thlan ziaktu Pu PC Lalhmachhuana a lo ding a.

 

Ziaktu Pu PC Lalhmachhuana: Khai le, Pu H. Lalhruaikima lo thlan kan ziak fel ta a. A Lo fing lei hi Tin 2 hmun a ni a. A leina zat chu Rs 1600 (Sangkhat zaruk) a ni. (#Fing leina man Rs 1000 leh Tin 2 hmun leina Rs 600 belhkhawm a ni).

Pu H.Lalhruaikima lo thlan chu, Chhiarzawl hnuaiah Pu Lalkhalhvela lo hlui atanga tanin, Pu Lalthakima thlai hmun, PI Lalfamkimi thlai hmun, Pu Vankhuma thlai hmun, Pu Rinzuala thlai hmun, a khawp loh chuan Pu C. Thangpuia lo then nen. Tin 2 hmun a ni

 

 

PALINA THLANG TUR ZAWNNA

Fing Hralh, Lo lei leh Thlan

 

Kaihruaitu Pu Lalsailova:

Tunah chuan, palinaa thlang tur, lo leitu tur kan zawng leh ang. Ram Theh Board hian sum hmuh teuh kan tum lem lo va, vawiina kan chaw eina khawp a nih chuan a tawkah kan ngai a ni. Tunah hian tlemin kan chaw eina senso tur a la daih lo deuh a, fing kan zuar leh ang.

Palinaa thlang duhte kha lo inring ula, 1, 2, 3 ka chhiar zawh ve leh in lo phar ang a, ka chhiar zawh hmaa lo phar erawh awih loh a ni. A lo endiktuten ban phar hmasa ber uluk takin an lo ena, an lo chhinchhiah zel a ni.

 

Khai le, in inring em, ka chhiar dawn a nia aw. 

Pakhat, Pahnih, Pahtum…!

 

Ban phar an awm nual a.

 

Ban phar enfiahtute: Pu F. Vanlalsanga a phar hmasa ber e (Pu F. Vanlalsanga hian, Lo thlan buaipui mek zinga mi Tv. Lalrozuala a phar sak a ni).

 

Kaihruaitu Pu Lalsailova: A phar hmasa ber Pu F. Vanlalsanga (Tv. Lalrozuala) khan, khawi lai nge i lei duh le?

 

Tv. Lalrozuala : Zawngin kawng thlangah Pu Lalhnehzauva lo hlui, Tin 1.5 hmun ka thlang e.

 

Kaihruaitu Pu Lalsailova: Khai le, kan danah, a thlang hmasa tur siamna Lo number hi tihchian hnuah pawh, a fing an sawi kha lan duh kan awm chuan, a la in lan theih a.

 

Lan duh kan awm em? Kan awm chuan ban phar ru le? Kan awm lo em ni? Ka chhiar anga, chumi hmaa phar kan awm loh chuan lan tur kan awm lovah kan ngai ang.

 

Pakhat, Pahnih, Pathum….!

Aw le, lan duh kan awm lo ve. Khai le, Tv. Lalrozuala kha, i lo thlan ziah fel tir rawh le.

 

Tv. Lalrozuala’n a Lo lei a ziah fel tir hnuah, ziaktuin Tv. Lalrozuala Lo lei chu a rawn puang a.

 

Ziaktu Pu PC Lalhmachhuana:

 Aw le, Tv Lalrozuala lo lei chu, Zawngin kawng thlangah Pu Lalhnehzauva lo hlui; a lu lam atanga inremin, Tin 1.5 hmun a ni e. Tv. Lalrozuala Lo leina zat hi Rs 1450/- (Sangkhat zali sawmnga) a ni.

 

 

PANGANAA THLANG TUR ZAWNNA

Fing Hralh, Lo lei leh Thlan

 

Kaihruaitu Pu Lalsailova:

Khai le, Panganaa thlang tur lam kan hawi leh ang. Tun tum chu ka thlang ve tak tak tawh dawn ti kha lo inring ru aw. In inring em? Ka chhiar dawn a nia.

 

Pakhat, Pahnih, Pathum….!

Eh, eh thup si eh!!! (A hma aia tam leh a beisei aia tamin ban an phar a ni mai thei.) Tunge phar hmasa ber?

 

Ban phar lo endiktute: Upa Nunga (Pu Vanlalnunga) a phar hmasa berin kan hria e.

 

Kaihruaitu Pu Lalsailova: Aw le, panganaa thlang turin Pu Vanlalnungan ban a phar hmasa ber niin kan hria a. Panganaah hian keiman ka thlang zawk dawn ti kan awm chuan, a inlan theih a. Lan duh kan awm em, kan awm chuan in lanna zat lo sawi ru le?

 

Tv. Lalsanga (SangSanga): Rs 1000 in ka lan e.

Pu Vanlalnunga : Rs 3000 in ka lan e.

 

An reh deuh vang vang a.

Kaihruaitu Pu Lalsailova: Lan duh kan awm em? Kan awm chuan lo sawi ru, number ka chhiar dawn e.

 

Pakhat, Pahnih, Pathum…!

Aw le, lan duh kan awm lo ve. Pu Vanlalnunga kha, khawi lai nge i duh sawi rawh le?

 

Pu Vanlalnunga : Chhiarzawl lam, Pu F. Vanlalsanga huan bul, Pu C. Vanlalruata lo hlui leh Pu Rinmawia buhban hmun hlui, Tin 1 ½    hmun.

 

Kaihruaitu Pu Lalsailova: Pu Vanlalnungan a fing duh lai a sawi ta a. Fing hi in lan theih a la ni a. Lan duh kan awm em le?

Pakhat, Pahnih, Pathum….!

Aw le, lan tur kan awm lo ve. Pu Vanlalnungan a Lo lei a ziah fel tir thei ta e.

 

Ziaktu Pu PC Lalhmachhuana: Pu Vanlalnunga Lo lei kan ziak fel a, a lo lei chu hei hi a ni, Chhiarzawlah, Pu F. Vanlalsanga huan bal, Pu C. Vanlalruata lo hlui leh Pu Rinmawia buhban hmun. Tin 1 ½ hmun a ni e. Pu Vanlalnunga lo leina zat kha Rs 5450/- (Sangnga zali sawmnga) a ni. (# Rs 1000 Fing leina + Rs 4000 inlanna + Rs 450 Tin hmun zat man).

 

 

 

 

 

 

PARUKNAA THLANG TUR ZAWNNA

Fing Hralh, Lo lei leh Thlan

 

Kaihruaitu Pu Lalsailova:

Khai le, Fing 2 vel chu kan la hralh theiah kan inngai e. Felfai takin kan inlan a, kan thlang thei zel a, a lawmawm hle mai. Tunah chuan paruknaa thlang tur lam kan hawi leh ang.

 

Khai le, paruknaa thlan tumte kha lo inring ru le. Number ka chhiar ang a, ban in lo phar vat dawn nia.

 

Pakhat, Pahnih, Pathuam…..!

 

Ban phar endiktute: Pu Vanarsimawian a phar hmasa ber e.

 

Kaihruaitu Pu Lalsailova:

Aw le, ‘Pu Vanarsimawia hmaah ka thlang duh e’ ti kan awm chuan, in lanna zat rawn sawi ru le.

 

Pu Zodinthara: Rs 2000 in ka lan e.

Pu PC Lianhela: Rs 2000 in ka lan e.

Pu Zodinthara: Rs 2000 in ka lan e.

Pu PC Lianhela: Rs 2000 in ka lan e.

Pu Zodinthara: Rs 1000 in ka lan e.

 

An reh deuh vang vang a.

 

Kaihruaitu Pu Lalsailova: Pu Zodinthara 1000 in a lana, a la ding mek a. Lan duh in awm em? Ka chhiar dawn a ni aw.

Pakhat, Pahnih, Pathum……!

Khai le, lan duh kan awm lo e. Pu Zodina, khawi lai nge i thlan le.

 

Pu Zodinthara: Chhiarzawl ram, Pu Lalthatluanga lo hui leh Pu PB Lianzova lo then. Tin 2 hmun.

 

Kaihruaitu Pu Lalsailova: Le, Pu Zodina fing sawi kha kan hria a, a fing hi lan duh kan awm chuan, lo sawi ru le.

Kan awm em, ka chhiar dawn a nia.

 

Pakhat, Pahnih, Pathum…..!

Aw, lan duh kan awm lo e. Khai le, Pu Zodinthara, i lo thlan chiang zawkin i ziah tir thei e.

 

Ziaktu Pu PC Lalhmachhuana: Pu Zodinthara lo lei kan ziak fel a, a lo lei chu hei hi a ni, Chhiarzawl ram,  Pu Lalthatluanga lo hui, a khawp loh chuan Pu PB Lianzova lo then nen. Pu Lalthatluanga lo atanga intanin. Tin 2 hmun a ni e. Pu Zodinthara lo leina zat hi Rs 10450/- (Singkhat zali sawmnga) a ni.

(#Rs 1000 Fing leina + Rs 9000 inlanna + Rs 450 Tin hmun zat man.  Pu Zodinthara hian Pu Lalrawngbawla a dinsak a ni. Pu Lalrawngbawla hi VC a ni a, Ramthehtu zinga mi a nih avangin a aiawhin Pu Zodina hi a din tir a ni. Chuvangin, hemi tuma lo leitu tak chu Pu Lalrawngbawla a ni.)

 

Kaihruaitu Pu Lalsailova: Khai le, Pu Zodinthara lo number leh a fing thlan kha kan nawt reh leh thei ta e.

 

 

 

 

PASARIHNAA THLANG TUR ZAWNNA

Fing Hralh, Lo lei leh Thlan

 

A pasarihna atana Lo leitu tur zawn leh a ni a.

 

Kaihruaitu Pu Lalsailova:

Kan hriat atan, Fing/ Lo hralhna atanga pawisa hmuh zat tura kan ruahman chu Rs 80000 vel a ni a, tunah hian Rs 60000 vel kan tlin tawh a, vawiina kan senso tur tawk vel Rs 80000 hi pelh vak kan tum lem lo tih kan hre dawn nia.  

 

Khai le,

A dawta thlang tur tan leh ang aw. Thlan tumte kha, ban lo phar vat ru aw.

Pakhat, Pahnih, Pathum……!

 

Ban Phar Endiktute: Pu PC Lianhela a phar hmasa e.

 

Kaihruaitu Pu Lalsailova: Khai le, Pu PC Lianhela a phar hmasa ber a, ani aia thlan hmasak duh kan awm chuan, a lan theih a. Lan duh kan awm em? Kan awm chuan, ding chungin in lanna zat sawi rawh u le.?

 

Pu Masthanga: Rs 2000 in ka lan e.

Pu PC Lianhela : Rs 2000 in ka lan e.

Pu Masthanga : Rs 2000 in ka lan leh e.

Pu PC Lianhela : Rs 2000 in ka lan leh e.

 

An reh deuh vang vang a.

 

Kaihruaitu Pu Lalsailova: Aw le, lan duh kan awm ta lo a ni maw. Pasarihnaa thlang turin Pu PC Lianhela lantu an awm lo va. Hei hi a thlang hmasa tur, Lo number chauh a ni a, Fing hi a la in lan theih  tho tih kha kan hre dawn nia.

Pu Mahela, khawi lai nge i thlan le?

 

Pu PC Lianhela : Chhiarzawl ram, Tv. Lalengkima lo leh Tv Zakhuma lo leh Pu Kapzawna lo then, Pu Lalhnehzauva sawhthing hmun leh Pu Ramthianghlima lo hlui. Tin 3 hmun.

 

Kaihruaitu Pu Lalsailova: Aw le, Pu PC Lianhela thlan, a fing sawi kha kan hria a, chulai hmun chu lo hual ve kan awm em? Chulai chu keiman ka nei zawk dawn ti kan awm chuan, a la inlan theih a. Lan duh kan awm em?

 

Pakhat, Pahnih, Pathum……!

 Aw, kan awm lo e.

Tikhan, Pu PC Lianhela khan i lo thlan i ziahfel tir thei e.

 

Pu PC Lianhela’n a lo lei a ziahfel tir hnuah, ziaktuin an ziah dan a rawn puang a.

 

Ziaktu Pu PC Lalhmachhuana:

Chhiarzawlah, Tv. Lalengkima lo atangin Tv Zakhuma lo, Pu Kapzawna lo then, Pu Lalhnehzauva sawhthing hmun leh Pu Ramthianghlima lo hlui. Tin 3 hmun a ni a. A lo leina zat hi Rs 9900/- (Sangkua zakua) a ni. (#Rs 1000 fing leina + Rs 8000 inlanna + Rs 900 Tin zat man).

 

Pu PC Lianhela lo lei, a fing sawi hi, a zau lutuk, a huam hnem lutuk kan ti em?

 

Mipui : Ti lem lo ve.

 

 

PARIATNAA THLANG TUR ZAWNNA

Fing Hralh, Lo lei leh Thlan

 

A pariatna atana Lo leitu tur zawn leh a ni a.

 

Kaihruaitu Pu Lalsailova:

Khai le, kan pawisa hmuh chhuah zat tur bituk atangin, pawisa tlem hmuh belh a la ngai a, chuvangin a tawpnan fing kan hralh leh ang.

Tun tum chu, a tawpna a ni bawk a, ka thlang ve tawh hrim hrim dawn ti kan awm chuan lo inring ru le. Ka chhiar dawn a nia aw.

 

Pakhat, Pahnih, Pathum…..!

 

Ban Phar Endiktute: Pu PB Lalthazela a phar hmasa ber

Kaihruaitu Pu Lalsailova: Pu Mazela a phar hmasa ber a, ani ai hian ka thlang hmasa zawk dawn, ka lan dawn e ti kan awm em? Kan awm chuan in lanna zat sawiin lo ding ru le?

 

Tv. Zoremmawia : Rs 3000 in ka lan e.

Pu PB Lalthazela : Rs 1000 in ka lan e.

Tv. Zoremmawia : Rs 1000 in ka lan e.

Pu Biakhmingthanga : Rs 1000 in ka lan e.

Pu Masthanga : Rs 1000 in ka lan e.

Tv. Zoremmawia : Rs 1000-in ka lan e.

 

An reh deuh vang vang a.

 

Kaihruaitu Pu Lalsailova: Khai le, kan va reh ta ve, Pu Masa-te kha, in ti leh dawn em? Midang te pawh kha, in duh tawk em ni? Ka number ka chhiar mai dawn em ni?

 

Pakhat, Pahnih, Pathum…..!

Aw le, pariatnaa thlang tur number lan duh kan awm lo e. Tv. Zorema, khawi nge i lei duh le.

 

Tv. Zoremmawia : Zawngin kawngah, Pu Zoramhmangaiha lo kha, Tin 1.5 hmun ka thlang e.

 

Kaihruaitu Pu Lalsailova: Khai le, Tv. Zoremmawia lo thlan, a fing sawi kha, lan duh kan awm em? Lan duh kan awm chuan, a fing kha a lan theih a, number ka chhiar chhungin lo sawi ru aw.

 

Pakhat, Pahnih, Pathum…..!

Aw le, lan duh kan awm lo ve. Tv. Zorema i lo thlan i ziahfel tir thei e.

Tv. Zoremmawian a Lo lei fing a ziahfel tir a, fing ziahna atangin a fing sawi leh a lo number pawh an chawkreh nghal a, Lo thlan ziaktu a lo ding zui nghal a.

 

Ziaktu Pu PC Lalhmachhuana:

Tv. Zoremmawia (Pi Thianghlimi) Lo thlan chu hetiang hi a ni,  Zawngin kawngah Pu Zoramhmangaiha lo, In lam atanga inremin Pu Lalthangmawia ram riin. Tin 1.5 hmun a ni e. A lo leina zat chu Rs 9450/- (Sangkua zali sawmnga) a ni.  (#Rs 1000 fing leina man + Rs 8000 inlanna + Rs 450 Tin zat man)

 

Tikhan, Fing hralh leh Lo lei chu kan zo ta tih kan puang e. Lo number pawha number hmasak dan indawt angin Lo kan thlang thei ta e.

 

 

LO NUMBER INDAWT DAN ANGA THLAN

Hruaitu:

Tikhan, Fing hralh, lo lei leh thlan chu kan zo ta a, Lo number indawt dang angin Lo thlan kan kalpui zui nghal ang.

 

 Ziaktu Pu PC Lalhmachhuana:

Tunah chuan, Lo number atangin kan thlang tan thei ta. Lo number pawh indawt dan chu hetiang hi a ni.

 

 

LO NUMBER PAWTTUTE LEH AN LO NUMBER:

LO NUMBER PAWT ZIAHNA
Lo Number	Number Pawttu Hming	Lo Number	Number Pawttu Hming	Lo Number	Number Pawttu Hming
1	Lalthantluanga	41	Lalrikhumi	81	Zonunsanga
2	Laltanpuia	42	Lalrawngbawla	82	PC Lalhmachhuana
3		43	K.Zakunga	83	Lallungawia
4	Lalbiakhluni	44	J. Lalawmpuia	84	Lallawmzuala
5	Lalzarmawia	45	Lalchampuia	85	C. Ramzauva
6	Rosangzuali	46	Lalnghinglova	86	Zodinthara
7		47		87	Lalhrilzeli
8	Dangvela	48	Biaklala	88	F. Khanthuama
9	H. Malsawma	49		89	Vanengmawia
10	Lalhmangaihzuala	50	Mansanga	90	Zaimawia
11	C. Lalbuatsaiha	51	C. Lalhruaitluanga	91	Ramthianghlima
12	Lalhruaizeli	52	C. Lalawmpuia	92	Lalrinzauvi
13	C. Lalvunga	53	K. Vanchuanga	93	Laltanpuia Tochhawng
14	Lalsawmliana	54	Numawii	94	Zahnuna
15	Lalrinenga	55	Thangzauvi	95	Ramnghahliana
16	Zaitinremi	56		96	Vanlalvula
17	Lalbiakenga	57	Vanlalchhuangi	97	Biaksailova
18	Andy Lalremruata	58	Lalneihthara	98	Tlantuliana
19		59	Lalrohlua	99	Lalrinkimi
20	C. Vanlalruata	60	Johan Lalfakzuala	100	F. Laltlankima
21	B. Laltlanmawia	61	K. Lalthlamuana	101	Lalchungnunga
22	Mikaela	62	V. Lala	102	Lalhrangmawia
23	Zoramthara	63	Lawmnakima	103	Sanghluna
24	J. Tharmawia	64	Lianzauva	104	Lalfelkima
25	Ramhlima	65	Lalsangliana	105	Thianghlimi
26		66	Mangkhuma	106	Lalsanga
27	C. Lalduhawma	67	Lalneihpuii	107
28	F. Thansanga	68	Zatluanga	108	Thanruma
29		69	Lalduhmawia	109	Lalengkima
30	PC Lianhela	70	Lalthawmliana	110	J. Lalhlanthara
31	Zokhuma	71	Biakchungnunga	111	Lalchuanga
32	Vankhuma	72	PB Zothanmawia	112	Lalthaliana
33	Lalfakawma	73	C. Lalrochhuanga	113	Lianzuala
34	C. Zonunsanga	74	Liansiami	114	Biakhmingthanga
35	Lalrindika	75	Lalremruata (Hruaitluangi)	115	Thahluna
36	H. Lalnghalhlela	76	Lalngilneii	116
37	Haudala	77	C. Vanlalbela	117	C. Lalneihzauva
38	Lalchhuanawma	78	K. Zahlira	118	Lalhruaitluanga
39	Zoruatmawia	79	Lalremruata (Driver)	119	Kapzawna
40	C. Lalhmuna	80	Rokunga	120	Zoramthanga
121	Zohmingliana	141	K. Lalfamkima	161	K. Laltharzuala
122	Tlangmawia	142	Masthanga	162	F. Aichhunga
123	Vanlalhriatrenga	143	PB Lalthazela	163	Lalrozuala
124	Lalhmuchhuaka	144	Thiawnga	164	Rochungnunga
125	Kapliana	145	Dothangi	165
126	Lalchuailova	146	K. Lalremruata	166	Lalramthara Hnamte
127	Lalduailova	147	Chunga	167	T. Lalruatmawia
128	Zathiangi	148	Vanarsiengmawia	168	V. Vanlalliana
129	Lalruatkima	149		169	Lalributa
130	Ramluimawia	150	Vanhmingmawia	170
131	Vanlalkima	151	CL Thangmawia	171
132	Ruatthanga	152	Lalhmingmawia	172
133	Vanlalchhana	153	Hmingthanzauva
134		154	Lallawmsanga
135	Lalena	155	Lalrinchianga
136	Lalchanhlua	156	Zoramhluna
137	Tlanchhunga	157	V. Lalrinhlua
138	Zahmuaka	158	Zokhawmuana
139	Vanlalruata	159	Lalthlamuana Kawlni
140	Vanlalnunga	160

 

§  Lo nei tur hming ziahtir zat : 172

§  Lo number siam zat : 172

§  Lo number pawttu zat : 155

 

§  Lo Thlangtu zat : 110 (Nikumah 117)

 

 

 

Buata Bawihtlung 22.10.2026