PHULLEN TLANGVAL PAHNIH (2) IN INDIA RAM CHAWIMAWINA SANG AN DAWNG

By Buata Bawihtlung -

Vawiin khan Phullen tlangval pahnih Lalliansanga leh Vanlalduhawma ten India ram chawimawina sang Uttam Jeevan Raksha Padak Award pawisafai Rs 1,50,000/- ve ve an dawng.

LR: Vanlalduhawma (Awardee), Lalbuatsaiha (Me), Lalliansanga (Awardee)


Awardee and Pi Latei



Awardee leh a kalpuitute

The Uttam Jeevan Raksha Padak hi India Sarkar in Civil mite hnenah, midangte nunna chhan nana hna thawk tha leh huaisen te hnena chawimawina a pek thin a ni a. He award hi Tui tla, Kang mei leh Thil laihchhuahna hmuna, thih leh dam kara midangte chhanchhuak tura beitute hnenah pek thin a ni.

Kumin pawh hian India President chuan India ram pumah hetiang Award dawng tur mi 15 a thlang chhuak a, chung zingah chuan Phullen tlangval pahnih Lalliansanga S/o PL Vanlalhruaia Diakkawn veng leh Vanlalduhawma S/o Sakhawliana Field veng te an tel a ni.

Kan hriat angin, ni 13.4.2018 Thursday kan F. Lalruatfela leh Joel Lianthangpuia te Bike khalh lai chu Electric hruipuiin Tuivai bulah a man a. Hei hi an hnung chiah a tlan, Bike a inphur Lalliansanga leh Vanlalduhawma te chuan Current hlauhawm tak karah an thiante chu chhanin Pu Lalributa tupa F.Lalruatfela S/o F. Vanlalnghaka nunna chu chhan hman a ni lo a, mahse a ṭhian huaisen takte hian, a taksa chu him dam takin an chhan chhuak a nih kha.

Khatianga, chi-ai miah lova, thih huama thiante an chhan ngam kha a chhuanawm tak zet a. Kan VC te leh tlawmngai pawl leh Sorkar Deptt hrang hrangte zarah Mizoram sawrkar beng a thleng a. India Sawrkar pawhin a lo hria a, Award pek tlakah ngaiin, India President chuan January ni 25, 2019 khan, hetiang lama Huaisen chawimawina Uttam Jeevan Raksha Padak Award dawng turin a thlang ta a ni.

Vawiin 3.5.2019 khan Phullen tlangval huaisen leh tlawmngai Lalliansanga leh Vanlalduhawma te hian Mizoram sawrkar Home Department kaltlangin Award ken tel pawisafai cheng nuaih khat leh singnga (Rs 1,50,000/-) ve ve an dawng a. He Award in a ken tel Medal hi Sawrkar in hun remchangah a la pe leh dawn a ni.

Phullen tlangval pahnih ngawtin India ram chawimawina sang an dawng hi kan ngaisangin kan chhuang tak zet a ni.

Kum 2019 a India rama Uttam Jeevan Raksha Padak dawngtu turte chu:

1. Kum. Vismaya. P, Kerala
2. Shri Sajid Khan, Madhya Pradesh
3. Dr. Charanjit Singh Balveer Singh Saluja, Maharashtra
4. Shri Amol Sarjerao Lohar, Maharashtra
5. Master LALLIANSANGA, Phullen Mizoram
6. Master VANLALDUHAWMA, Phullen Mizoram
7. Shri Vinod, Haryana
8. Shri Ramraja Yadav, Madhya Pradesh
9. Shri Azad Singh Malik, Delhi
10. Master H. Beiduasa, Mizoram
11. Master Karan, Delhi
12. Master Deepanshu, Delhi
13. Master Prashant Sidar, Chhattisgarh
14. Master Walambok Sohphoh, Meghalaya
15. Shri Avinash Babu Naik, Goa

PS: Kan khaw chhuak New Secretariat a thawk Pi Late-i (Lt Col Lalhming Thanga nau, Ramhlun vengthar) chuan, Award dawngte lawmpui nan eitur tui tak min lo hlui bawk, kan lawm hle.


Buata Bawihtlung
Dt 3.5.2019, 1:30 PM

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more