VC TE HMALAKNA
Kan VC te hian mawhphurhna an lâk atangin theih tawpin khawtlang tan hma an la a, Party pahnih Congress (Ruling Party) leh MNF party atanga thlantlin te an ni na a, lungrual tak leh inpawhtlang takin khawtlang tan ke an pen ho a, chu chu an thiltih atangtein kan hre thei a ni.
VC thar ten mawhphurhna an lak hnu lawkah a vawikhatna atan khawtlang mamawh buaipuiin Aizawl (State Capital) ah Sorkar hotute leh Deptt hrang hranga thuneitute an dawr kual a, hetah hian VC elected members zawng zawng an kal vek a, Secretary hi chhungkaw dam lohna avangin a kal thei lo.
Post dangah kan sawi nual tawh a, hemi trum a VC te Aizawl kal hian khawtlang thilah Chief Minister bakah MLA leh Deptt hrang hrang a hotu lu te an tlawh a. Mahni hna trul leh pawimawh kalsanin zing atanga zan thlengin an buai char char a, chu chu mit ngei a hmutu ka ni a, an inpekna a fakawm ka ti a, thil thra an duhnate, khawtlang an hmangaihnate ka hmu a, ka hria a, ka ngaisang ru hlawm khawp mai. Hemi truma an thiltih langsar zual ka lo hriatpui ve te chu -
NREGS Chungchang: NREGS hnuaia mipuite hlawh hi Bank kaltlang ngeia lak tur tih a ni a. Mahse Bank kan hlat avangin mipuiten harsatna kan neih nasat thu leh khawtlang aiawh ten Bank atangin la se mipui hnenah sem leh mai se tiin Project Director, DRDA hmuh a ni a, VC te dilna hi a hlawhtling a, a lawmawm hle.
Damdawiin (PHC) leh Kudam (Godown) Kawng: Kum 2012 a Phullen Dry Village Silver Jubilee lawm laia Pu Lal Thanhawla CM in kan khawtlang tana a thil tiam, Damdawiin kawng leh Kudam kawng black topping, tun thlenga la hlawhtling lo chu CM an sawipui leh a ni a, CM chuan thra taka lo dawngsawngin Engineer in Chief ah a lo tir a, tichuan SE, EE etc an kal nghal zel a, 2015-2016 Work Schedule ah dah luh tura tih a ni ta a, a lawmawm hle a ni.
Bank Chungchang: MRB (Bank) Branch kan khuaa hawn a nih theih nan MRB Board Chairman chu a office ah ngei kawm a ni a. Kan VC ten tawng lam kan harsat deuh sia an tih avangin kei tehlul min rawn sawm a, MRB Chaiman kawmnaah hian ka tel ve. Chairman hi a lo fel phian mai a. Min lo hnial fiam ve nasa a, mahse min ngaihven vang zawk ni ngeiin a lang a, zawhna te min zawt a, kan thu thlente a chhin chhiah a. Ani chuan GM ka lo hrilh anga, Mizo ngei kaihhruaina hnuaiah Survey Team kan lo din ang a, an report dan azirin hma kan la zel dawn nia, a lo ti a, kan lawm tak zet.
VC Thar te nen chawhlui kan kilho: VC te Aizawl zinho hmasak ber trum hian kan VC tharte hian kan chenna In (Rented) Tuikhuahtlangah Chawhlui min kilpui a, Secretary bak chu an kim a, kan in a chaw an rawn ei hi kan lawm hle. Zanah kan khawtlanga Project kalpui mek langsar tak IWMP vhungchang kan sawiho a, Common Guidelines 2011 bakah Funding Pattern te, thil tam tak kan sawi a, Training kan in pe a ni ber e.
Kan VC te nen.hian Hi Five Restaurant ah Thingpui kan inho a, a nuam hle. Heng bakah hian kawng tam takin hma an la a, a hlawhtlinna hmuh nghal te a awm rualin, la hlawhtling chiah lote pawh a awm bawk. VC tharte hmalakna leh inpekna a chhuanawm tak zet a. Achunga ka tarlante hi chiang deuh a ka hriat te an ni mai a, heng lo pawh hi tam tak hmalakna an nei hman a, Mizoram chhingah hian VC tha leh chak ber an nih ka ring a, ka rilru tak tak a ni.
Post dangah VC te hmalakna hi chhunzawm leh a ni ang.
VC thar ten mawhphurhna an lak hnu lawkah a vawikhatna atan khawtlang mamawh buaipuiin Aizawl (State Capital) ah Sorkar hotute leh Deptt hrang hranga thuneitute an dawr kual a, hetah hian VC elected members zawng zawng an kal vek a, Secretary hi chhungkaw dam lohna avangin a kal thei lo.
Post dangah kan sawi nual tawh a, hemi trum a VC te Aizawl kal hian khawtlang thilah Chief Minister bakah MLA leh Deptt hrang hrang a hotu lu te an tlawh a. Mahni hna trul leh pawimawh kalsanin zing atanga zan thlengin an buai char char a, chu chu mit ngei a hmutu ka ni a, an inpekna a fakawm ka ti a, thil thra an duhnate, khawtlang an hmangaihnate ka hmu a, ka hria a, ka ngaisang ru hlawm khawp mai. Hemi truma an thiltih langsar zual ka lo hriatpui ve te chu -
NREGS Chungchang: NREGS hnuaia mipuite hlawh hi Bank kaltlang ngeia lak tur tih a ni a. Mahse Bank kan hlat avangin mipuiten harsatna kan neih nasat thu leh khawtlang aiawh ten Bank atangin la se mipui hnenah sem leh mai se tiin Project Director, DRDA hmuh a ni a, VC te dilna hi a hlawhtling a, a lawmawm hle.
Damdawiin (PHC) leh Kudam (Godown) Kawng: Kum 2012 a Phullen Dry Village Silver Jubilee lawm laia Pu Lal Thanhawla CM in kan khawtlang tana a thil tiam, Damdawiin kawng leh Kudam kawng black topping, tun thlenga la hlawhtling lo chu CM an sawipui leh a ni a, CM chuan thra taka lo dawngsawngin Engineer in Chief ah a lo tir a, tichuan SE, EE etc an kal nghal zel a, 2015-2016 Work Schedule ah dah luh tura tih a ni ta a, a lawmawm hle a ni.
Bank Chungchang: MRB (Bank) Branch kan khuaa hawn a nih theih nan MRB Board Chairman chu a office ah ngei kawm a ni a. Kan VC ten tawng lam kan harsat deuh sia an tih avangin kei tehlul min rawn sawm a, MRB Chaiman kawmnaah hian ka tel ve. Chairman hi a lo fel phian mai a. Min lo hnial fiam ve nasa a, mahse min ngaihven vang zawk ni ngeiin a lang a, zawhna te min zawt a, kan thu thlente a chhin chhiah a. Ani chuan GM ka lo hrilh anga, Mizo ngei kaihhruaina hnuaiah Survey Team kan lo din ang a, an report dan azirin hma kan la zel dawn nia, a lo ti a, kan lawm tak zet.
VC Thar te nen chawhlui kan kilho: VC te Aizawl zinho hmasak ber trum hian kan VC tharte hian kan chenna In (Rented) Tuikhuahtlangah Chawhlui min kilpui a, Secretary bak chu an kim a, kan in a chaw an rawn ei hi kan lawm hle. Zanah kan khawtlanga Project kalpui mek langsar tak IWMP vhungchang kan sawiho a, Common Guidelines 2011 bakah Funding Pattern te, thil tam tak kan sawi a, Training kan in pe a ni ber e.
Kan VC te nen.hian Hi Five Restaurant ah Thingpui kan inho a, a nuam hle. Heng bakah hian kawng tam takin hma an la a, a hlawhtlinna hmuh nghal te a awm rualin, la hlawhtling chiah lote pawh a awm bawk. VC tharte hmalakna leh inpekna a chhuanawm tak zet a. Achunga ka tarlante hi chiang deuh a ka hriat te an ni mai a, heng lo pawh hi tam tak hmalakna an nei hman a, Mizoram chhingah hian VC tha leh chak ber an nih ka ring a, ka rilru tak tak a ni.
Post dangah VC te hmalakna hi chhunzawm leh a ni ang.
Comments
Post a Comment