PHULLEN VC 2015-2020 KUM KHAT CHHUNG HMALAKNA THLIR LET

By Buata Bawihtlung -
Ni 28.05.2016: 
Kan khua Phullen Village Council 2015-2020 chuan mawhphurhna an chelh atangin kum khat an tling ta a. Kum khat chhunga an hmalakna hrang hrangte thlirletna leh sawihona neih a ni.

Ni 26.05.2016 Thursday zan khan VC te hian khawtlanga mi pawimaawh leh chinchang hrie deuh, sawm bikte nen he hun hi an hmang a. VC ten an VC chhung kum khat chhung a an hmalakna hrang hrangte an thlir ho a. An hlwhtlinna leh la hlawhtlin chiah lohna te, hmalak mekna leh hmachhawp te bakah, rawtna tha tak tak an sawi ho a ni.

Hetianga mahni hmalakna, mipui hmaa phawrh ngam VC kan nei hi a ropui ka ti a. An inpekna leh inhawnna hi fak a phu a. Khawtlang tana an thrahnemngaihna vang liau liau a hetiang thil hi huaihawt an ni tih a chiang a. Ka ngaihlu tak zet. 

Kan VC ten an hmalakna te phawrha, mipui te berawn a, ngaihdan te an lak ngam lai hian, keini a khawmipuite, khawtlang hmangaitu intite hian thurawn pekna chang kan hre lo palh ang tih ka lo hlau thin. Hetianga VC te an inhawn laia, thurawn pe si lova, VC te hmalak lohna lai te lo sawi zut zut a, chu chu tih awm a nia...chu chu an ti lo va...tih tea kan lo sawi nawi leh si chuan, kan thiam loh a ni thei tlat. Chuvangin, mipuite hian kan VC te hi tawiawm ila, thurawnte i pe thrin ang u. 

Comments

Post a Comment

Popular posts from this blog

PHULLEN DIARY 2020

By Buata Bawihtlung -
Image
  KUM 2020 PHULLEN DIARY -Buata Bawihtlung JANUARY 2020 Ni 1.1.2020 Nilaini: Kum thar ni a ni a, zing Dar 4:15-ah Pi Lalbiakthari, kum-62 Hermon veng chuan, SLE natna vangin a thi a. A ruang hi he mi ni vek hian vui liam nghal a ni. He mi ni a Kohhran hrang hrang ten Kumthar lawmna inkhawm Programme a duan tawhsa chu thulh vek a ni.   Ni 2.102020 Ningani: Hemi ni hian Kohhran hrang hrangin kum 2020 kumthar lawmna hun an hmang a, Biak Inah inkhawmin, ruai nen an lawm a ni.   Ni 5.1.2020 Pathianni: Phullen Pastor Bial vawngtu, Pastor Lalngaihawmna chu Ramrthar Field, Tuingoi Bial (Tripura) ah sawn a nih avangin, Ni 5.1.2020, Pathianni Chawhnu inkhawmah Phullen Kohhran Biak Inah Bial hmingin thlahna hun hman a ni.   Ni 5.1.2020 Pathianni: Hemi ni hian PCI Phullen Vengthar chuan Kum 2020 chhunga   Rawngbawltu   hlanna hun, Biakin-ah an hmang.   Ni 7.1.2020 Thawhlehni: Mizorama Zirna In hrang hrang te kum thar atana School luh \an leh hun a ni a. Hemi ni hian
Read more

MARTAR CHALBUANGA CHHANGTE - MIZO ZINGA KRISTIAN MARTAR HMASA BER

By Buata Bawihtlung -
Image
(Mizo Kristian hmasa, Krista vanga tihduhdah tuara Martar hmasa ber, Khandaih Tlangval fel Chalbuanga Chhangte chanchin)      -        Lalbuatsaiha (Buata Bawihtlung) Buata.tkt@gmail.com Dt. 05.07.2018 @ Azl Mizo zinga Kristian Martar hmasa ber chu Khandaih khaw tlangval fel leh taima Tv Chalbuanga Chhangte a ni a. Chalbuanga hi kum 1882 khan lo piangin, unau mipa awmchhun niin an unau a upa lam atanga pathumna a ni a. A Pa chu Thilluta a ni a, a Nu chu Famthangi a ni a. A pa hi a thi hma a, a nu hoin an awm thin a. An unau chu hengte hi an ni- 1.       Tlangziki 2.       Chawntuahthangi 3.       Chalbuanga            4.       Khuallutthangi 5.       Chawngnghilhlovi 6.       Tlangchawiveli Chalbuanga te khua Khandaih hi Mizoram hmar lamah awmin, Pawihbawiha fapa Vanphunga Sailo khua a ni a. Khaw taima tak, Buh leh bala a intodelh leh khaw nuam tak niin Zawlbuk pawh pahnih an nei a. Kha tih lai a Mizoram khaw lian ber niin, In 700 khua an in chhal a.
Read more