PHULLEN VILLAGE COUNCIL (VC) THAR TEN MAWHPHURHNA AN LA TA

By Buata Bawihtlung -

 




September 2, 2020 Wednesday:
Tukin khan kan khawtlang hruaitu Phullen Village Council hlui (2015-2020 term) leh Village Council thlan thar (2020-2025 term) te chuan, Village Council House, Diakkawn-ah mawhphurhna an inhlan. He hunah hian VC thlan tharte leh VC kalchhuakte bakah, tualchhunga Political party hruaitu pawimawh tak takte an tel a ni.

Phullen Village Council 2015-2020 term hi a tawp tawh avangin August ni 27 khan VC Inthlan neih a ni a. VC Seat 5 awmah MNF party Candidate 4 leh Congress party Candidate (BJP thlawp) 1 an tling a. Tichuan, MNF chuan Phullen Village Council-ah sawrkarna a siam ta a. Hetiang hian Phullen Village Council sawrkar chu siam a ni ta a ni:

1. President : Pu Vanzairemmawia
2. Vice President : Pu Lalzikpuia
3. Treasurer : Pu Zoramhmangaiha
4. Secretary : Pu Malsawmhlua
5. Members:
(i) Pi F. Lalchhandami
(ii) Pu B.Lalhriatpuia

#Tlangau : Pu Zoramthanga

VC tharte huaihawtin tlai lamah chawhlui an kilho a ni a. Hetah hian VC kalchhuak leh VC tharte bakah BDO Phullen Pu Lalrinawma Khiangte te nupa leh tualchhung Political party hruaitute leh sawm bikte an tel a ni

Kan khawtlang hruaitu "Village Council" thar te hi mipuiten duh taka kan thlan an ni a, mi fel leh ta tak tak an ni hlawm. Kan khawtlang hi tha taka an kaihhruai a, tha taka hna an thawh kan duhsak a. Keini mipuite pawhin, kan aiawha kan thlan chhuah, kan VC te hi tha taka hna an thawh theih nan kan thlawpna an mamawh dawn a ni. 

Hmun tinah, VC te hian sawisel an hlawh duh hle a. Mipuite pawh hian kan VC te hi sawisel ringawt lovin, a dik zawk leh tha zawk kan hriatnaah chuan kan fuih thin anga, kan kawhhmuh anga, kan infinchhuah thin tur a ni ang. Chutihlaiin, kan VC te pawhin, "Thlan lal kan ni tawh a lawm," tia, mahni ngaihdan chauh thlir lova, mipuite atanga ngaihdan tha hre zui zel thei turin, inhawn dan tawk an hriat pawh a ngai ve bawk awm e.  

VC hna hi khawtlang roreltu nih ringawt hi a ni lova, chutihlaiin,  kan hmuh theih thil hmasawnna infrastructure lam ringawt pawh a ni hek lo. Khawtlang nu leh pa chan changa, khawtlang mipuiten kawng tinreng a hmasawnna an neih theih nana khawtlang hruaitu an ni a. Veng bil leh Kohhran bil duhsak bik neihte a thiang lo va, mi hausa leh retheite ang khata en a, khawtlang mipuite lungrual leh hlim taka awmtir te thlengin VC tha leh tha lo teh nan hian a hman theih awm e.  

Kan khawtlang hruaitu, kan VC te, kan khawtlang tan hmasawnna tamtak thlen turin duhsakna sang ber kan hlan e.

BB 02.09.2020, 8:25 PM

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more