Phullen & Thanglailung Welfare Assembly 2018

By -

          March ni 24, 2018 (Inrinni) khan Phullen & Thanglailung Welfare, Aizawl chuan BS Farm, Falkland, Aizawl ah General Assembly a hmang a. He hun hi nileng hman a ni a. Pu Lalrammawia Chairman, P&TWA chuan Assembly inkhawm a kaihruai a.  Phullen khaw pa Aizawl a awm mek Pu Lt Col Clement Lalhming Thanga chu Chief Guest a ni a. Pu K. Lallawmthanga Chairman, P&TWA chuan Pathian hnena inhlanna leh tawngtaina (Hunserh) hmangin, Pu R. Lalrohlua Secretary chuan Welfare hmalakna report a pe bawk a ni.

           He hunah hian Phullen khaw chhuak leh Thanglailung khaw chhuak Aizawl a awmte, mi thahnem tak an kalkhawm a, record bu a hming inziak lut hi mi 365 vel an ni a. Tin, Phullen lam atangin sawm bik khawtlang hruaitu - VC aiawhte leh YMA aiawhte bakah mi pawimawh tak takten an hman pui bawk a. Chief Guest Lt Col Clement Lalhming Thanga leh Welfare aiawha thusawi Pu C Lalbiakliana Sr Vice Chairman P&TWA ten thu an sawi bakah, Phullen VC aiawh Pi H. Lalsawmliani Treasurer VC te, Pu J. Pachhunga President YMA Phullen Branch te, Welfare dintu pawimawh Prof JV Hluna te, Ex VCP Phullen Pu Lalchuailova te, Pu H. Ramliana ten thu tha tak tak an sawi a. 

             Zaithiam tak tak Mody Hmingsangzeli bakah Lalhruaizeli ten thiam takin kalkhawmte zaiin an awi a, vawi engemaw zat an sawm nawn nghe nghe a. Tin, Pu H. Ramlianan a thusawi zawh a, Hla do a chham chuan lawm a hlawh hle.

             Assembly chawhnu lamah hian kum 2018-2020 P&TWA hruaitu tur Office Bearers thlanna neih a ni a. Phullen Welfare leh Thanglailung Welfare te hi a thuphunga inzawm mai, OB pawh an post chelh ang anga inchhunfin tawp a la ni a. He Assembly ah hian hruaitu thar thlangin, ruahman lawksa angin Phullen Welfare lam atangin OB tur mi 3 thlan chhuah a ni a, chutiang bawkin Thanglailung Welfare lam atang pawhin OB tur mi 3 thlan chhuah an ni bawk.

              Kum 2018-2018 P&TWA hruaitu tura, thlanchhuahte leh a hnua an post insiam rem dan chu hetiang hi an ni:

1. Chairman                 :    Pu Lalrammawia
2. Vice Chairman         :   Pu K. Lallawmthanga
3. Secretary                  :   Pu Lalbuatsaiha
4. Asst Secretary          :   Tv J. Lalnunzira
5. Treasurer                  :   Tv. PC Ramdinthara
6. Fin. Secretary           :   Pu K. Lalhmachhuana


               Assembly zawh hian Phullen sawh chiar tui tak eiho nghal a ni a. Phullen sawhchiar siam tur hian, a siam thiam bik Pu Lalributa Phullen chu sawm a ni a. Pu Buta leh mi tlawmngai ten ei tur tuitakin an siam a, hlim takin chawhlui an kilho a ni.































































































































































































































































Comments

  1. Maruata PautuMarch 26, 2018 at 10:44 AM

    Hmuh a nuam hle mai, damtaka ka awm chuan kumthar chu kal ve nei ka tum tawh ang.

    ReplyDelete

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more