PHULLEN DIARY 2019
(Kum 2019 chhunga Phullena thil thleng langsar zualte)
JANUARY 2019
Dt 1.1.2019 Tuesday:
Phullen khawtlang mipui ten, mahni lawina Kohhranah theuh ruai nen ropui takin Kumthar an lawm.
Hemi hian Pu Zakhuma kum 74 S/o Pu Vanlalthanga & Pi Aihnuni, Phullen New Khandaih, Ni 31.12.2018 a Civil Hospital Aizawl a Stroke vanga thi chu vuiliam a ni a.
Dt 3.01.2019 Thursday:
Hemi ni zan dar 6:30 PM hian Phullen Diakkawn-ah Phullen Historical Society (PHS) leh Doordarshan Aizawl tangkawpin a siam Phullen Documentary Film chu Phullen VCP Pu B. Lalhriatpuian a tlangzarh. He hunah hian khawtlang hruaitute VC, YMA leh pawl hrang hrang hruaitute an kim hle a, Aizawl atangin Phullen & Thanglailung Welfare hruaitu Chairman Pu Lalrammawia, Sr Vice Chairman Pu Lalbiakdanga, Vice Chairman Pu R.Kapkhuma, Sr Adviser Prof. JV Hluna te pawh he hun hmang hian an kal. Phullen Historical Society (PHS) aiawhin Pu Lalbuatsaiha Secretary leh Pu Vanthuampuia Chairman ten thu an sawi bawk.
Dt 25.01.2019 Friday:
He mi ni hian BDO Phullen huaihawtin Phullen Community Hall-ah Naupang Kumtlinglo khuaikhem chungchang a in vennna leh inzirtirna {Protection for Children from Sexual Offences (POCSO)} hun hman a ni a. He hun hi BDO Pi Lalrinchhani Ralte in a kaihruai a, Aizawl lam aṭanga mithiam lo kal ten zirlai tleirawl kalkhawm takte chu, kum tlinglo khuaikhem chungchang, a pumpelh dan leh invennate an zirtir a.
Hemi ni hi 25.1.2019 hi Voters Day a ni a, Community Hall a Kumtlinglo khuaikhem chungchang a in vennna leh inzirtirna hun hman rual hian Voters Day pualin hun hman nghal a ni.
Hemi ni 25.1.2019 vek hian, BDO Training Hall ah, tualchhunga pawl (NGO) hranghrang hruaitute leh tualchhung Sikul Zirtirtute chu, Kumtlinglo khuaikhem chungchang, a in vennna leh inzirtirna (POCSO) lam Aizawl aṭanga mithiam chah chhuahte nen an sawiho a. Mithiamte hian khawtlang hruaitute leh zirtirtute hriat tur chi thu tha tak tak an hrilh a,he huna kal te hian an hlawkpui hle.
Dt 29.01.2019 Tuesday:
Hemi zan 29.1.2019, 7:00 pm hian YMA Phullen Branch huam chhunga YMA Section hrang hrang - Chawngbawla Section, Taitesena Section leh Vanapa Section hruaitu tur thlan a ni a, YMA Section inthlan hi Branch YMA hruaituten an tawiawm a ni.
FEBRUARY 2019
Dt 08.02.2019 Friday:
Hemi ni hian Presbyterian English School Phullen Scouts & Guides Unit te chuan vantlang hmunhma tifaiin an hnatlang a. Phullena Vantlang tuikhur pahnih - Pu Lura Tui, Phullen vengthar leh Tui Irh Phullen vengthar a mi chu, a chhung leh a chheh vel fai takin an thian a. Sikul naupang tenawi zual deuhte pawhin Sikul leh a vel kawngpui dunga bawlhhlawh awmte an thianfai bawk.
Dt 18.02.2019 Monday:
Hemi ni 18.2.2019, zan dar 9:45 PM khan Pu Liankamlova kum 65 H/o Pi Lalnunchami, Phullen, Sub Centre veng chu an chenna inah Cancer vangin a thi. Pu Kamlova hi Hospital-ah pawh enkawl reng tawh a ni a, a ruang hi a tuk, ni 19.2.2019 khan vui liam a ni.
Dt 21.02.2019 Thursday:
Hemi ni hian Diakkawn tawntirh a Leitlahniam chu hnawh zawl a siam that a ni. He lai kawng hi kum 2015 August thla a Phullen-in Ruah sur nasa avanga chhiatna kan tawh nual tuma tlahniam kha a ni a, vawi engemaw zat siam a nih hnuah pawh a che leh thin a ni.
MARCH 2019
Dt 01.03.2019 Friday:
March ni 1 hian Phullen Public Playground-ah ropui takin Chapchar Kut hman a ni a. Kumin hian khawtlang hruaitu Village Council-te kaihruaina hnuaiah Chapchar Kut Organising Committee din a ni a, YMA Phullen Br. President Pu R. Lalthantluanga chu Organising Chairman niin YMA Phullen Br Secretary Pu Lalruatsanga Pautu chu Organising Secretary a ni a. Organising Committee te ruahman angin Chapchar Kût 2019 hi hman a ni ta a ni.
Pu J. Pachhunga - Vice President, Phullen Branch YMA chuan Chapchar Kût lawmna hi a kaihruai a, Rev. MS. Dawngliana'n hunserh a hmang a, Kût Pa Pu B. Lalhriatpuia chuan thu sawiin Chapchar Kut 2019 lawmna hun chu a hawng a
He hunah hian, Section YMA atangin zai thiam tak tak te, Costume Parade hmuhnawm tak tak te, pi leh pute hun “Miruang Zâwn” an tih thin dan hmuhnawm tak takte entir a ni a. MUP Phullen Unit ten Mizo La deh dan, Herawt hmangin hmuhnawm takin an entir bakah Mizo Sairawkherh hman dan an pho lang a. MHIP Phullen Branch ten Parlâm mawi takin an rawn entir bawk. PES naupang ten Siktuithiang lam mawi takin an entir a, CCS naupang ten Hnam lâm (Cultural Dance) hmuhnawm tak an entir bawk. Chapchar Kût Miss 2019 atan Nl. PB. Hmingthanzuali d/o PB. Lalramthara chu thlan a ni.
# Chapchar Kut 2019 puala sum thawhtute:-
1. Village Council ` 20000
2. RD Deptt Phullen ₹ 10000
3. ICDS Phullen ₹ 5000
4. PWD Phullen ₹ 5000
5. NERLP Phullen ₹ 1000
6. MRB Phullen ₹ 1000
7. YMA ₹ 5000
8. PDU ₹ 2000
9. GSA ₹ 1000
10. MHIP ₹ 500
Dt 05.03.2019 Tuesday:
Hemi ni,March ni 5,Thawhlehni tuk zing 2:30 am khan, Phullen khaw pa lar, Kohhran hruaitu pawimawh tak, Presbyterian Phullen Kohhran Upa senior,Upa Lalrema H/o Pi Thanzami, Ar Farm veng chuan chatuan ram a pan ta a, chhunah vui liam a ni. Upa Lalrema hi Phullen Kohhran Upa hmasa ber Upa Ralkaikima fapa a ni.
Dt 07.03.2019 Thursday:
Hemi ni, March ni 5 Nilaithawhtan, chawhnu dar 3:30 PM khan, Pi Dokungi kum 94, W/o Pu Thangzova (L) Phullen Mautui veng chu, Tar chak lo leh thawhhah vangin an chenna inah a thi. A ruang hi, a tukah vui liam a ni. Pi Dokungi hi Pu Lalhmunenga nu a ni.
Dt 16.03.2019 Saturday:
Hemi ni,16.03.2019 Inrinni hian Phullen Sanitation Committee hruaitute chuan Phullen Diakkawn dung, kawngpui sira Tuiluanna tifaiin an hnatlang. He Tuiluankawr hi khuh vek a nih avangin a chhungah bawlhhlawh a tang khawm thei a. Fur a hnai a, tui luang a tam ṭan dawn a, harsatna a awm loh nan leh, nakin zela midangten tihfai nachang kan hriat zui zel nan a tihhmuhtu niturin Sanitation Committee hruaitute hian hma an hruai a ni.
Dt 24.03.2019 Sunday:
Hemi ni, 24.03.2019 Pathianni chawhnu dar 2:30 khan, whatsapp group pakhat Phullen Sport Lovers Group (PSLG) te leh Games & Sport Association (GSA) Phullente chuan YMA Office, Phullen Diakkawnah hun hlimawm tak an hmang.PSLG te hian an sum thawhkhawm hmanga an lei Football Jersey set khat, Rs 12000/- man chu GSA Phullen tan, GSA hruaitute hnenah hian an hlan a. Hemi hunah hian PSLG leh GSA Phullen te hian MFA Inter District Sub-Junior Football Championship 2019 Tournament-a Aizawl District aiawh a khel leh Champion ni bawk Phullen football player chhuanawm Tv Malsawmtluanga s/o Pu Lalsangliana Phullen Diakkawn hnenah, Chawimawina thuziakmawi (Citation) a hlan ve ve bawk.
Dt 30.03.2019 Saturday:
Hemi ni, 30.03.2019 Inrinni hian Phuaibuang field-a Phullen Zone Football Championship, Final khelhah Phullen GSA Team chuan Suangpuilawn GSA chu 3-1 a hnehin Phullen GSA team chu an champion. Zone Champion-te hi ADFA Cup (Inter Zone) 2019 khel turin an tling nghal a ni.
APRIL, 2019
Dt 06.04.2019 Saturday:
Hemi ni, April ni 6, 2019 Inrinni chhun khan, Phullen khawtlang mipuiten kum 2019 atana Lo tura kan vah chu hal a ni. Kumin atana Lo tur hi Phullen Ram ṭheh Board in a ruahman angin Lungdawhmawi mual aṭanga Mualbeubawk thleng leh Sasawbawk daihnai-te a ni a. Kum 2018 October ni 2 (Thawhlehni) khan ram hi ṭheh niin urhsun takin Lo thlan hun hman a ni a, mi 207 vel zetin Lo thlanna tur number an pawt a, Lo hi an thlang a ni. Kumin hian khuain a zir loh avangin sorkar duh dan, March ni 15 aia tlaiah hal a ni ta a ni.
Dt 27.04.2019 Saturday:
Hemi ni, 27.4.2019 Inrinni chawhnu dar 2:00 PM khan ADFA Cup 2019 Final Sialsuk a khelhah Phullen Zone aiawha khel (Phullen Zone Champion) Phullen GSA Team chuan Thiak Team chu 1-0 a hnehin ADFA Cup 2019 Champion a ni. Champion Team hi Phullen GSA President Pu B. Lalnunluangan hovin, Pu Reagan Lalhruaitluanga leh Pu Lallawmkima te chu Coach leh Manager an ni a, Zonunhlimsanga chu Team Physio niin Tv Lalhriatpuia chu Team Captain a ni. Champion team hi hemi zan hian Phullenah haw nghalin, a tuk zing khawvarah khawtlang mipuiten Diakkawnah an lo hmuak a ni.
MAY, 2019
Dt 03.05.2019 Friday:
Hemi ni, 3.5.2019 Zirtawpni hian Phullen tlangval pahnih Lalliansanga S/o PL Vanlalhruaia Diakkawn veng leh Vanlalduhawma S/o Sakhawliana Field veng-te chuan India Chawimawina sang Uttam Jeevan Raksha Padak Award an dawng. He Award hi India Sarkar in Civil mite hnenah, midangte nunna chhan nana hna thawk tha leh huaisente hnena chawimawina a pek thin a ni a. He award hi Tui tla, Kang mei leh Thil laihchhuahna hmuna, thih leh dam kara midangte chhanchhuak tura beitute hnenah pek thin a ni. Lalliansanga leh Vanlalduhawma te hian ni 29.3.2018 khan an thiante pahnih Bike a an chuang lai Electric in a man an chhanchhuah avanga he chawimawina hi dawng an ni. Hemi ni hian Award in a ken tel Pawisa Rs 150000 (nuaih khat leh singnga) v eve an dawng a, Medal erawh remchanga la hlan leh turin ruahman a ni.
Dt 11.05.2019 Inrinni:
Ni 11.5.2019 Inrinni chhun hian, Phullen Consumer Cooperative Society chuan, Phullen Community Hall-ah Assembly vawi 29-na a hmang a, society member 64 awmah mi 63 an kal a, a kal lo pakhat pawh hi Aizawl a zin vang a ni. Nilenga hun hmangin, tlaiah chawhlui an kilho nghal.
JUNE, 2019
Dt. 3.6.2019 Monday:
Hemi ni hian, Phullen BDO Pi Lalrinchhani Ralte MCS chuan, tun hnaia HSLC 2019 result chhuaka Phullen khaw mi zirlai Distinction a pass te lawmpuina a hlan. BDO hian Zirlai tiṭhate chu, an nu leh pate nen lengah sawmin thingpui a inpui a, lawmpuina thilpek a hlan nghal bawk a ni.BDO in lawmpuina a pek, zirlai tiṭhate chu:
1. T. Lalhmingmawia, S/o Malsawmdawngkima, Phullen.
3. K. Malsawmkima, S/o K. Vanlalnghaka, Phullen
3. Lalnunkimi, D/o KC Zahmingthanga, Phullen
Dt. 4.6.2019 Tuesday:
Phullen BDO ni mek Pi Lalrinchhani Ralte chu Darlawn BDO tura sawn a nih avangin, Pu Vanlalsawma, SDO (Civil) Saitual chuan Phullen BDO mawhphurhna a kawp dawn a, Ni 4.6.2019 Tuesday hian Phullen BDO office-ah mawhphurhna (Charge) an inhlan fel a.
Dt. 15.6.2019 Saturday:
YMA Day vawi 84-na a ni a, YMA Day denchhen hian YMA Phullen Branch chuan member pum huap hnatlang neiin, khawhlui samfai hnatlang a huaihawt a, member thahnem tak an thawk chhuak. Tin, zingkarah Phullen Historical Society (PHS) leh YMA hruaituten kan lal Awksarala thlan velah Thing an phun bawk.
Dt. 17.6.2019 Monday:
Vawiin 17.6.2019 Thawhṭanni chhun khan Phullen Games & Sports Association (GSA) chuan Phullen public playground bul velah Thing engemaw zat phunin an hnatlang. An Thing phunte hi Ashoka Tree, Herhse leh Thuja (Cedar lam chi) te a ni a, heng thingte hi kan khaw chhuak Pu V. Lalfala IFS in a ngaihtuahsak a ni.
Dt. 20.6.2019 Thursday:
Phullen PHC a M.O. ni thin Dr Zoliankimi Ngente (Pi Mimi) chu hmun dangah sawn a ni a, M.O thar Dr Vanhmingliani Khiangte (Pi Mami) chuan vawiin 20.6.2019 Thursday khan Phullen lo thlengin a hna a rawn zawm.
Dt. 22.6.2019 Saturday:
Vawiin 22.06.2019 Inrinni chhun khan Phullen Sanitation Committee members te chu Phullen tualchhung tuihawk luankawr tifaiin an hnatlang.He hnatlangah hian Sanitation Committee member mi 18 thawkchhuakin, nilengin Tuiluankawr thenfai hna hi an thawk a ni.
Dt. 21.6.2019 Friday:
Vawiin 21.06.2019 Zirtawpni a Sorkar thuchhuah angin Phullen Block chuan BDO thar kan nei a, Siaha BDO nil ai mek Pu Lalrinawma Khiangte MCS, s/o Lalsangliana (L), Model Veng chu Phullen BDO tura dah a ni. BDO thar Pu Lalrinawma Khiangte hi MCS 2015 batch-ah pakhatna a ni nghe nge a, BDO hna hmui mektu Pu Vanlalsawma SDO (C) Saitual hnen atangin mawhphurhna a la ang.
AUGUST, 2019
Dt. 15.8.2019 Thursday:
Ni 15.8.2019 Thusday hian India Independence Day vawi 73-na chu Phullen BDO Complex-ah ropui takin lawm a ni a. He hunah hian Tualchhung sawrkar office a thawkte, zirlai naupangte, khawtlang hruaitu VC leh NGO te leh sawm bik mipui te an tel a. Pu Lalrinawma Khiangte MCS, BDO Phullen chu Khuallian (Chief Guest) niin India Hnam Puanzar a pawt pharh.
Independence Day vawi 73-na lawmna pual hian, Volley Ball Association Phullente chuan Volleyball Tournament an huaihawt a. Mipa team 8 leh Hmeichhia Team 5 te telin inelna neih a ni a, March ni 11, 2019 khan Tournament hi zawhfel niin, mipa team-ah The Block Hunter te an champion a, hmeichhe Team-ah F. Lalruatfela Memorial Team (Women) te an champion bawk a ni.
Dt. 16.8.2019 Friday:
Ni 16.8.2018 Zirtawpni chhun khan Presbyterian English School, Phullen vengthar Scouts & Guides te chuan, Master Pu Lalhruaikima Tochhawng kaihhruainain Phullen Damdawiin (PHC) complex an tifai. Scouts & Guides te hi M.O. Dr Vanhmingliani Khiangte leh a thawhpui ten tha takin an lo dawngsawng.
Dt. 24.8.2019 Saturday:
Hun rei tak Phullenin Bazar Bus kan neih tawh loh hnuah, VLR te chuan ni 24.8.2019 Inrinni atang hian Phullen leh Aizawl inkarah "Phullen Bazar Bus" a tlan tir leh ta a, hemi ni hian a thar lawmnan, chuan man hi mi pakhatah Rs 250/- zelin lak a ni.Ni 2.9.2019 atangin mumal leh zuala tlan tir turin an ruahman a ni.
Dt. 30.8.2019 Friday:
Kan khaw (Phullen) Sub - Centre panna kawng, fur laia diak leh nal, tluk hlauhawm tak ni thin chu kan VC te hmalaknain ni 30.8.2019 Zirtawpni hian siam that a ni ta e. Kan VC te hian a hmanrua an tum vek a, a siam hna hi KṬP Phullen Vengthar Branch ten inhlawhnan hmangin ṭha takin siam a ni ta a.
SEPTEMBER, 2019
Dt. 2.9.2019 Monday:
Vawiin Ni 2.9.2019 Thawhtanni hian YMA Phullen branch chuan Aizawl panna PWD kawngpui Phullen leh Thanglailung inkar kawng khuarte hnawhin an hnatlang. YMA hnatlang hi YMA Section anga inṭhenin Chawngbawla Section ten Thanglailung lam aṭangin an thawk a, Taitesena Section leh Vanapa Section ten Phullen lam atangin an thawk bawk.
Ni 2.9.2019 Thawhtawn chawhma dar 11:35 khan Pi Thakimi w/o Pu B. Taia (L) Phullen Diakkawn veng chuan chatuanram a pan. Pi Thakimi ruang hi tlaivarpui niin, ni 3.9.2019 Thawhlehni-ah an chenna Phullenah vuiliam a ni.
Dt. 11.9.2019 Wednesday:
Ni 11.9.2019 Nilaini, zing dar 2:35 am khan Pu Rinsailova, Phullen vengthar (Field veng) chuan chatuanram a pan. Pu Saia hi Cancer vangin Aizawlah te enkawl a ni tawh a, zai a nih hnuah Phullenah haw pui a ni.
Dt. 18.9.2019 Wednesday:
Ni18.9.2019 Nilaini khan Phullen Higher Secondary School (PHSS) zirlai leh zirtirtute chuan Phullen Damdawiin (PHC) leh a vel an tifai. Zirlai thahnem takt hawk chhuakin MO Dr Vanhmingliani Khiangte leh a staff ten lawm takin an lo dawngsawng.
Dt. 23.9.2019 Monday:
Ni 23.9.2019 Thawhtan khanPhullen Vengtarh Presbyterian Kohhran chuan, an Kohhran mi Pu Thiawnga, Sahlam veng, Phullen chu, a chenna In a that tawh loh avangin an sak that sak. Kohhran mi 130 zet an thawk chhuak a, Kohhran bakah mi inphal ten bungrua an thawh bawk a, feet 20 x 20 vela zau leh Bath room an sa a, ni 24.9.2019 ah sak zawh a ni.
OCTOBER, 2019
Dt. 1.10.2019 Tuesday:
Nimin 01.10.2019 Thawhlehni zan khan Phullen Ramṭheh Board chuan kum 2020 atana Phullen khawtlangin kan Lo neihna tur ram a ṭheh a, ram ṭheh chin chu - Kingpuimual. Khuangsuihtlang, Kingmuallai (Kingpui mual leh Kingte mual inkara mual lian vak lo awm). Kum 2020 atana ram ṭheh huam chhungah hian, ramchang kan tih mai, kum 48 vel zet lo lêng tawhte pawh a awm nual a. A huamchhin hi Fing 115 vel nia ngaih a ni a, tunlaiah erawh Lo kan nei zau ta vak lo a, Lo nei tura hming pe chhungkaw 125 te chu leng hal hal tura ngaih a ni.
Dt. 3.10.2019 Thursday:
Phullen BDO tlang, chhuah lam, Upa C. Pachhunga te In lam panna kawng, fur laia diak leh nal tak ni thin chu, kan VC te hmalaknain Plain Cement Concrete (PCC) hmanga siam that mek a ni. A hna a tha a, helai veng mite pawh an lawm hle a ni.
Dt. 25.10.2019 Friday:
Ni 25.10.2019 Zirtawpni dar 6:25 PM khan, Pi Lalchhandami kum 95 w/o Pu Suakkhuma (L), Phullen Mautui veng, chuan chatuan ram a pan ta. Pi Chhandami hi Upa Lallawmsanga pi a ni.
NOVEMBER, 2019
Dt 1.11.2019 Friday:
Village Council (VC) te hmalaknain, Pu Laldawla kawt atanga Christian Children School, Phullen lam panna kawng chu Plain Cement Concrete (PCC) hmangin tha taka siam a ni. He kawng hi CCS sikul hian kawngah an hmang a, Fur laiin a nal ṭhin hle a, a fianrial deuh avangin Vangvat pawh kai tur a awm fo thin a ni awm e. Work order-ah chuan meter 200 thleng siam tur a ni a, mahse daihzai leh tangkai taka hmangin VC te hian meter 300 zeta thui chu zau tak leh ṭha takin an siam ta zawk a ni.
Dt 2.11.2019 Saturday:
Phullen Volleyball Association leh NYKS huaihawta Tuivai Rural Zone Volleyball Championship (Men & Women) cum Block Sport Meet, Ni 29.10.2019 atanga Ni 2.11.2019 thlenga Phullen neih chu tluang taka zawh a ni a. Mipa Team-ah Thanglailung chuan Phuaibuang team chu hnehin an champion a, Hmeichhe Team-ah Khawlian Team in Phullen Team chu hnehin an champion bawk.
He Tournament-ah hian, hmeichhiaah Zairemtluangi Kawlian chu Best Player a ni a, Mipaah Lalruatkima Thanglailung chu Best Spiker a ni a, Vanlalmihriata Thanglailung chu Best Setter a ni bawk.
DECEMBER, 2019
Dt 11.12.2019 Friday:
Hemi ni 11.12.2019 zan dar 8:30 pm khan Pu Lalbiakhluta, kum 70 s/o Pu Tlanluaia, BDO tlang, Phullen chuan chatuan ram a pan. Pu Biakhluta hi Cancer natnain rei tak a lo tlakbuak tawh a ni.
Dt 16.12.2019 Monday:
Hemi ni hian kan khaw paho, kum lama upa deuh mi engemzaw zatten Pu KC Zahmingthangate hmalaknain Tuivawlah intihhlimna hun an hmang. Paho hi khuang nen thawk chhuakin hlim takin hun an hmang.
Dt 25.12.2019 Wednesday:
Hemi ni hi Krismas a ni a, Phullen khawtlanga Kohhran hrang hrang ten mahni Kohhranah theuh Kristmas hi hlim takin an lawm a. Inkhawm banah Mas chhang ruai leh thingpui inho a ni.
Dt 26.12.2019 Thursday:
Hemi ni hian Phullen khawtlanga Kohhran hrang hrang ten Krismas lawmna hun an hmang a, Kohhran tinah Krismas ruai tui tak thehho a ni.
Dt 27.12.2019 Friday:
Hemi ni hian Phullen khawtlanga Kohhran hrang hrang ten Krismas lawmna hun chu hmang chhunzawmin, Krismas ruai pawh nawn a ni a ni.
Dt 28.12.2019 Saturday:
Hemi ni hian kan lal Awksarala Thlan tuaihnum that hna zawh a ni a. Lal Awksarala Thlan hi Lal chhungte leh Phullen Historical Society te leh YMA Phullen Branch te hmalakna a tuaihnum that a ni a.
Dt 31.12.2019 Tuesday:
Hemi ni hi kum 2019 a ni hnuhnung ber a ni a, kumhlui thlah leh a tuk kumthar lo thleng tur lawm turin khawtlang mipui a inpuahchah mup mup a. Kohhran pawhin, kum 2019 chhunga an member chatuanram pantate sunna hun a hmang a, kan sûn takte hi Phullen khawtlanga mi langsar leh hlu leh uiawm tak tak an ni hlawm.
Buata Bawitlung
Dt 01.01.2020
JANUARY 2019
Dt 1.1.2019 Tuesday:
Phullen khawtlang mipui ten, mahni lawina Kohhranah theuh ruai nen ropui takin Kumthar an lawm.
Hemi hian Pu Zakhuma kum 74 S/o Pu Vanlalthanga & Pi Aihnuni, Phullen New Khandaih, Ni 31.12.2018 a Civil Hospital Aizawl a Stroke vanga thi chu vuiliam a ni a.
Dt 3.01.2019 Thursday:
Hemi ni zan dar 6:30 PM hian Phullen Diakkawn-ah Phullen Historical Society (PHS) leh Doordarshan Aizawl tangkawpin a siam Phullen Documentary Film chu Phullen VCP Pu B. Lalhriatpuian a tlangzarh. He hunah hian khawtlang hruaitute VC, YMA leh pawl hrang hrang hruaitute an kim hle a, Aizawl atangin Phullen & Thanglailung Welfare hruaitu Chairman Pu Lalrammawia, Sr Vice Chairman Pu Lalbiakdanga, Vice Chairman Pu R.Kapkhuma, Sr Adviser Prof. JV Hluna te pawh he hun hmang hian an kal. Phullen Historical Society (PHS) aiawhin Pu Lalbuatsaiha Secretary leh Pu Vanthuampuia Chairman ten thu an sawi bawk.
Dt 25.01.2019 Friday:
He mi ni hian BDO Phullen huaihawtin Phullen Community Hall-ah Naupang Kumtlinglo khuaikhem chungchang a in vennna leh inzirtirna {Protection for Children from Sexual Offences (POCSO)} hun hman a ni a. He hun hi BDO Pi Lalrinchhani Ralte in a kaihruai a, Aizawl lam aṭanga mithiam lo kal ten zirlai tleirawl kalkhawm takte chu, kum tlinglo khuaikhem chungchang, a pumpelh dan leh invennate an zirtir a.
Hemi ni hi 25.1.2019 hi Voters Day a ni a, Community Hall a Kumtlinglo khuaikhem chungchang a in vennna leh inzirtirna hun hman rual hian Voters Day pualin hun hman nghal a ni.
Hemi ni 25.1.2019 vek hian, BDO Training Hall ah, tualchhunga pawl (NGO) hranghrang hruaitute leh tualchhung Sikul Zirtirtute chu, Kumtlinglo khuaikhem chungchang, a in vennna leh inzirtirna (POCSO) lam Aizawl aṭanga mithiam chah chhuahte nen an sawiho a. Mithiamte hian khawtlang hruaitute leh zirtirtute hriat tur chi thu tha tak tak an hrilh a,he huna kal te hian an hlawkpui hle.
Dt 29.01.2019 Tuesday:
Hemi zan 29.1.2019, 7:00 pm hian YMA Phullen Branch huam chhunga YMA Section hrang hrang - Chawngbawla Section, Taitesena Section leh Vanapa Section hruaitu tur thlan a ni a, YMA Section inthlan hi Branch YMA hruaituten an tawiawm a ni.
FEBRUARY 2019
Dt 08.02.2019 Friday:
Hemi ni hian Presbyterian English School Phullen Scouts & Guides Unit te chuan vantlang hmunhma tifaiin an hnatlang a. Phullena Vantlang tuikhur pahnih - Pu Lura Tui, Phullen vengthar leh Tui Irh Phullen vengthar a mi chu, a chhung leh a chheh vel fai takin an thian a. Sikul naupang tenawi zual deuhte pawhin Sikul leh a vel kawngpui dunga bawlhhlawh awmte an thianfai bawk.
Dt 18.02.2019 Monday:
Hemi ni 18.2.2019, zan dar 9:45 PM khan Pu Liankamlova kum 65 H/o Pi Lalnunchami, Phullen, Sub Centre veng chu an chenna inah Cancer vangin a thi. Pu Kamlova hi Hospital-ah pawh enkawl reng tawh a ni a, a ruang hi a tuk, ni 19.2.2019 khan vui liam a ni.
Dt 21.02.2019 Thursday:
Hemi ni hian Diakkawn tawntirh a Leitlahniam chu hnawh zawl a siam that a ni. He lai kawng hi kum 2015 August thla a Phullen-in Ruah sur nasa avanga chhiatna kan tawh nual tuma tlahniam kha a ni a, vawi engemaw zat siam a nih hnuah pawh a che leh thin a ni.
MARCH 2019
Dt 01.03.2019 Friday:
March ni 1 hian Phullen Public Playground-ah ropui takin Chapchar Kut hman a ni a. Kumin hian khawtlang hruaitu Village Council-te kaihruaina hnuaiah Chapchar Kut Organising Committee din a ni a, YMA Phullen Br. President Pu R. Lalthantluanga chu Organising Chairman niin YMA Phullen Br Secretary Pu Lalruatsanga Pautu chu Organising Secretary a ni a. Organising Committee te ruahman angin Chapchar Kût 2019 hi hman a ni ta a ni.
Pu J. Pachhunga - Vice President, Phullen Branch YMA chuan Chapchar Kût lawmna hi a kaihruai a, Rev. MS. Dawngliana'n hunserh a hmang a, Kût Pa Pu B. Lalhriatpuia chuan thu sawiin Chapchar Kut 2019 lawmna hun chu a hawng a
He hunah hian, Section YMA atangin zai thiam tak tak te, Costume Parade hmuhnawm tak tak te, pi leh pute hun “Miruang Zâwn” an tih thin dan hmuhnawm tak takte entir a ni a. MUP Phullen Unit ten Mizo La deh dan, Herawt hmangin hmuhnawm takin an entir bakah Mizo Sairawkherh hman dan an pho lang a. MHIP Phullen Branch ten Parlâm mawi takin an rawn entir bawk. PES naupang ten Siktuithiang lam mawi takin an entir a, CCS naupang ten Hnam lâm (Cultural Dance) hmuhnawm tak an entir bawk. Chapchar Kût Miss 2019 atan Nl. PB. Hmingthanzuali d/o PB. Lalramthara chu thlan a ni.
# Chapchar Kut 2019 puala sum thawhtute:-
1. Village Council ` 20000
2. RD Deptt Phullen ₹ 10000
3. ICDS Phullen ₹ 5000
4. PWD Phullen ₹ 5000
5. NERLP Phullen ₹ 1000
6. MRB Phullen ₹ 1000
7. YMA ₹ 5000
8. PDU ₹ 2000
9. GSA ₹ 1000
10. MHIP ₹ 500
Dt 05.03.2019 Tuesday:
Hemi ni,March ni 5,Thawhlehni tuk zing 2:30 am khan, Phullen khaw pa lar, Kohhran hruaitu pawimawh tak, Presbyterian Phullen Kohhran Upa senior,Upa Lalrema H/o Pi Thanzami, Ar Farm veng chuan chatuan ram a pan ta a, chhunah vui liam a ni. Upa Lalrema hi Phullen Kohhran Upa hmasa ber Upa Ralkaikima fapa a ni.
Dt 07.03.2019 Thursday:
Hemi ni, March ni 5 Nilaithawhtan, chawhnu dar 3:30 PM khan, Pi Dokungi kum 94, W/o Pu Thangzova (L) Phullen Mautui veng chu, Tar chak lo leh thawhhah vangin an chenna inah a thi. A ruang hi, a tukah vui liam a ni. Pi Dokungi hi Pu Lalhmunenga nu a ni.
Dt 16.03.2019 Saturday:
Hemi ni,16.03.2019 Inrinni hian Phullen Sanitation Committee hruaitute chuan Phullen Diakkawn dung, kawngpui sira Tuiluanna tifaiin an hnatlang. He Tuiluankawr hi khuh vek a nih avangin a chhungah bawlhhlawh a tang khawm thei a. Fur a hnai a, tui luang a tam ṭan dawn a, harsatna a awm loh nan leh, nakin zela midangten tihfai nachang kan hriat zui zel nan a tihhmuhtu niturin Sanitation Committee hruaitute hian hma an hruai a ni.
Dt 24.03.2019 Sunday:
Hemi ni, 24.03.2019 Pathianni chawhnu dar 2:30 khan, whatsapp group pakhat Phullen Sport Lovers Group (PSLG) te leh Games & Sport Association (GSA) Phullente chuan YMA Office, Phullen Diakkawnah hun hlimawm tak an hmang.PSLG te hian an sum thawhkhawm hmanga an lei Football Jersey set khat, Rs 12000/- man chu GSA Phullen tan, GSA hruaitute hnenah hian an hlan a. Hemi hunah hian PSLG leh GSA Phullen te hian MFA Inter District Sub-Junior Football Championship 2019 Tournament-a Aizawl District aiawh a khel leh Champion ni bawk Phullen football player chhuanawm Tv Malsawmtluanga s/o Pu Lalsangliana Phullen Diakkawn hnenah, Chawimawina thuziakmawi (Citation) a hlan ve ve bawk.
Dt 30.03.2019 Saturday:
Hemi ni, 30.03.2019 Inrinni hian Phuaibuang field-a Phullen Zone Football Championship, Final khelhah Phullen GSA Team chuan Suangpuilawn GSA chu 3-1 a hnehin Phullen GSA team chu an champion. Zone Champion-te hi ADFA Cup (Inter Zone) 2019 khel turin an tling nghal a ni.
APRIL, 2019
Dt 06.04.2019 Saturday:
Hemi ni, April ni 6, 2019 Inrinni chhun khan, Phullen khawtlang mipuiten kum 2019 atana Lo tura kan vah chu hal a ni. Kumin atana Lo tur hi Phullen Ram ṭheh Board in a ruahman angin Lungdawhmawi mual aṭanga Mualbeubawk thleng leh Sasawbawk daihnai-te a ni a. Kum 2018 October ni 2 (Thawhlehni) khan ram hi ṭheh niin urhsun takin Lo thlan hun hman a ni a, mi 207 vel zetin Lo thlanna tur number an pawt a, Lo hi an thlang a ni. Kumin hian khuain a zir loh avangin sorkar duh dan, March ni 15 aia tlaiah hal a ni ta a ni.
Dt 27.04.2019 Saturday:
Hemi ni, 27.4.2019 Inrinni chawhnu dar 2:00 PM khan ADFA Cup 2019 Final Sialsuk a khelhah Phullen Zone aiawha khel (Phullen Zone Champion) Phullen GSA Team chuan Thiak Team chu 1-0 a hnehin ADFA Cup 2019 Champion a ni. Champion Team hi Phullen GSA President Pu B. Lalnunluangan hovin, Pu Reagan Lalhruaitluanga leh Pu Lallawmkima te chu Coach leh Manager an ni a, Zonunhlimsanga chu Team Physio niin Tv Lalhriatpuia chu Team Captain a ni. Champion team hi hemi zan hian Phullenah haw nghalin, a tuk zing khawvarah khawtlang mipuiten Diakkawnah an lo hmuak a ni.
MAY, 2019
Dt 03.05.2019 Friday:
Hemi ni, 3.5.2019 Zirtawpni hian Phullen tlangval pahnih Lalliansanga S/o PL Vanlalhruaia Diakkawn veng leh Vanlalduhawma S/o Sakhawliana Field veng-te chuan India Chawimawina sang Uttam Jeevan Raksha Padak Award an dawng. He Award hi India Sarkar in Civil mite hnenah, midangte nunna chhan nana hna thawk tha leh huaisente hnena chawimawina a pek thin a ni a. He award hi Tui tla, Kang mei leh Thil laihchhuahna hmuna, thih leh dam kara midangte chhanchhuak tura beitute hnenah pek thin a ni. Lalliansanga leh Vanlalduhawma te hian ni 29.3.2018 khan an thiante pahnih Bike a an chuang lai Electric in a man an chhanchhuah avanga he chawimawina hi dawng an ni. Hemi ni hian Award in a ken tel Pawisa Rs 150000 (nuaih khat leh singnga) v eve an dawng a, Medal erawh remchanga la hlan leh turin ruahman a ni.
Dt 11.05.2019 Inrinni:
Ni 11.5.2019 Inrinni chhun hian, Phullen Consumer Cooperative Society chuan, Phullen Community Hall-ah Assembly vawi 29-na a hmang a, society member 64 awmah mi 63 an kal a, a kal lo pakhat pawh hi Aizawl a zin vang a ni. Nilenga hun hmangin, tlaiah chawhlui an kilho nghal.
JUNE, 2019
Dt. 3.6.2019 Monday:
Hemi ni hian, Phullen BDO Pi Lalrinchhani Ralte MCS chuan, tun hnaia HSLC 2019 result chhuaka Phullen khaw mi zirlai Distinction a pass te lawmpuina a hlan. BDO hian Zirlai tiṭhate chu, an nu leh pate nen lengah sawmin thingpui a inpui a, lawmpuina thilpek a hlan nghal bawk a ni.BDO in lawmpuina a pek, zirlai tiṭhate chu:
1. T. Lalhmingmawia, S/o Malsawmdawngkima, Phullen.
3. K. Malsawmkima, S/o K. Vanlalnghaka, Phullen
3. Lalnunkimi, D/o KC Zahmingthanga, Phullen
Dt. 4.6.2019 Tuesday:
Phullen BDO ni mek Pi Lalrinchhani Ralte chu Darlawn BDO tura sawn a nih avangin, Pu Vanlalsawma, SDO (Civil) Saitual chuan Phullen BDO mawhphurhna a kawp dawn a, Ni 4.6.2019 Tuesday hian Phullen BDO office-ah mawhphurhna (Charge) an inhlan fel a.
Dt. 15.6.2019 Saturday:
YMA Day vawi 84-na a ni a, YMA Day denchhen hian YMA Phullen Branch chuan member pum huap hnatlang neiin, khawhlui samfai hnatlang a huaihawt a, member thahnem tak an thawk chhuak. Tin, zingkarah Phullen Historical Society (PHS) leh YMA hruaituten kan lal Awksarala thlan velah Thing an phun bawk.
Dt. 17.6.2019 Monday:
Vawiin 17.6.2019 Thawhṭanni chhun khan Phullen Games & Sports Association (GSA) chuan Phullen public playground bul velah Thing engemaw zat phunin an hnatlang. An Thing phunte hi Ashoka Tree, Herhse leh Thuja (Cedar lam chi) te a ni a, heng thingte hi kan khaw chhuak Pu V. Lalfala IFS in a ngaihtuahsak a ni.
Dt. 20.6.2019 Thursday:
Phullen PHC a M.O. ni thin Dr Zoliankimi Ngente (Pi Mimi) chu hmun dangah sawn a ni a, M.O thar Dr Vanhmingliani Khiangte (Pi Mami) chuan vawiin 20.6.2019 Thursday khan Phullen lo thlengin a hna a rawn zawm.
Dt. 22.6.2019 Saturday:
Vawiin 22.06.2019 Inrinni chhun khan Phullen Sanitation Committee members te chu Phullen tualchhung tuihawk luankawr tifaiin an hnatlang.He hnatlangah hian Sanitation Committee member mi 18 thawkchhuakin, nilengin Tuiluankawr thenfai hna hi an thawk a ni.
Dt. 21.6.2019 Friday:
Vawiin 21.06.2019 Zirtawpni a Sorkar thuchhuah angin Phullen Block chuan BDO thar kan nei a, Siaha BDO nil ai mek Pu Lalrinawma Khiangte MCS, s/o Lalsangliana (L), Model Veng chu Phullen BDO tura dah a ni. BDO thar Pu Lalrinawma Khiangte hi MCS 2015 batch-ah pakhatna a ni nghe nge a, BDO hna hmui mektu Pu Vanlalsawma SDO (C) Saitual hnen atangin mawhphurhna a la ang.
AUGUST, 2019
Dt. 15.8.2019 Thursday:
Ni 15.8.2019 Thusday hian India Independence Day vawi 73-na chu Phullen BDO Complex-ah ropui takin lawm a ni a. He hunah hian Tualchhung sawrkar office a thawkte, zirlai naupangte, khawtlang hruaitu VC leh NGO te leh sawm bik mipui te an tel a. Pu Lalrinawma Khiangte MCS, BDO Phullen chu Khuallian (Chief Guest) niin India Hnam Puanzar a pawt pharh.
Independence Day vawi 73-na lawmna pual hian, Volley Ball Association Phullente chuan Volleyball Tournament an huaihawt a. Mipa team 8 leh Hmeichhia Team 5 te telin inelna neih a ni a, March ni 11, 2019 khan Tournament hi zawhfel niin, mipa team-ah The Block Hunter te an champion a, hmeichhe Team-ah F. Lalruatfela Memorial Team (Women) te an champion bawk a ni.
Dt. 16.8.2019 Friday:
Ni 16.8.2018 Zirtawpni chhun khan Presbyterian English School, Phullen vengthar Scouts & Guides te chuan, Master Pu Lalhruaikima Tochhawng kaihhruainain Phullen Damdawiin (PHC) complex an tifai. Scouts & Guides te hi M.O. Dr Vanhmingliani Khiangte leh a thawhpui ten tha takin an lo dawngsawng.
Dt. 24.8.2019 Saturday:
Hun rei tak Phullenin Bazar Bus kan neih tawh loh hnuah, VLR te chuan ni 24.8.2019 Inrinni atang hian Phullen leh Aizawl inkarah "Phullen Bazar Bus" a tlan tir leh ta a, hemi ni hian a thar lawmnan, chuan man hi mi pakhatah Rs 250/- zelin lak a ni.Ni 2.9.2019 atangin mumal leh zuala tlan tir turin an ruahman a ni.
Dt. 30.8.2019 Friday:
Kan khaw (Phullen) Sub - Centre panna kawng, fur laia diak leh nal, tluk hlauhawm tak ni thin chu kan VC te hmalaknain ni 30.8.2019 Zirtawpni hian siam that a ni ta e. Kan VC te hian a hmanrua an tum vek a, a siam hna hi KṬP Phullen Vengthar Branch ten inhlawhnan hmangin ṭha takin siam a ni ta a.
SEPTEMBER, 2019
Dt. 2.9.2019 Monday:
Vawiin Ni 2.9.2019 Thawhtanni hian YMA Phullen branch chuan Aizawl panna PWD kawngpui Phullen leh Thanglailung inkar kawng khuarte hnawhin an hnatlang. YMA hnatlang hi YMA Section anga inṭhenin Chawngbawla Section ten Thanglailung lam aṭangin an thawk a, Taitesena Section leh Vanapa Section ten Phullen lam atangin an thawk bawk.
Ni 2.9.2019 Thawhtawn chawhma dar 11:35 khan Pi Thakimi w/o Pu B. Taia (L) Phullen Diakkawn veng chuan chatuanram a pan. Pi Thakimi ruang hi tlaivarpui niin, ni 3.9.2019 Thawhlehni-ah an chenna Phullenah vuiliam a ni.
Dt. 11.9.2019 Wednesday:
Ni 11.9.2019 Nilaini, zing dar 2:35 am khan Pu Rinsailova, Phullen vengthar (Field veng) chuan chatuanram a pan. Pu Saia hi Cancer vangin Aizawlah te enkawl a ni tawh a, zai a nih hnuah Phullenah haw pui a ni.
Dt. 18.9.2019 Wednesday:
Ni18.9.2019 Nilaini khan Phullen Higher Secondary School (PHSS) zirlai leh zirtirtute chuan Phullen Damdawiin (PHC) leh a vel an tifai. Zirlai thahnem takt hawk chhuakin MO Dr Vanhmingliani Khiangte leh a staff ten lawm takin an lo dawngsawng.
Dt. 23.9.2019 Monday:
Ni 23.9.2019 Thawhtan khanPhullen Vengtarh Presbyterian Kohhran chuan, an Kohhran mi Pu Thiawnga, Sahlam veng, Phullen chu, a chenna In a that tawh loh avangin an sak that sak. Kohhran mi 130 zet an thawk chhuak a, Kohhran bakah mi inphal ten bungrua an thawh bawk a, feet 20 x 20 vela zau leh Bath room an sa a, ni 24.9.2019 ah sak zawh a ni.
OCTOBER, 2019
Dt. 1.10.2019 Tuesday:
Nimin 01.10.2019 Thawhlehni zan khan Phullen Ramṭheh Board chuan kum 2020 atana Phullen khawtlangin kan Lo neihna tur ram a ṭheh a, ram ṭheh chin chu - Kingpuimual. Khuangsuihtlang, Kingmuallai (Kingpui mual leh Kingte mual inkara mual lian vak lo awm). Kum 2020 atana ram ṭheh huam chhungah hian, ramchang kan tih mai, kum 48 vel zet lo lêng tawhte pawh a awm nual a. A huamchhin hi Fing 115 vel nia ngaih a ni a, tunlaiah erawh Lo kan nei zau ta vak lo a, Lo nei tura hming pe chhungkaw 125 te chu leng hal hal tura ngaih a ni.
Dt. 3.10.2019 Thursday:
Phullen BDO tlang, chhuah lam, Upa C. Pachhunga te In lam panna kawng, fur laia diak leh nal tak ni thin chu, kan VC te hmalaknain Plain Cement Concrete (PCC) hmanga siam that mek a ni. A hna a tha a, helai veng mite pawh an lawm hle a ni.
Dt. 25.10.2019 Friday:
Ni 25.10.2019 Zirtawpni dar 6:25 PM khan, Pi Lalchhandami kum 95 w/o Pu Suakkhuma (L), Phullen Mautui veng, chuan chatuan ram a pan ta. Pi Chhandami hi Upa Lallawmsanga pi a ni.
NOVEMBER, 2019
Dt 1.11.2019 Friday:
Village Council (VC) te hmalaknain, Pu Laldawla kawt atanga Christian Children School, Phullen lam panna kawng chu Plain Cement Concrete (PCC) hmangin tha taka siam a ni. He kawng hi CCS sikul hian kawngah an hmang a, Fur laiin a nal ṭhin hle a, a fianrial deuh avangin Vangvat pawh kai tur a awm fo thin a ni awm e. Work order-ah chuan meter 200 thleng siam tur a ni a, mahse daihzai leh tangkai taka hmangin VC te hian meter 300 zeta thui chu zau tak leh ṭha takin an siam ta zawk a ni.
Dt 2.11.2019 Saturday:
Phullen Volleyball Association leh NYKS huaihawta Tuivai Rural Zone Volleyball Championship (Men & Women) cum Block Sport Meet, Ni 29.10.2019 atanga Ni 2.11.2019 thlenga Phullen neih chu tluang taka zawh a ni a. Mipa Team-ah Thanglailung chuan Phuaibuang team chu hnehin an champion a, Hmeichhe Team-ah Khawlian Team in Phullen Team chu hnehin an champion bawk.
He Tournament-ah hian, hmeichhiaah Zairemtluangi Kawlian chu Best Player a ni a, Mipaah Lalruatkima Thanglailung chu Best Spiker a ni a, Vanlalmihriata Thanglailung chu Best Setter a ni bawk.
DECEMBER, 2019
Dt 11.12.2019 Friday:
Hemi ni 11.12.2019 zan dar 8:30 pm khan Pu Lalbiakhluta, kum 70 s/o Pu Tlanluaia, BDO tlang, Phullen chuan chatuan ram a pan. Pu Biakhluta hi Cancer natnain rei tak a lo tlakbuak tawh a ni.
Dt 16.12.2019 Monday:
Hemi ni hian kan khaw paho, kum lama upa deuh mi engemzaw zatten Pu KC Zahmingthangate hmalaknain Tuivawlah intihhlimna hun an hmang. Paho hi khuang nen thawk chhuakin hlim takin hun an hmang.
Dt 25.12.2019 Wednesday:
Hemi ni hi Krismas a ni a, Phullen khawtlanga Kohhran hrang hrang ten mahni Kohhranah theuh Kristmas hi hlim takin an lawm a. Inkhawm banah Mas chhang ruai leh thingpui inho a ni.
Dt 26.12.2019 Thursday:
Hemi ni hian Phullen khawtlanga Kohhran hrang hrang ten Krismas lawmna hun an hmang a, Kohhran tinah Krismas ruai tui tak thehho a ni.
Dt 27.12.2019 Friday:
Hemi ni hian Phullen khawtlanga Kohhran hrang hrang ten Krismas lawmna hun chu hmang chhunzawmin, Krismas ruai pawh nawn a ni a ni.
Dt 28.12.2019 Saturday:
Hemi ni hian kan lal Awksarala Thlan tuaihnum that hna zawh a ni a. Lal Awksarala Thlan hi Lal chhungte leh Phullen Historical Society te leh YMA Phullen Branch te hmalakna a tuaihnum that a ni a.
Dt 31.12.2019 Tuesday:
Hemi ni hi kum 2019 a ni hnuhnung ber a ni a, kumhlui thlah leh a tuk kumthar lo thleng tur lawm turin khawtlang mipui a inpuahchah mup mup a. Kohhran pawhin, kum 2019 chhunga an member chatuanram pantate sunna hun a hmang a, kan sûn takte hi Phullen khawtlanga mi langsar leh hlu leh uiawm tak tak an ni hlawm.
Buata Bawitlung
Dt 01.01.2020
Comments
Post a Comment