PHULLEN KHAWTLANG DAN BU
1. Phullen
khua chu Ni 2nd June, 1987 (Thawhlehni) zan atangin zu zawrh leh in
phallohna "Dry Village” ah puan a ni.
2. BDO/Administrative
Officer lekkawh tur te : (Thlakhat chhung)
a.
Khawtlang dan kalha zu zuar/sa leh intute chuan
Civil Supply – Buhfai, Chini, Tel etc. thla khat chhung an lei thei loving.
b.
Zu zuar emaw a intute emaw Ration Card hawhtirtu
chu a Ration Card mansak a ni ang.
3. Village
Council lekkawh tur te : (Thla thum chhung)
a.
Zu zuartute chungah:
i.
Khawtlang Development lo kal khawtlang huap emaw,
mimal chanvo torah emaw an hamthatna siamsak, Dan an bawhchhiat atanga thla
thum(3) chhung chu a n ni lovang. (Eg. IRDP, NLUP, NREP, Jhum Control etc.)
b.
In hmun lo ramah:
i.
In hmun emaw huan emaw dil duh sela, pek an ni
lovang.(Hei hian in hmun dinglai emaw huan neihsa emaw a huam lo)
c.
Zu zuar hremna dan:
i.
Mi tupawhin Zu sain emaw ramdang / khawdang
atangin Zu lalutin zuar sela, man an nih chuan cheng zanga (Rs. 500) chawitir
an ni ang. A ba thei lovang. Pawisa a neih loh pawhin a hutawk bungrua laksak a
ni ang.
ii.
Vawihnih man a nih chuan cheng Zariat (Rs. 800)
chawitir a ni ang. A ba thei lovang a, pawisa a neih loh pawhin a hutawk
bungrual laksak a ni ang. Thawktuten tul an tih angin Excise / Police-ah an
report thei bawk ang.
iii.
Vawithum man a nih chuan Phullen khua atangin
hnawhchhuah a ni ang a, an in luah lai, mi in pawh nise Khawtlangin a lilam
thei ang. Sawisel theih a ni lovang.
d.
Zu intute chungchang:
i.
MI tupawhin Zu in ruin buaina siam sela Rs. 400
(Zali) chawitir nghal a ni ang. A ba thei lovang a, pawisa a neih loh pawhin a
hutawk ang bungrua laksak a ni ang.
ii.
Khawlaia Zu rui reng reng man an nih chuan rs. 200 (Zahnih) chawitir an
ni ang a, a ba thei lovang a, pawisa a neih loh pawhin a hutawk ang bungrua
laksak a ni ang.
e.
Khawdang/Ramdang atanga laluttute hremna:
i.
Mi tupawhin ramdang/khawdang atangin zu rawn
kenglut sela, zawrh a nih leh in tur a chian loh chuan thawktute ngaihdan a ni
ang.
f.
Zu tlanchhia:
i.
Zu zuarin a thian ngamtlak emaw a chhungkhat
lainate emaw Zu thukruktir sela, man a nih chuan a Zu zuartu hremna dan
(a) anga hrem tur a ni. A ba thei lovang.
ii.
MI tupawhin a compound-ah tupawh Zu a thuhruktir
a man a nih chuan Zu zuar hremna dan (a)-na anga hrem tur a ni. A ba thei
lovang.
iii.
MI tupawhin a compound-ah tupawh Zu a
thuhruktira man a nih chuan Zu zuar hremna Dan (a)-na anga hrem tur a ni. A ba
thei lovang.
4. P-YMA
Lekkawh tur te : (Thla thum (3) chhung)
a.
Dan pawisa lova Zu zuartute chu YMA member
atanga paihchhuan (Excommunicate) a ni ang.
b.
Chhiat ni/Thatni ah YMA hminga thil tihsak chi
reng reng engmah tihsak a ni lovang.
c.
Rikrum thil, kangmei emaw, thlipui emaw, mi rawk
hmang emaw lo tawk sela, P-YMA hminga tanpuina chungchangah YMA in mawh a phur
thei lovang a, YMA dem theih a ni lovang.
d.
Ruihtheih thil ei, in etc. JPC man chawitirte
chu YMA member atanga suspend an ni ang.
5. MHIP
Lekkawh tur te : (Thla thum (3) chhung)
a.
Khawtlang dan bawhchhiaa Zu zuar lui chu MHIP
member a ni thei lovang.
b.
Engti kawng zawng pawhin tanpui ngaiin awm sela,
MHIP hmingin tanpui theih a ni lovang.
c.
MHIP kuta tanpuina local reng reng a zar an zo
thei lovang. Entirnan – Nauawm, Puanthui etc.
d.
Chhiatni / Thatni ah MHIP bungrua –Thleng, No,
Petromax, Bel etc. an hmang thei lovang.
6. MUP
Lekkawh tur te : (Thla thum (3) chhung)
a.
Khawtlang dan kalha Zu zuar leh zu in mante
chuan MUP Bungrua, chhiatni thatni ah an hawh thei lovang. Entirnan – No, Bel,
Petromax etc.
b.
Zu zuar chhungte zingah Tar chawmna dilpui tur
awm sela, MUP chuan a recommend thei lovang.
7. Phullen
Teachers’ Union Lekkawh tur te : (Thla thum (3) chhung)
a.
Zu zuar fate sikul kalten vanduaina-thihna hial
lo tawk sela, zirlaite tanpuina ang chi reng reng engmah tihsak an ni lovang.
b.
Zirlaite hamthatna, Special Scholarship, Uniform
grant, etc. ahte an fate duhsak theih an ni lovang.
c.
Dan pawisa lova Zu zuar, Zu sa, latutte chu an fate Phullen khaw
chhung, eng sikula lut pawh nise, thla thum (3) chhung suspend an ni ang.
d.
Sikul naupang tupawh ruihtheih thil avanga man
te chu zilh an ni ang a, vawihnih man an nih chuan sikul atanga hnawhchhuah
thlenga hrem theih an ni ang.
8. Games
& Sports Association Lekkawh turte : (Thla thum (3) chhung)
a.
Dan pawisa lova Zu zuar/Zu sa leh lalutute chuan
chhiatni thatniah Phullen Games & Sports Association bungrua – Dekchi,
Ketli, etc te an hawh thei lovang.
b.
Ruihtheih thil ti mante chu thla thum (3) chhung
Phullen khawchhung Tournament reng rengah an tel phal a ni lovang.
9. Ruihtheihthil
Tha lo dang te:
a.
Number 4 :
i.
Mi tupawh
Number 4 zuartu reng reng man an nih chuan vawikhat manah Rs. 1000/- chawitir
an ni ang a, a ba thei lovang. Pawisa a neih loh pawhin a hutawk bungrua laksak
a ni ang.
ii.
Number 4 eitu reng reng man a nih chuan
vawikhatah Rs. 500/- chawitir a ni ang. A ba thei lovang a, pawisa a neih loh
pawhin a hutawk bungrua laksak a ni ang.
b.
Trip / Ganja :
i.
Mi tupawh Trip / Ganja zuartu chu man a nih
chuan tumkhatah a tam leh a tlem a zirin Rs. 150/- atanga Rs. 500/- thleng chawitir theih a ni ang.
(Hei hian laluttu leh kawltu a huam ang.). A ba thei lovang a, pawisa a neih
loh pawhin a hutawk bungrua laksak a ni ang.
ii.
Trip / Ganja zutu reng reng man an nih chuan
tumkhatah Rs. 200/- chawitir an ni ang a, a ba thei lovang a, pawisa a neih loh
pawhina hutawk bungrua laksak a ni ang.
c.
Damdawi hman khawloh (Drug abuse):
i.
Ruih nana damdawi ei, in, injection etc. chu Rs. 300/- chawitir
an ni ang. Ruih atana damdawi hralhtu/lalluttu chu Rs. 500 chawitir an ni ang
a, a ba thei lovang a, pawisa a neih loh pawhin a hutawk bungrua laksak a ni
ang.
ii.
Damdawi rui thei tura zirtir leh hriattir,
tihtirtu chu Rs. 500/- chawitir a ni ang a, pawisa a neihloh pawhin a hutawk
bungrua laksak a ni ang.
iii.
Damdawi Lisence nei lova zuar lui an awm chuan
JAC Committee-in tul a tih angin Action lak a ni ang.
d.
Dendrite Hnim:
Dendride hnim man te chu Rs. 200
chawitir an ni ang a, hnimruih tura hralhtute chu Rs. 200/- chawitir an ni bawk
ang. A tul angin an zawrh pawh phal a ni lovang. An ba thei lovang a, pawisa an
neih loh pawhin a hutawk bungrua laksak an ni ang.
1 0. Kohhran
Lamah : Phullen khaw chhunga Kohhran hrang hrang – Phullen(Presbyterian),
Phullen Vengthar (Presbyterian) Kohhran leh Salvation Army-te chuan ruihtheih
thil thalo chungchangah hian anmahni dan hmanga chak taka hmalak an tum bawk.
1 1. Mi
tupawhin a In leh a compound-ah Zu a intir emaw in nan a pawisa a hmantir emaw
a nih chuan Zu in hremna dan anga Rs. 200/- chawitir a ni ang. A ba thei lovang
a, pawisa a neih loh pawhin a hutawk bungrua laksak a ni ang.
1 2. Dan
bawhchhia Foreigners chungchang: Phullen khaw chhunga In leh lo nei lo,
khawtlang dan bawhchhiate man an nih chuan an tihsual ang zelin khawtlang danin
chawitur a tih let zat an chawi ang.
1 3. Phullen
Joint Prohibition Committee chuan Phullen ram chhung khawii lai a mi pawh
ruihtheih thila inhmanhnawihte chu a man thei vek ang.
1 4. Hnathawktu
tihder chungchang: Phullen “Dry Village” humhalhna kawnga JPC tihder te chu
vawikhatah Rs. 50 – Rs. 500 thleng chawitir theih an ni ang. Hei hian April
Fool pawh a huam tel ang.
1 5. JPC
Lekha tar Pawhthlak: JPC lehkha tar ni khat a intar hmaa pawtthlatu chu Rs.
50/- chawitir a ni ang.
1 6. Khawtlang
dan hrilhfiah:
a.
Dan lekkawh chungchanga a lekkawhtute tana
harsatna siamtute chu JPC tanglaiten nalua awm lovin action an la zel ang.
b.
Ruihtheih thil khap chungchanga Phullen
khawtlang Dan siamtute hi thil tulna chi hrang hrangte avanga hrihfiah ngai a nih
pawhin Joint Prohibition Committee lo chuan hrilhfiah theih na a nei lo.
He Phullen Khawtlang Dan hi Ni
1, June 1996 (Inrinni) ah ennawnna siamthat leh belh a ni a, he dan thar ang
hian hman nghal a ni.
President
Village Council, Phullen
( He thu hi
Phullen Dry Village 10th Anniversary 1987-1997 puala Lehkhabu chhuah
“HARHFIM” bu atanga lakchhuah a ni.- Buata bawitlung )
Comments
Post a Comment