ADFA CUP 2019 CHAMPION PHULLEN TEAM

By Buata Bawihtlung -
ADFA CUP 2019 AH PHULLEN GSA TEAM KAN CHAMPION


Vawiin 27.4.2019 Inrinni chawhnu dar 2:00 PM khan ADFA Cup 2019 Final chu Sialsuk ah Phullen Zone aiawha khel (Phullen Zone Champion) Phullen GSA Team leh Thiak Team ten an khel a, Phullen Team chu 1-0 a chakin ADF Cup 2019 Champion a ni ta.
Phullen Team te hi players naupang tak tak, Sikul naupangte an ni nawk hlawm a. Phullen atangin GSA President Pu B. Lalnuntluangan a ho a, Pu Reagan Lalhruaitluanga leh Pu Lallawmkima te chuan Coach leh Manager hna an thawk dun a, Tv Lalhriatpuia chu Team Captain a ni bawk.
Phullen Team hian, kan khelh hmasak berah Thiak Team hi 0-1 in kan hneh lo a. Mahse a hnuah kan tumpuite hneh zelin Thiak Team nen bawk hian Final ah inkhelin, minute 14-na ah Lalthasanga Jersey No 10 chuan Phullen Team tan a pet goal a, tichuan goal dang lut lovin 1-0 in kan hneh let ve leh ta a ni. He tournament ah hian, Champion kan nih mai bakah Fair Play Award kan dawng bawk a, a lawm awm hle. Kan Team inenkawlna a ṭha hle tih a hriat.
He ADFA Cup ah hian Premier League Team ami Players 2 zel hman phal a lo ni awm a, hei hi team dang ten an hmang deuh vek a. Tin, mahni zone huam chhunga player tha pawh lak phal niin, an lo la khawm bawk a ni awm e.  Phullen Team ah erawh, Pullen khawtual mi, Phullen GSA player te vek an khel thung. Heti chunga Champion an ni thei hi Players te an fakawm hle.
Phullen Team te hi, kan khawtlang hruaituten an thlawp tha hle a, kan VC leh khawtlang hruaitute bakah mimal thahnemngai ten sum leh pai leh tul dang dangah te pawh an pui a. Aizawl a an cham chhungin Pi R. Lalawmpuii w/o Pu Vanlaltluanga Armed veng ten an lo mikhual a, Pu Lalnghinglova te chhungin an hmeh tur Bawngsa te an tumpui bawk a, chutiang chuan mi thahnemngai ten tanpuina an pe hlawm.
Kan khaw team Final khel a hmun a tawiawm tur hian, Welfare chuan Bus a ruahman a, chu mai bakah Welfare a kan sernior, Chairman Pu Lalrammawia te, Sr Vice Chairman Pu Lalbiakdanga te leh hruaitu dangten a hmunah ngei an tawiawm bawk a. Mahni motor thawhchhuahpui engemaw zat an awm bakah Pu Lalbiakdanga pawhin VIP chuan nan Bolero a hire bawk a.
Sialsuk a Phullen team tawiawmtute hi, inchhiar kan tum thin a, kan tam bawk nen, kan inchhiar hlei thei tlat lo.  A huhoa kan thlalak pakhat, kan lan tamna deuhah chuan mi 100 kan chuang tih kan hre thei a. Motor pawh hi Bus bakah motor te 8 vel leh two wheeler engemaw zat (30 vel a ni mai thei) kan ni awm e.
Hetiang taka kan intawiawmna a tha hi, kan GSA hruaitute leh Players te, khawtlang hruaitute, kan khaw lama kan Players nu leh pate, zirna sikul a an zirtirtute leh mipui inpekna zar nih bakah Pathian awmpuina a ni tih loh rual a ni lo.
Kan khaw Team te hi tlaiah Aizawlah haw leh nghalin Pi R.Lalawmpuii te Inah zanriah an ei leh a, dar 10:50 pm vel khan Phullen panin an chhuak leh ta. Kan khuaah ropui taka lo hmuah tuma ni.

 Champion Team te:
Champion Team hi Phullen Zone aiawhtu Phullen GSA Team a ni a, chungte chu: Team Official: Team hruaitu: B. Lalnuntluanga President GSA Phullen Coach & Manager: Reagan Lalhruaitluanga Phullen, leh Pu Lallawmkima Phullen. Team Physio : Tv Zonunhlimsanga Phullen Players te: 1. Tv PB Lalhriatpuia Captain 2. Tv Lalnunpuia 3. Tv Jeptha Lallawmtlinga 4. Tv Hmangaihramengmawia 5. Tv Lalṭhasanga 6. Tv RC Zohruaimawia 7. Tv Malsawmtluanga 8. Tv Zohmingthanga 9. Tv Lalnundika 10. Tv T Lalremkima 11. Tv T Lalngaihsaka 12. Tv Lalrinpuia 13. Tv Lalkrosschhuanga 14. Tv Lalmuansanga 15. Tv Lalhruaitluanga 16. Tv Lalnunsanga 17. Tv Lalthuamkima 18. Tv Lalliansanga

Phullen GSA Team te, an kal leh zelna turah, duhsakna kan hlan e.

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more